මැතිවරණයක් අබිමුව කලඑළි බසින පිරිස් බොහෝය. ඊට පෙර කිසිදාක කිසිම දෙයක් පිළිබඳ කිසිදු අදහසක් නොතිබූ මේ පිරිස්වලට හදිසියේම පහළවන අදහස් මනරම්ය. විනය, නායකත්වය, තීන්දු තීරණ ගැනීම ආදිය ගැන වෙනත් ක්ෂේත‍්‍රයන් නිසා සිවිල් තත්වයක් ලැබුණ එම පිරිස් හදිසියේම මතුවී කතාකරති.
ක‍්‍රිකට් ක‍්‍රීඩක මුත්තයියා මුරලිදරන්ද එවැන්නෙකි. හදිසියේම ඔහුට ඍජු තීන්දු තීරණ ගැනීමේ නායකත්වයක් රටට අවැසි බව දැනී තිබුණි. ඒ නිසාම ජනාධිපතිවරණයක් ප‍්‍රකාශයට පත් කිරීමට පෙර සිටම මහින්ද රාජපක්ෂගෙන් ගෝඨාභය රාජපක්ෂට අපේක්ෂකත්වය ඩැහැගැනීම සඳහා පිහිටුවා තිබූ වියත් මඟ සම්මන්ත‍්‍රණයකට මුත්තයියා මුරලිදරන් සහභාගි වී තිබුණි.
ඒ පසුගිය සැප්තැම්බර් 08 වැනිදා කොළඹ ෂැංග‍්‍රිලා හෝටලයේ පැවති ‘රටේ විනය හා ප්රජාතන්ත්රවාදය වේගයෙන් දියුණු කිරීම සඳහා තරුණයන්ගේ කාර්යභාරය’ මැයෙන් වූ සම්මන්ත‍්‍රණය සඳහාය. ඊට මුරලිට අමතරව ඔහුගේ බිරිඳ මනිමලර් රාමමූර්ති, අරවින්ද ද සිල්වා, නාලක ගොඩහේවා හා ගෝඨාභය රාජපක්ෂද සහභාගි වී තිබුණි.
අරවින්ද ද සිල්වා එයට සහභාගි වුවද එය කැපී පෙනුණේ නැත. ඒ ඔහු එහිදී ප‍්‍රසිද්ධියේ අදහස් පළකිරීමක් නොකළ නිසාය. නමුත් මුත්තයියා මුරලිදරන්ගේ අදහස් ප‍්‍රකාශ කිරීම කැපී පෙනුණි. මාධ්‍ය එය වාර්තා කරනු ලැබූයේ ‘මුරලිගෙන් දුස්රාවක්’ ලෙසය. එම දුස්රාවට අදාල මුරලිගේ ප‍්‍රකාශය මාධ්‍ය වාර්තා කර තිබුණේ මේ ආකාරයටය.
නායකයෙකු හැමෝටම ආදර්ශයක් විය යුතු බවත්, හරි ලස්සන වචනවලින් කතාකරන්න ඕනෑම කෙනෙකුට හැකි බවත්, හැමෝටම ආදර්ශයක් වීමට බැරි බවත්, එය ඉතා දුෂ්කර හා අමාරු කාර්යයක් බවත්, මිනිස්සු විශ්වාස කරන්නේ ආදර්ශයක් වුවහොත් පමණක් බවත්, රටට අවශ්‍ය එවැනි නායකයෙකු බවත් තමන්ගේ ඡුන්දය ලැබෙන්නේ එවැනි නායකයෙකුට පමණක් බවත් මුරලි එහිදී කියා තිබුණි.
එම කතාවේදී ඒ ආකාරයට ගෝඨාභය රාජපක්ෂ වෙනුවෙන් ෆුල්ටොස් පන්දුවක් යවන මුරලිදරන් ඇත්තම දුස්රාව යවා තිබුණේ සජිත් පේ‍්‍රමදාසට එරෙහිවය. ඒ ගැන ඔහු කියා තිබුණේ මෙවැන්නකි.
