පාස්කු ඉරිදා ත‍්‍රස්ත ප‍්‍රහාරය පිළිබඳ පත්කළ විශේෂ පාර්ලිමේන්තු කාරක සභාවට ජනාධිපති මෛත‍්‍රීපාල සිරිසේන ලබාදිය යුතු ප‍්‍රකාශය ජනාධිපති ලේකම් කාර්යාලයේදී ලබාදිය හැකිදැයි ජනාධිපතිවරයා විමසා ඇතැයි වාර්තා වෙයි.
ජනාධිපති ලේකම් කාර්යාලයේදී ජනාධිපතිවරයාගේ ප‍්‍රකාශය ලබාගැනීමට එම විශේෂ කාරක සභාවේ සාමාජිකයන් අතරින් බහුතරයක් කැමැත්ත පළ කර ඇත. ජනාධිපති මෛත‍්‍රීපාල සිරිසේන මෙම විශේෂ කාරක සභාව ඉදිරියේ පෙනී නොසිටින බවත් තමා යටතේ සිටින නිලධාරීන් එම කාරක සභාව ඉදිරියට නොයවන බවත් මීට පෙර ප‍්‍රකාශ කර තිබුණි. මෙම කාරක සභාවට විරෝධය දක්වමින් ජනාධිපතිවරයා කැබිනට් රැුස්වීම්ද නැවැත්වීය. කෙසේ වෙතත් මේ වනවිට ජනාධිපතිවරයා යටතේ සිටින නිලධාරීන් කිහිපදෙනෙකුම එම කමිටුව ඉදිරියේ පෙනීසිට සාක්ෂි ලබාදී ඇති අතර ජනාධිපතිවරයාටද කාරක සභාව ඉදිරියේ පෙනී සිට සාක්ෂි ලබාදීම සඳහා මීට පෙර කරන ලද ඉල්ලීම්වලට ඔහු ප‍්‍රතිචාර දක්වා තිබුණේ නැත.x
