පාර්ලිමේන්තු මන්ත්රී කුමාර වෙල්ගම
ගෝඨාභය රාජපක්ෂට එරෙහි වෙන්න ගිහින් ඔබ තනිවුණා නේද?
ඒකට කමක් නැහැ. මොනවා වුණත් මම පවුල්වාදයට කැමති නැහැ. ජ්‍යෙෂ්ඨත්වයට මම තැන දෙනවා. ඔය පවුල්වාදය එක්ක මොනතරම් දක්ෂ දේශපාලනඥයෙක්ට වුණත් ස්වාධීනව දේශපාලනයට ඇවිත් කැබිනට් එක දක්වා යන්න පුළුවන්. එතැනින් එහාට යන්න බැහැ. දැන් අපට සිද්ධවෙලා තියෙන්නේ කැබිනට් ඇමතිකමකින් සෑහීමට පත්වෙලා ඉන්න. දැන් බලන්න ගෝඨාභය රාජපක්ෂ පරාද වේවි කියලා හිතුවාම ඊළඟට අපේක්ෂකත්වය දුන්නෙ චමල් රාජපක්ෂ මහත්තයාට. දැන් රාජපක්ෂලා දහදෙනෙක් විතර පෝලිමේ ඉන්නවා. අඩුම තරමේ ගෝඨාභය රාජපක්ෂ මහතාට ඉදිරිපත් වෙන්න බැරි බව හිතුණු වෙලාවේ දිනේෂ් ගුණවර්ධන මහතාට ඇප බඳින්න දුන්නා නම් පුංචි හෝ ප‍්‍රජාතන්ත‍්‍රවාදයක් එතැන තියෙනවායැයි අපට හිතන්න පුළුවන්. ඒත් එහෙම දෙයක් නැහැ. එතැන තියෙන්නේ පවුල්වාදය. මගෙත් පුතා දේශපාලනයේ ඉන්නවා තමයි. ඒත් අනෙක් අයට තැන නොදී පුතාට විතරක් තැන දෙනවා නම් මමත් වැරදියි. අපට හැමදාම කැබිනට් ඇමතිකමේ හිරවෙන්න බැහැ. එහෙම ඇමතිකමක් ලැබුණත් වැඩක් නැහැනේ. අමාත්‍යාංශයට පවුලේ අය ඇඟිලි ගහන්න එනවා. පවුල්වාදයට වඩා හොඳයි ගෙදරට වෙලා වගාවක් කරන එක.
ඔබේ කලකිරීම ඔබට අපේක්ෂකත්වය නොලැබුණ හින්දාද?
මම මුලින්ම කීවේ මට අපේක්ෂකත්වය දෙන්න කියලා නෙවෙයිනේ. මුලින් මම කිව්වා අපේ ඉන්න ජ්‍යෙෂ්ඨයන් වන දිනේෂ් ගුණවර්ධන, වාසුදේව නානායක්කාර වගේ කෙනෙකුට අපේක්ෂකත්වය දෙමු කියලා. ඒක බැරි නම් මට හරි දෙන්න කියලා මම කිව්වේ පස්සේ. පවුලෙන් පිට හොඳ ජ්‍යෙෂ්ඨයෙකුට අපේක්ෂකත්වය දුන්නා නම් මම එයට සහයෝගය දක්වනවා.
පොදුජන පෙරමුණේ අපේක්ෂකත්වයට ඔබේ හා දිනේෂ් ගුණවර්ධනගේ ඇතුළුව නම් පහක් පක්ෂ නායකයන්ගේ රැස්වීම්වලට යෝජනා කරලා ඉන් එකක් තෝරාගත් බව කියනවා නේද?
ඒක ඇස් බැන්දුමක් විතරයි. එයාලා ජනාධිපතිවරණ අපේක්ෂකයන්ව තේරුවේ පවුල ඇතුළේ සාකච්ඡුා කරලයි. පවුලේ අය හැම තීන්දුවක්ම අරගෙන පසුව එළියට දානවා. එහෙම දේශපාලනය කරන්න මම කැමති නැහැ. ඔය නම් පහක් දාපු කතා හොඳයි කොණ්ඩය බැඳපු චීන්නුන්ට.
ඔබට ශ‍්‍රීලනිපයට එක්වීමෙනුත් සහනයක් නැහැ නේද?