රට වෙනුවෙන් මැරෙන්න හරි සූදානම් බව සමහර අය කියන බවත්, ඇයි ඔබ මැරෙන්නේ කියා තමන් අසන බවත්, මැරෙන කෙනාට රට පාලනය කිරීමේ වගකීමක් තියෙන බවත් ඔහු කියා ඇත. යමකු ශ‍්‍රී ලංකා ක‍්‍රිකට් කණ්ඩායමේ ස්ථානයක් දෙන්න, මම මැරිලා හරි විකට් ගන්නම් කියා කීවොත් ඔහු මැරුණොත් විකට් ගන්නේ කවුදැයි ප‍්‍රශ්න කර ඇති මුරලිදරන් එය හරි ක‍්‍රමය නොවන බව කියා ඇත.
නායකයෙකු වූ විට ස්මාට් විය යුතු බවත් උපදෙස් ගත යුතු බවත් හරි හෝ වැරදි වුව තීරණ ගත යුතු බවත් රටට අවශ්‍ය එවැනි නායකයෙකු බවත් ඔහු හදවතින්ම එවැනි නායකයෙකුට සහයෝගය දක්වන බවත් මුරදිලරන් එහිදී වැඩිදුරටත් කියා ඇත.
එහිදී ඔහු නොකියා කියා ඇත්තේ ගෝඨාභය රාජපක්ෂට සහයෝගය දක්වන බවය. ගෝඨාභයගේ වියත් මගට ඔහු පැමිණීමම ගෝඨාභයට සහයෝගය දීම හැර වෙනකක් නොවේ. එසේ පැමිණ වෙනකෙකුට සහයෝගය දෙන බව හෝ ගෝඨාභය විවේචනය කිරීම ඔහුට කළ නොහැකිය.
මේ රටේ පුරවැසියකු වශයෙන් මැතිවරණයකදී ඕනෑම කෙනෙකුට සහයෝගය පළකිරීමේ අයිතිය හා නිදහස මුරලිදරන්ට ඇත. එය අප ප‍්‍රශ්න කරන්නේ නැත. අපගේ ප‍්‍රශ්න කිරීම වන්නේ මුරලිදරන්ට එවැනි අදහසක් පහළ වන්නේ ඕපපාතිකවද යන්නය. ඒ සඳහා ඔහුට කිසිදු පසුබිමක් තිබී නැතිද යන්නය.
පසුගිය රාජපක්ෂ පාලන කාලයේ සිටම බල දේශපාලනයත් සමඟ මුරලිදරන්ගේ නම ඇදී ඉස්මත්තට ආවද ඒවා යළි යටගියේ තොරතුරු මදිකම නිසාවෙන්ය.
මේ කියන්නට යන්නේ ජනාධිපති මෛත‍්‍රීපාල සිරිසේනගේ ඔක්තෝබර් කුමන්ත‍්‍රණය සමයේ වතුකරයේ කම්කරුවකුගේ දෛනික වැටුප රුපියල් 1000ක් කරන ලෙස ඇදීගිය සටන ආශ‍්‍රිත කතාවක් පිළිබඳවය.
ගෝල්ෆේස් පිටියට දහස් ගණන් ආධාරකරුවන් රැුස්කර එහි සංවිධායකයන් මෙහෙයවන අවධියේ ඔවුන්ට පණිවිඩයක් ලැබී තිබුණි. ඒ මුත්තයියා මුරලිදරන්ගෙන්ය. පණිවිඩයෙන් කියා තිබුණේ වතුකම්කරුවන්ට රුපියල් 1000ක දෛනික වැටුපක් ලබාදීමේ ක‍්‍රමවේදයක් මුරලිදරන් සතුව පවතින බැවින් ඔහු හමුවන්නට එන ලෙසය. අරගලය ජයග‍්‍රහණයට සහය ලැබෙන්නේ කාගෙන්ද යන්න සංවිධායකන්ට ප‍්‍රශ්නයක් වන්නේ නැත. එමෙන්ම ඔවුන් එම සෑම අවස්ථාවක්ම උරගා බලනවා ඇත.
