ජනාධිපති නීතිඥ සුහද ගම්ලත් වනාහි රාජපක්‍ෂවරුන්ගේ අන්තේවාසිකයෙකි. එපමණක් නොවේ. ඒ අන්තේවාසිකකම ප‍්‍රසිද්ධියේම දක්වමින් ඔහු පසුගිය දිනවල ගෝඨාභය රාජපක්‍ෂගේ ජනාධිපතිවරණ ප‍්‍රචාරක රැුස්වීම්වල අසුන් ගෙන සිටියේය. පසුගිය සතියේ අනිද්දා පුවත්පතේ මුල් පිටුවේ පළවූයේ එවැනි එක් අවස්ථාවක ඡුායාරූපයකි.
පසුගිය කාලය පුරාම ඔහුගේ හැසිරීම් හා කටයුතු නිරීක්‍ෂණය කරන විට පෙනීයන්නේ ඒ හැම එකකදීම රාජපක්‍ෂවරුන් වෙනුවෙන් ඔහුගේ පක්‍ෂපාතීත්වය යහමින් පෙන්වා ඇති බවයි.
දැන් ඔහු අපරාධවල වින්දිතයන් හා සාක්‍ෂිකරුවන් ආරක්‍ෂා කිරීමේ ජාතික අධිකාරියෙහි සභාපතිවරයාය. එය ඉහළින්ම ස්වාධීනත්වය හා සුපිළිපන්භාවය අවශ්‍ය වන තනතුරකි. එහි මුල් පුටුව හොබවන්නා, ගෝඨාභය රාජපක්‍ෂගේ ඡුන්ද රැුස්වීම්වල අසුන් ගන්නා විට. හානිය සිදුවන්නේ ඔහුට නොවේ. ඔහු දරන තනතුරටය.
අපරාධවල වින්දිතයන් හා සාක්‍ෂිකරුවන් ආරක්‍ෂා කිරීම සඳහා අධිකාරියක් පිහිටුවන්නට සිදුවුණේ, අපරාධවල බලවත් සැකකරුවන් හා විත්තිකරුවන්ගේ පාර්ශ්ව විසින් ඒවායේ සාක්‍ෂිකරුවන් හා වින්දිතයන්ට කරන තර්ජන, බලපෑම් හා පීඩාවන් වළක්වන්නටය. ඒ නිසා බැලූ බැල්මටම ඒ අධිකාරිය වින්දිතයන්ට හා සාක්‍ෂිකරුවන්ට විශ්වාස කළ හැකි එකක් විය යුතුය.
එහෙත්, සුහද ගම්ලත් මහතා වාඩිවී සිටින්නේ දැනට ලංකාවේ වැඩිම නඩු ගණනක් පැවරී ඇති, විවිධාකාර හේතු දක්වමින් ඒ නඩු කල් දමා ගනිමින් නඩුවලට මුහුණ නොදී මගහරින බලවත් එමෙන්ම කුප‍්‍රකට විත්තකරුවකුගේ ඡුන්ද රැුස්වීම්වලය. ඒ විත්තිකරුවා, රාජ්‍ය බලය සහිතව සිටි කාලයේ, ඔහු ගැන ප‍්‍රශ්න කළ පුද්ගලයන්ට අත්වුණු ඉරණම රටම දනියි.
අධිකාරියේ සභාපතිවරයා එලෙස විත්තිකරුවකුගේ ඡුන්ද රැුස්වීම්වල අසුන් ගෙන සිටින විට, සාක්‍ෂිකරුවන්ගේ හා වින්දිතයන්ගේ ආරක්‍ෂාව ගැන ඇත්තේ කුමන සහතිකයක්ද?
අබමල් රේණුවකවත් ලජ්ජාවක්, තමන්ගේ වෘත්තීය ගෞරවය ගැන අංශුමාත‍්‍ර හැඟීමක් ඇත්නම් සුහද ගම්ලත් තමා දරන රජයේ සියලූම තනතුරුවලින් වහාම ඉල්ලා අස්විය යුතු නොවේද? මේ තරම් නිගාවට පත්වන දේ සිදුවී තිබෙද්දීත්, තමාගේ දේශපාලන අන්තේවාසිකකම ප‍්‍රදර්ශනය වෙද්දීත් ඔහු රටේ වැදගත් ස්වාධීන තනතුරක තවදුරටත් ඇලී ගැලී සිටීමෙන් විනාශ වන්නේ ඒ තනතුරේ සුපිළිපන්භාවයයි.
දිල්රුක්‍ෂි ඩයස් වික‍්‍රමසිංහ, ඇවන්ගාඞ් අධිපතිවරයා සමග කළ ¥රකථන ඇමතුමක් නිසා විශාල කලබැගෑනියක් ඇතිවූ පසු ගිය සතියේ, රජයේ ඉහළම තනතුරක් දරන්නකුගේ මේ දේශපාලන අන්තේවාසිකකම ගැනද බලවත් අවධානයක් මතුවිය. එහෙත්, තවමත් ඔහු තනතුරේ රැුඳී සිටියි.
ඒ අතර, තමාට වන අපවාදයන්ගෙන් ගැලවෙන්නට මෙන් ගෝඨාභය රාජපක්ෂ අත්අඩංගුවට ගැනීම සඳහා තමාට ආණ්ඩුවෙන් බලපෑම් තිබුණු බවට ඔහු මාධ්‍ය හරහා කීවේය. ගෝඨාභය රාජපක්ෂ දිනවීම සිය ජීවිත අරමුණ කරගත, මහින්ද රාජපක්ෂ මහතාගේ කතා ලියන්නකු ප‍්‍රධාන කර්තෘ ධුරය දරන පුවත්පතක් ඔහුගේ ඒකපාක්‍ෂික චෝදනා වපුරා ඇත්තේ, සත්‍යය ඇත්තේ ගම්ලත් වෙත පමණක්ය යන අදහස ජනතාව තුළ පැටවෙන අයුරිනි.
