රටට විකල්ප දේශපාලන නායකත්වයක් අවශ්‍ය බව තමා සිතන බවත් ඒ සඳහා කථිකා කරන දේශපාලන පක්ෂ නොවන කණ්ඩායම්වල මතවාදයට ගරු කරන බවත් එහෙත් තමා ඒ කිසිවක සාමාජිකයෙකු, ක‍්‍රියාකාරිකයෙකු හෝ නායකයෙකු නොවන බවත් හිටපු යුධ හමුදාපති ජෙනරාල් මහේෂ් සේනානායක පවසයි.
ඔහු ඒ බව පැවසුවේ ඉදිරි ජනාධිපතිවරණයට ඉදිරිපත්වන බවට පැතිරෙන ආරංචි සම්බන්ධයෙන් කරන ලද විමසීමකදීය.
ජාතික ජනතා ව්‍යාපාරයේ වෛද්‍ය වින්යා ආරියරත්න තමාගේ පාසැල් කාලයේ සිටි මිතුරකු බවත් ඔහුගේ දේශපාලන ව්‍යාපාරය තමාගේ නම පිළිබඳව සාකච්ඡුා කර ඇති බවත් ඉන් එහාට එම ආරංචිය පිළිබඳ දැනට වෙනත් යමක් නැති බවත් ජෙනරාල් මහේෂ් සේනානායක පවසයි.
තමා වින්යා ආරියරත්නගේ පමණක් නොව නාගහනන්ද කොඩිතුවක්කු, රොහාන් පල්ලේවත්ත ආදී කණ්ඩායම්වල දැක්මටත් සහාය දක්වන බවත් ඔහු වැඩිදුරටත් පැවසීය.
