තමන් සජිත් පේ‍්‍රමදාස මහතාට සහය දෙන බව දකුණේ මාධ්‍ය වාර්තා කර ඇති නමුත් ඉදිරි ජනාධිපතිවරණයේදි තමන්ගේ සහය ලබා දෙන්නේ සජිත් පේ‍්‍රමදාස අමාත්‍යවරයාට යැයි ප‍්‍රකාශ කර නොමැති බවත් ඕනැම අපේක්ෂකයෙකුට සහය දෙන්නේ උතුරේ පක්ෂ 5 ක් එකතු වී සෑදු යෝජනා 13 ට එකඟ වු අපේක්ෂකයාට බවත් සී.වී .විග්නේෂ්වරන් මහතා අනිද්දාට පැවසීය.
නව ආණුඩුක‍්‍රම ව්‍යවස්ථාවක් යටතේ උතුරු හා නැගෙනහිර පළාත් එක් කොට ස්වයං තිරණ අයිතිය ලබා දීම , තරුණ තරුණියන්ගේ විරැුකියා ප‍්‍රශ්ණය විසඳිම,දෙමළ දේශපාලන සිරකරුවන් සියළුදෙනාව නිදහස් කිරීම, ත‍්‍රස්තවාදය වැලැක්වීමේ පනත අහෝසි කිරීම, අවසන් යුධ සමයේ සිදු වු යුධ අපරාද සම්බන්ධයෙන් ජාත්‍යන්තර මැදිහත්වීමක් මත පරීක්ෂණයක් පවත්වා වැරදිකරුවන්ට දඩුවම් දීම් දීම ඇතුළු ඉල්ලීම් 13 කින් යුත් යෝජනාවලියක් ජනාධිපතිවරණයට තරඟ කරනා ප‍්‍රධාන අපේක්ෂකයන්ට ලබා දීම සදහා ඔක්තෝම්බර් 14 වන දින දෙමළ පක්ෂ කිහිපයක නායකයන් අත්සන් තැබු බව ඒ මහතා පැවසීය.
විග්නේෂ්වරන් මහතාගේ පක්ෂය වන දෙමළ මහජන පෙරමුණට අමතරව එම ඉලංකෙයි තමිල් අරසුකච්චි, ටෙලෝ, ඊපීආර්එල්එෆ්, ප්ලොට් යන දෙමළ ජාතික සන්ධානයේ ප‍්‍රධාන පක්ෂ හතර එම ගිවිසුමට අත්සන් තබා ඇත.