පසුගිය ආණ්ඩුව කාලයේ, මහජන දේපළ මංකොල්ලකෑවුන් පිළිබඳ සොයාබැලීම, ඔවුන් නීතිය ඉදිරියට ගෙනඒම දේශපාලන කාර්යයකි. දේශපාලන වුවමනාවක් නැතිනම් එය කළ නොහැකිය. එහෙත් එහි තේරුම දේශපාලන පළිගැනීම් හැටියට එය නීතියට පිටින් කළ යුතු බව නොවේ. නීතියට අනුකූලව මේ දැවැන්ත ¥ෂිතයන් සම්බන්ධයෙන් කටයුතු කළ යුතු බවය. ඒ සඳහා වත්මන් ආණ්ඩුව බලයට පත්වුණු විගස විවිධ ක‍්‍රියාමාර්ග ගත් අතර, විවිධ ආයතනද නීතියෙන් පිහිටුවන ලදි. එය අත්‍යවශ්‍ය දෙයකි. ඒ ආයතනවලට පැමිණිලි ඉදිරිපත් කෙළේ එක පැත්තකින් දේශපාලන පක්‍ෂය. අනෙක් පැත්තෙන් පුරවැසියන්ගේ සංවිධාන හා දැනුවත් පුරවැසියන්ය. මේ පැමිණිලි ගැන කාර්යක්‍ෂමව විභාග කිරීමටත්, ඒවාට නිසි මගපෙන්වීමක් කිරීමටත් අවශ්‍ය සහාය ආණ්ඩුව පැත්තෙන් ලබාදීමටත් තවත් අංශ පිහිටුවූ බව රහසක් නොවේ. ප‍්‍රසිද්ධ කාරණයකි. එහෙත්, ඒ කිසිවකින් නීතිය ඉක්මවා කටයුතු කිරීමක් සිදුවී නැති බව නම් පැහැදිලිය.
තමන්ගේ මැතිවරණ පොරොන්දුවක්ද වු එම අරමුණ සාක්‍ෂාත් කරගැනීම සඳහා පිහිටුවන ලද ඒ ඒ විමර්ශන අංශවල ප‍්‍රගතිය පරීක්‍ෂා කිරීම ආණ්ඩුවේ වගකීමකි. ඒ සඳහා අදාළ අංශවල ප‍්‍රධානීන්, නියෝජිතයන් මෙන්ම අදාළ රාජ්‍ය නිලධාරින් හා දේශපාලන බලය ඇත්තවුන්ද සහභාගිවුණු රැුස්වීම් පැවති බවද රහසක් නොවේ. එවැනි දේ නොතිබුණි නම්, අදාළ නීතිමය ක‍්‍රියාමාර්ග නිසි වේගයෙන් ඉදිරියට නොයන බැවිනි. එහෙත්, ආණ්ඩුවට එල්ලවී ඇති චෝදනාව වන්නේ, නිසි උද්යෝගයකින් එම කටයුත්ත නොකිරීම ගැනයි.
සුහද ගම්ලත් කියන්නේ ගෝඨාභය රාජපක්ෂ අත්අඩංගුවට ගැනීමට තමාට බලපෑම් තිබුණු බවයි. ඒ ගැන මුලින්ම ‘බලපෑමක්’ එල්ල වන්නේ ඔහුද අයත් නීතිපති දෙපාර්තමේන්තුව තුළින්මය. එවකට නියෝජ්‍ය සොලිසිටර් ජෙනරාල් වසන්ත නවරත්න බණ්ඩාර ඇවන් ගාඞ් සිදුවීම ගැන සිය නිර්දේශ ඉදිරිපත් කරමින්, සීආර්අයි/58/2015 අංකය දරන වාර්තාවෙන් කියන්නේ ඇවන්ගාඞ් සිදුවීම සම්බන්ධයෙන් ගෝඨාභය රාජපක්ෂ ඇතුළු 5කට චෝදනා ඉදිරිපත් කිරිමට බැලූබැල්මට ප‍්‍රමාණවත් තොරතුරු පරීක්‍ෂණවලදී හෙළිවී ඇති බැවින් ඔවුන්ට විරුද්ධව අධිචෝදනා ගොනුකළ යුතු බවයි. එහි මුල් අවස්ථාව විය යුතුව තිබුණේ ඔවුන් පස්දෙනා අත්අඩංගුවට ගැනීමයි. ඒ අවස්ථාවේදී සුහද ගම්ලත් මහතා සිටියේ එම නිර්දේශවලට එරෙහිව, ඇවන්ගාඞ් වෙතින් වරදක් සිදුව නැතැයි කියන ස්ථාවරයේය.
ඒ ස්ථාවරය ගැන අපට පුදුමයක් නැති වන්නේ, එතෙක් කල් නාවික හමුදාව පවත්වාගෙන ආ ඉතාම ලාබ සහිත ව්‍යාපාරයක්, ටෙන්ඩර් කැඳවීමකින්ද තොරව, ඇවන්ගාඞ් සමාගමට ලබාදී ඒ අතිවිශාල ලාභය රජය වෙනුවට පුද්ගලයන්ගේ සාක්කුවට වැටීමට සැලැස්වීම කළ ගෝඨාභය රාජපක්‍ෂගේ ඡුන්ද රැුස්වීමක සුහද ගම්ලත් වාඩිගෙන සිටීම සමග අග මුල ගළපන විටය.
x අරුණ ජයවර්ධන
