ගෝඨාභය රාජපක්ෂගේ ශ‍්‍රී ලංකා පුරවැසිභාවය පිළිබඳ අවාසි සහගත තීන්දුවක් අධිකරණයෙන් ලැබුණහොත් ඊට විකල්පයක් වශයෙන් චමල් රාජපක්ෂ මහතා ජනාධිපතිවරණ අපේක්ෂකයෙකු ලෙස ඉදිරිපත් කිරීමට ශ‍්‍රී ලංකා පොදුජන පෙරමුණ සාකච්ඡුා කර ඇත.
ඔක්තෝබර් 04 වැනිදා වනවිට එම නඩුව සම්බන්ධයෙන් තීන්දුවක් ලබා නොදී නඩු විභාගය කල්ගියහොත් හෝ ගෝඨාභය රාජපක්ෂ මහතාට එරෙහිව අවාසිසහගත තීන්දුවක් ලැබුණහොත් චමල් රාජපක්ෂ මහතා වෙනුවෙන් ඇප මුදල් තැන්පත් කිරීමට නියමිතය. එය බොහෝවිට ඔක්තෝබර් 06 වැනිදා විය හැකිය.
චමල් රාජපක්ෂ මහතාව ස්වාධීන අපේක්ෂකයෙක් වශයෙන් ඉදිරිපත් කරනු ඇති අතර පාර්ලිමේන්තු මන්ත‍්‍රීවරයෙක් නිසා ඔහුට ස්වාධීන අපේක්ෂකයෙකු ලෙස ඉදිරිපත්වීමට හැකියාව ලැබේ.
සැප්තැම්බර් 30 වැනිදා පැවති ඒකාබද්ධ විපක්ෂයේ පක්ෂ නායකයන්ගේ සාකච්ඡුාවේදීත් විකල්ප අපේක්ෂකයා පිළිබඳව අවධානය යොමුකර ඇත. එම සාකච්ඡුාවෙන් පසුවද විකල්ප අපේක්ෂකයා පිළිබඳව සාකච්ඡුා පවත්වා තිබුණි. පාර්ලිමේන්තුවේ විපක්ෂ නායක ධූරය පොදුජන පෙරමුණ පාර්ශ්වයට ලැබෙන්නට පෙර ඒකාබද්ධ විපක්ෂ පාර්ලිමේන්තු කණ්ඩායම් නායකයා ලෙස කටයුතු කළ දිනේෂ් ගුණවර්ධන මහතාගේ නම පිළිබඳව එම සාකච්ඡුාවලදී සැලකිල්ලටවත් නොගත් බව එම පක්ෂයේ ප‍්‍රබලයෙකු අනිද්දා සමඟ කීය. රාජපක්ෂ පවුලේම සාමාජිකයෙකු වන චමල් රාජපක්ෂගේ නම යෝජනා වී ඇත්තේ ඒ අනුවය.
ශ‍්‍රී ලංකා පොදුජන පෙරමුණෙන් මීළඟ ජනාධිපතිවරණයට ඉදිරිපත් කිරීම සඳහා අපේක්ෂකයන් පස්දෙනෙකුගේ නම් යෝජනා කර තිබුණි. ගෝඨාභය රාජපක්ෂ, චමල් රාජපක්ෂ, දිනේෂ් ගුණවර්ධන හා කුමාර වෙල්ගම යන යෝජිත නම් හතර එහිදී ප‍්‍රසිද්ධියට පත්කළ අතර පස්වැනි යෝජිත නාමය ප‍්‍රසිද්ධ නොකර සඟවාගෙන සිටියේය. පස්වැනි නාමය මහින්ද රාජපක්ෂ මහතාගේ බිරිද වන ශිරන්ති රාජපක්ෂගේ නාමය බව පසුව වාර්තා විය.