එමනිසා රුපියල් 1000 වතු වැටුප් අරගලයේ සංවිධායකයන් තිදෙනෙකු පණිවිඩකරුවාගේ මඟ පෙන්වීම් අනුව මුරලි හමුවීමට ගොස් ඇත. ඒ කොල්ලූපිටියේ පිහිටු මුත්තයියා මුරලිදරන්ගේ සහෝදරයා වූ මුත්තයියා ශෂිදරන්ගේ නිවසටය. මේ තිදෙනා එම නිවසේදී මුරලිව හමුවී ඇත. එහිදී මුරලි කියා ඇත්තේ තේ මණ්ඩලයේ ඇති අරමුදලකින් මේ වතු කම්කරු වැටුප් ගෙවිය හැකි බවය. (සමහරවිට මුරලි අදහස් කරන්නට ඇත්තේ තේ ශක්ති අරමුදල විය හැකිය.* ඒත් එම අරමුදලේ මුදල් ලබාගැනීම වත්මන් පාලකයන්ට බැරි බව මුරලි කියා ඇත. ඔහු නොකියා කියා ඇත්තේ වත්මන් පාලකයන්ට කොන්දක් නැති බවය. ඒ නිසා දේශපාලන වෙනසක් විය යුතු බව ඔහු කියා ඇත. ඒ සඳහා මේ වතුකර විරෝධතාකරුවන්ට සංවිධානයක් හෝ දේශපාලන පක්ෂයක් පිහිටුවා ගන්නා ලෙසත්, ඒ මගින් මහින්ද රාජපක්ෂට සහයෝගය ලබාදෙන ලෙසත් ඉල්ලා ඇත.
මේ කථාබහ අතර එහි පැමිණ ඇත්තේ නාමල් රාජපක්ෂය. රුපියල් 1000 අරගලයේ සංවිධායකයන් එවැන්නක් කිසිසේත් බලාපොරොත්තු වී නැත. ඔවුන් වික්ෂිප්තභාවයට පත්වී ඇත. නාමල්ද සාකච්ඡුාවට මැදිහත් වෙමින් කියා ඇත්තේ මුරලි කී දෙයමය. දේශපාලන පක්ෂයක් ලෙස හෝ සංවිධානයන් ලෙස ඔවුන්ට සහයෝගය ලබාදෙන ලෙස ඉල්ලා ඇත. ඔවුන්ගේ ආණ්ඩුවකදී මේ ප‍්‍රශ්න විසඳන බව කියා ඇත.
මුරලිගේ බල දේශපාලන සබඳතා එබඳුය. වියත් මග වැනි කථා ඉදිරියේදීත් අපට හමුවිය හැකිය. ඒ නිසාම එම කථාවලින් කවුරුත් අමන්දානන්දයට පත්විය යුතු නැත. දැනට මුරලි සම්බන්ධයෙන් එළිපිට අල්ලාගත හැකි ලෙස නැතත් ඔහුගේ මල්ලි මුත්තයියා ශෂිදරන්ට බල ව්‍යාපාරික කටයුතු ඇත. ඉන්දුනීසියාවෙන් ගෙන්වන කරුංකා ශ‍්‍රී ලංකා නිෂ්පාදන වශයෙන් හඳුන්වා ඉන්දු ශ‍්‍රී ලංකා නිදහස් වෙළඳ ගිවිසුම යටතේ ඉන්දියාවට යැවීමේ ජාවාරමේ එක් අයෙකු වූ 4එස් සමාගමේ අයිතිකරුවා මුත්තයියා ශෂිදරන්ය. මේ කරුංකා ශ‍්‍රී ලංකාවේ නිෂ්පාදන ලෙස වූ සහතිකය ශෂිදරන් ඇතුළු ව්‍යාපාරිකයන් කිහිපදෙනෙකුට පමණක් හිමිවී ඇති එකකි. එමෙන්ම මේ සඳහා ඉන්දුනීසියාවෙන් කරුංකා ගෙන්වීමේ වරමද හිමිව ඇත්තේ එම ව්‍යාපාරිකයන් පිරිසට පමණය. එය විවෘත අවකාශයක පැවති වෙළඳ කටයුත්තක් නොවීය. වරෙක නීති විරෝධීව මත්පැන් නිෂ්පාදනය සඳහා එතනෝල් ගෙන ඒමේ රේගු පරීක්ෂණයකදී හෙළිවී තිබුණේ අදාල එතනෝල් ආනයනකරුට එම කටයුතු සඳහා මුදල් දී තිබුණේ මුත්තයියා ශෂිදරන් බවය.
