මුම්බායි පොලීසියේ සික් ජාතික පොලිස් නිලධාරියෙකු වන සර්තාජ් සිංට (සයිෆ් අලි ඛාන්* හදිසියේ ¥රකථන ඇමතුමක් එනවා. ඇමතුම එන්නේ ගනේෂ් ගයිතොන්ඬේ (නවාසුදීන් සිද්දිකී* නම් පාතාල නායකයෙකුගෙන්. ගයිතොන්ඬේ අනතුරු හඟවන්නේ දින 25ක් ඇතුළත මුම්බායි විනාශ විය හැකි බව. ඊට පෙර නගරය බේරාගන්නා ලෙස ගයිතොන්ඬේ කියනවා.
ගනේෂ් ගයිතොන්ඬේ වසර විස්සකට පෙර ක්රියාකාරීව සිටි මුම්බායිහි පාතාල රජෙක්. එහෙත් වසර විස්සකට වැඩි කාලයක් තිස්සේ ඔහු මුම්බායිවල ක්රියාකාරී වී නැහැ. ඒ තරම් කලකට පසුව නැවත හදිසියේ එන ගයිතොන්ඬේ අනතුරු හඟවන්නේ කුමන අනතුරක් ගැනද? ගයිතොන්ඬේ සර්තාජ් සිංම තෝරාගන්නට හේතුව ගයිතොන්ඬේ කියනවා. සර්තාජ්ගේ පියා ගයිතොන්ඬේ දැනසිටියාලූ. තමන්ගේ පියාට පාතාල නායකයෙකු සමඟ තිබුණු සම්බන්ධය මොකක්ද?
‘නෙට්ෆ්ලික්ස්’ වෙබ් අඩවියෙන් නැරඹිය හැකි සේක්රඞ් ගේම්ස් කතාමාලාවේදී මූලිකව කතාකරන්නේ ඔය මාතෘකාවයි. ගයිතොන්ඬේ තමන්ගේ ඉතිහාස කතාව සර්තාජ්ට ¥රකථනයෙන් කියන්නට පටන්ගන්නවා. අනෙක් පැත්තෙන් සර්තාජ් නගරයට තිබෙන අනතුර හඳුනාගැනීමේ මෙහෙයුමකට එළැඹෙනවා. අනූ ගණන්වල සිදුවූ ගයිතොන්ඬේගේ කතාවත්, වර්තමානයේ සිදුවන සර්තාජ්ගේ මෙහෙයුමත් යන ගලායෑම් දෙකකින් සේක්රඞ් ගේම්ස් කතාව දිවෙනවා. කතාව ගලායද්දී සැඟවී ඇති අබිරහස ක්රම ක්රමයෙන් නිරාවරණය වෙනවා. ගයිතොන්ඬේ හා සර්තාජ් අතර ඇති සම්බන්ධය හෙළිවෙද්දී නගරය පසුපස ඇති අනතුර කුමක්දැයි පෙනෙන්නට පටන්ගන්නවා.
වෙබ් සහ රූපවාහිනී ටෙලි කතාමාලා යනු මේ වෙද්දී සිනමාව ඉක්මවූ සිනමාවක් බවට පත්ව හමාරයි. දශක ගණනාවක සිට ඇමෙරිකානු ටෙලි කතාමාලාවලින් සිනමාවට යා නොහැකි සීමාවන් ස්පර්ශ කළා. එක් චිත්රපටියකට වඩා කතාවක් කියන්නට ඇති තරම් කාලවේලාව ටෙලි කතාමාලාවකට තියෙනවා. ඇතැම් චරිත සමඟ ගැඹුරින් පේ්රක්ෂකයාට බද්ධ වෙන්නට ඇති තරම් ඉඩකඩ එවැනි කතාමාලාවකදී ලැබෙනවා. දැන් නිවෙස්වලම ඇති ඉහළම තාක්ෂණයෙන් යුත් රූපමය හා ශබ්දමය තාක්ෂණික උපකරණවලින් නරඹද්දී එවැනි කතාමාලාවල තිබෙන සිනමාත්මක ගුණය විඳගැනීමත් දැන් කළ හැකියි.