මම කොහොමත් හිටියේ ශ‍්‍රීලනිපයේ. තාවකාලිකව පොහොට්ටුව එක්ක කටයුතු කළා පමණයි. ගෝඨාභය රාජපක්ෂව ගෙනැල්ලා පවුල්වාදය තහවුරු කරද්දී මම එතැනින් අයින්වෙලාම ආවා. එතැනින් පස්සේ මට ඒ කණ්ඩායමත් එක්ක සම්බන්ධයක් නැහැ. මම ජනාධිපති මෛත‍්‍රීපාල සිරිසේන මැතිතුමාව මුණගැහුණා. එතුමාට මම කීවා ජනාධිපතිවරණයට ඉදිරිපත්වෙන්න, මම සහාය දෙන්නම් කියලා. එහෙම බැරිනම් දයාසිරි ජයසේකර, දුමින්ද දිසානායක වගේ හොඳ තරුණ නායකයෙක්ව දාන්න කියලා මම යෝජනා කළා. එහෙම වුණා නම් මට පුළුවන් සහාය දෙන්න. ඒ කිසිවක් බැරි නම් මම වුණත් ඉදිරිපත් වෙන්නම් කියා කීවා. ඒත් ඒවා ඇහුවේ නැහැ. ජනාධිපතිවරණය වෙනුවෙන් ශ‍්‍රීලනිපය හරි සැලසුමක් හදාගත්තේ නැහැ. තීන්දුවක් නැතිව අන්තිම මොහොත දක්වාම හිටියා. ජනාධිපතිවරණයට ඇප බඳින අවසාන දවසත් ආවාම මම හිතුවා ශ‍්‍රීලනිපය ඉන්පස්සේ ජනාධිපතිවරණයට ඉදිරිපත් වෙන්න තීන්දු කළොත් ඇප බඳින්න විදියක් නැති හින්දා මම ඇප බඳින්න ඕනෑ බව. මම හිතුවා එතකොටවත් මට ශ‍්‍රීලනිපයෙන් සහයෝගය ලැබේවි කියලා. ඒත් ඒක සිද්ධවුණේ නැහැ. ඉතින්, මම නාමයෝජනා බාරදුන්නේත් නැහැ.
අන්තිමේදී ශ‍්‍රීලනිපයත් පොහොට්ටුවට එකතුවුණා නේද?
දැන් ශ‍්‍රීලනිපය තමන්ගේ පාක්ෂිකයන්ව අත්හැරලා දාලා තියෙනවා. ශ‍්‍රීලනිපයට හිටපු ලක්ෂ 10ක විතර පාක්ෂිකයන් යනඑන මං නැතිවයි ඉන්නේ. ඒ අයට නායකත්වය දෙන්න කෙනෙක් නැහැ. ඒ නිසා මම මගේ වගකීම විදියට සලකන්නේ ශ‍්‍රීලනිප පාක්ෂිකයන්ට නායකත්වය දීමයි. එයාලා වෙනුවෙන් මම හඬ නඟනවා.
ශ‍්‍රීලනිප නායකයන් පොදුජන පෙරමුණට එක්වෙද්දී ඡන්ද එකතුවෙන්නේ නැද්ද?
ඒ කතාව බොරු. ශ‍්‍රීලනිපය එක්වූ පළියට 2018දී ඡුන්දය දුන්න ලක්ෂ 15න් ලක්ෂ 10ක්වත් පොදුජන පෙරමුණට එකතු නොවී ඉන්නවා. ඇල්පිටියේ ඡුන්ද ප‍්‍රතිඵලය දිහා බලන්න. කිසිම දෙයක් නැතිව ඒ මිනිස්සු ඡුන්ද 5000ක් ශ‍්‍රීලනිපයට දීලා තුන්වැනි තැනට පත්කළා. ඒ ඇල්පිටියේ විතරයි. එතැන කිසිම ඡුන්ද ප‍්‍රචාරක ව්‍යාපෘතියක් තිබුණේ නැහැ. ඕපපාතිකව ඉඳලා ශ‍්‍රීලනිපයට ලැබුණු ඡුන්ද ඒ තරම් විශාලයි.
ශ‍්‍රීලනිපයේ ඇතැම් කණ්ඩායම් එජාපයට සහාය දක්වනවා. ඔබේ සැලසුම මොකක්ද?
මට ඒ වැඬේ කරන්න බැහැ. මම කියපු ලක්ෂ 10ක විතර පිරිස පොහොට්ටුවට යන්නේ නැහැ. ඒත් ඒ අය යූඇන්පීයට යන්නේත් නැහැ. ඉතින්, මට යූඇන්පීයට යන්න බැහැ. මම වෙනම ඉන්නවා.