ඒ නිසා සාමාන්‍ය මිනිස්සුන්ට වැදගත් නැතත් මෙවැනි ව්‍යාපාරික ගණුදෙනුවල සිටින පවුල්වල සාමාජිකයන්ට බල දේශපාලනය අවශ්‍ය බව අප තේරුම් ගත යුතුය. ඔවුන්ගේ සිවිල්කම යට ඇති ඇත්ත අප තේරුම් ගත යුතුය.
ටම බල දේශපාලනයත් සමඟ මුරලිදරන්ගේ නම ඇදී ඉස්මත්තට ආවද ඒවා යළි යටගියේ තොරතුරු මදිකම නිසාවෙන්ය.
මේ කියන්නට යන්නේ ජනාධිපති මෛත‍්‍රීපාල සිරිසේනගේ ඔක්තෝබර් කුමන්ත‍්‍රණය සමයේ වතුකරයේ කම්කරුවකුගේ දෛනික වැටුප රුපියල් 1000ක් කරන ලෙස ඇදීගිය සටන ආශ‍්‍රිත කතාවක් පිළිබඳවය.
ගෝල්ෆේස් පිටියට දහස් ගණන් ආධාරකරුවන් රැුස්කර එහි සංවිධායකයන් මෙහෙයවන අවධියේ ඔවුන්ට පණිවිඩයක් ලැබී තිබුණි. ඒ මුත්තයියා මුරලිදරන්ගෙන්ය. පණිවිඩයෙන් කියා තිබුණේ වතුකම්කරුවන්ට රුපියල් 1000ක දෛනික වැටුපක් ලබාදීමේ ක‍්‍රමවේදයක් මුරලිදරන් සතුව පවතින බැවින් ඔහු හමුවන්නට එන ලෙසය. අරගලය ජයග‍්‍රහණයට සහය ලැබෙන්නේ කාගෙන්ද යන්න සංවිධායකන්ට ප‍්‍රශ්නයක් වන්නේ නැත. එමෙන්ම ඔවුන් එම සෑම අවස්ථාවක්ම උරගා බලනවා ඇත.
එමනිසා රුපියල් 1000 වතු වැටුප් අරගලයේ සංවිධායකයන් තිදෙනෙකු පණිවිඩකරුවාගේ මඟ පෙන්වීම් අනුව මුරලි හමුවීමට ගොස් ඇත. ඒ කොල්ලූපිටියේ පිහිටු මුත්තයියා මුරලිදරන්ගේ සහෝදරයා වූ මුත්තයියා ශෂිදරන්ගේ නිවසටය. මේ තිදෙනා එම නිවසේදී මුරලිව හමුවී ඇත. එහිදී මුරලි කියා ඇත්තේ තේ මණ්ඩලයේ ඇති අරමුදලකින් මේ වතු කම්කරු වැටුප් ගෙවිය හැකි බවය. (සමහරවිට මුරලි අදහස් කරන්නට ඇත්තේ තේ ශක්ති අරමුදල විය හැකිය.* ඒත් එම අරමුදලේ මුදල් ලබාගැනීම වත්මන් පාලකයන්ට බැරි බව මුරලි කියා ඇත. ඔහු නොකියා කියා ඇත්තේ වත්මන් පාලකයන්ට කොන්දක් නැති බවය. ඒ නිසා දේශපාලන වෙනසක් විය යුතු බව ඔහු කියා ඇත. ඒ සඳහා මේ වතුකර විරෝධතාකරුවන්ට සංවිධානයක් හෝ දේශපාලන පක්ෂයක් පිහිටුවා ගන්නා ලෙසත්, ඒ මගින් මහින්ද රාජපක්ෂට සහයෝගය ලබාදෙන ලෙසත් ඉල්ලා ඇත.