එහෙත් ඉන්දියාවට එතරම් දියුණු ටෙලි කතාමාලා සංස්කෘතියක් තිබුණේ නැහැ. කිසිදු සිනමාත්මක ගුණයක් නැති, වැල් මෙන් ඇදී යන ‘සෝප් ඔපෙරා’ වර්ගයේ බාල ටෙලිනාට්ය ඉන්දියාවේ තිබුණා. රාත්රී ආහාරය උයන මොහොතක හෝ කෑමට ගන්නා මොහොතක පුංචි ටීවී පෙට්ටිවලින් ටෙලිනාට්ය බලන සංස්කෘතියකට ඉහළ සිනමාත්මක ගුණාංග ඇති ටෙලි කතාමාලාවකින් වැඩක් නැහැ.
එහෙත් ගෙවුණු වසර කිහිපය ඇතුළත ඉන්දියාවේ නැරඹීම් සංස්කෘතිය දියුණු වුණා. ඉන්දියාවේ සාමාන්ය මධ්යම පන්තික නිවෙස්වලටත් ඉහළම තාක්ෂණික උපකරණ ලැබුණා. ඔවුන් ලෝක සිනමාව දකින්නට පටන්ගනිද්දී ප්රමිතියෙන් යුත් නිර්මාණ ඔවුන්ටත් ඕනෑ වුණා.
එවැනි පසුබිමක ඉන්දීය සිනමාවේ සිටි දැවැන්ත චරිත අතිවිශිෂ්ට ටෙලි කතාමාලා නිෂ්පාදනය කරන්නට පටන්ගෙන තිබුණා. එය නව රැුල්ලක් ලෙසත් හැඳින්විය හැකියි. සේක්රඞ් ගේම්ස් යනු ඒ නව රැුල්ලේ විශිෂ්ටම නිර්මාණයක්. 2018 දී ‘නෙට්ෆ්ලික්ස් ඔරිජිනල්’ කතාමාලාවක් ලෙස සේක්රඞ් ගේම්ස් කතාමාලාවේ පළවැනි කොටස් මාලාව එළිදැක්වුණා. පළවැනි කොටස් මාලාව කොටස් අටකින් සමන්විතයි. දෙවැනි කොටස් මාලාව එළිදැක්වුණේ 2019 අගෝස්තු 15 වැනිදායි. එනම්, පසුගිය සතියේදීයි.
නිෂ්පාදනය
මෙම ටෙලි කතාමාලාව නෙට්ෆ්ලික්ස් ආයතනයේ මැදිහත්වීමෙන්ම නිෂ්පාදනය කළ එකක්. 2006 වර්ෂයේදී ලියැවුණු වික්රම් චන්ද්රා නම් ලේඛකයාගේ ‘සේක්රඞ් ගේ්රම්ස්’ නවකථාව ඇසුරෙන් ටෙලි කතාමාලාවක් නිෂ්පාදනය කිරීමේ අදහස නෙට්ෆ්ලික්ස් ආයතනය පැත්තෙන් ඉදිරිපත් කර තිබූ එකක්. එසේ වුව, කතාමාලාව බටහිර නිෂ්පාදන සමාගමක් ලවා නිෂ්පාදනය කරවීම වෙනුවට ඉන්දියාවේ පැන්තම් නිෂ්පාදන සමාගමට කටයුත්ත බාරදී තිබුණා.
පැන්තම් සමාගම ක්වීන්, ලූටෙරා, බොම්බේ වෙල්වට්, අග්ලි, එන්එච් 10, රමන් රාගව් 2.0 වැනි අතිවිශිෂ්ට චිත්රපටි නිෂ්පාදනය කළ සමාගමක්. අනුරාග් කාශ්යප්, වික්රමාධිත්ය මොට්වානි, මධු මන්ටෙනා, විකාස් බාල් යන විශිෂ්ටයන් එක්ව ආරම්භ කළ එකක්.