මේ කථාබහ අතර එහි පැමිණ ඇත්තේ නාමල් රාජපක්ෂය. රුපියල් 1000 අරගලයේ සංවිධායකයන් එවැන්නක් කිසිසේත් බලාපොරොත්තු වී නැත. ඔවුන් වික්ෂිප්තභාවයට පත්වී ඇත. නාමල්ද සාකච්ඡුාවට මැදිහත් වෙමින් කියා ඇත්තේ මුරලි කී දෙයමය. දේශපාලන පක්ෂයක් ලෙස හෝ සංවිධානයන් ලෙස ඔවුන්ට සහයෝගය ලබාදෙන ලෙස ඉල්ලා ඇත. ඔවුන්ගේ ආණ්ඩුවකදී මේ ප‍්‍රශ්න විසඳන බව කියා ඇත.
මුරලිගේ බල දේශපාලන සබඳතා එබඳුය. වියත් මග වැනි කථා ඉදිරියේදීත් අපට හමුවිය හැකිය. ඒ නිසාම එම කථාවලින් කවුරුත් අමන්දානන්දයට පත්විය යුතු නැත. දැනට මුරලි සම්බන්ධයෙන් එළිපිට අල්ලාගත හැකි ලෙස නැතත් ඔහුගේ මල්ලි මුත්තයියා ශෂිදරන්ට බල ව්‍යාපාරික කටයුතු ඇත.
ඉන්දුනීසියාවෙන් ගෙන්වන කරුංකා ශ‍්‍රී ලංකා නිෂ්පාදන වශයෙන් හඳුන්වා ඉන්දු ශ‍්‍රී ලංකා නිදහස් වෙළඳ ගිවිසුම යටතේ ඉන්දියාවට යැවීමේ ජාවාරමේ එක් අයෙකු වූ 4එස් සමාගමේ අයිතිකරුවා මුත්තයියා ශෂිදරන්ය. මේ කරුංකා ශ‍්‍රී ලංකාවේ නිෂ්පාදන ලෙස වූ සහතිකය ශෂිදරන් ඇතුළු ව්‍යාපාරිකයන් කිහිපදෙනෙකුට පමණක් හිමිවී ඇති එකකි. එමෙන්ම මේ සඳහා ඉන්දුනීසියාවෙන් කරුංකා ගෙන්වීමේ වරමද හිමිව ඇත්තේ එම ව්‍යාපාරිකයන් පිරිසට පමණය. එය විවෘත අවකාශයක පැවති වෙළඳ කටයුත්තක් නොවීය. වරෙක නීති විරෝධීව මත්පැන් නිෂ්පාදනය සඳහා එතනෝල් ගෙන ඒමේ රේගු පරීක්ෂණයකදී හෙළිවී තිබුණේ අදාල එතනෝල් ආනයනකරුට එම කටයුතු සඳහා මුදල් දී තිබුණේ මුත්තයියා ශෂිදරන් බවය.
ඒ නිසා සාමාන්‍ය මිනිස්සුන්ට වැදගත් නැතත් මෙවැනි ව්‍යාපාරික ගණුදෙනුවල සිටින පවුල්වල සාමාජිකයන්ට බල දේශපාලනය අවශ්‍ය බව අප තේරුම් ගත යුතුය. ඔවුන්ගේ සිවිල්කම යට ඇති ඇත්ත අප තේරුම් ගත යුතුය.