සේක්රඞ් ගේම්ස් පළවැනි කොටස් මාලාවේ අධ්යක්ෂවරුන් දෙදෙනා ලෙස වික්රමාධිත්ය මොට්වානි සහ අනුරාග් කාශ්යප් යන අතිදක්ෂ දෙදෙනා කටයුතු කළා. අනුරාග් කාශ්යප් ගනේෂ් ගයිතොන්ඬේගේ අතීත කතාව අධ්යක්ෂණය කළා. ගැන්ග්ස්ටර් ආකෘතියෙන් යුතු වීමත්, ගයිතොන්ඬේගේ චරිතය අනුරාග්ගේ අපූරු මිත්රයා වන නවාසුදීන් සිද්දිකී රඟපෑමත් නිසා ඒ කොටස කතාවේ සුන්දරම කොටස වීම ගැන අහන්නට දෙයක් නැහැ. සර්තාජ් සිංගේ වර්තමාන කතාව අධ්යක්ෂණය කළේ වික්රමාධිත්ය මොට්වානි.
ගයිතොන්ඬේගේ කතාව පාතාල නායකයෙකුගේ ජීවිතය පදනම් කරගනිමින් අපරාධ, සංත්රාස හැඩයේ ගලායෑමකින් යුතු වුණා. සර්තාජ්ගේ කතාව කුමන්ත්රණ, සංත්රාස, ක්රියාදාම අකෘතියකින් යුත් පොලිස් කතාවක් බඳුයි.
දෙවැනි කතාමාලාවේ අධ්යක්ෂණයෙන් වික්රමාධිත්ය මොට්වානි ඉවත්ව නිෂ්පාදන කටයුතුවලට අවධානය යොමුකළා. වික්රමාධිත්ය වෙනුවට අනුරාග් කාශ්යප් හා සමඅධ්යක්ෂණයෙන් දෙවැනි කතාමාලාවට එක්වුණේ නීරාජ් ගායිවාන්. ඔහු මසාන් චිත්රපටිය අධ්යක්ෂණය කොට සම්මාන ලැබූ විශිෂ්ටයෙක්.
අධ්යක්ෂවරුන් ලෙස මෙහි කටයුතු කළ සායිෆ් අලි ඛාන්, නවාසුදීන් සිද්දික්, රාධිකා ආප්තේ, කල්කි කොචින්, පන්කජ් ත්රිපති, රන්වීර් ෂොරේ ඇතුළු ඉන්දීය සිනමාවේ නම රැුන්¥ බොහෝදෙනෙකු සේක්රඞ් ගේම්ස් කතාමාලාවට රංගනයෙන් සම්බන්ධ වුණා.
තේමාව
සේක්රඞ් ගේම්ස් ඉහළම පේ්රක්ෂක ප්රතිචාර ලබන්නට හේතු වුණේ අතිවිශිෂට ලෙස පේ්රක්ෂකයා තුළ සංත්රාසය මැවීමට තිබුණු හැකියාව නිසායි. එහෙත් එය විචාරක ඇගයීම ලබන්නට ප්රධානම හේතුවක් වුණේ මුම්බායි නගරයත්, එය අද මුහුණදෙන අභියෝගත් අපූරුවට ග්රහණය කරගෙන එක මිටට ඉදිරිපත් කරන්නට සේක්රඞ් ගේම්ස් සමත්වීමයි. පළවැනි කොටස්මාලාවේදී උපරිමයෙන්ම තිබුණු සංත්රාසය දෙවැනි කොටස්මාලාවේදීත් ගෙන එන්නට නිර්මාණකරුවන් සමත්වී තියෙනවා.
මුම්බායි නගරය මෙන්ම මුළු ඉන්දියාවම මේ වෙද්දී මුහුණදෙන හින්දු – මුස්ලිම් අර්බුදය ගැනත්, ඉන්දීය පාකිස්ථානු අර්බුදය ගැනත් සේක්රඞ් ගේම්ස් කතාමාලාවෙන් කතාකරනවා.
අනෙක් අතට ඉන්දියාව ගිලී සිටින දේශපාලන හා සමාජීය ගොහොරුව ගැන එහි කතාකරනවා. දේශපාලනඥයන්, නිලධාරීන්, ආරක්ෂක අංශ, පාතාලය, සිනමා තරු, ව්යාපාරිකයන්, ආගමික නායකයන්, අන්තවාදීන් මෙන්ම ත්රස්තවාදීන් මේ දේශපාලන ගොහොරුවෙහි කටයුතු කරන අන්දම එයින් පෙන්වනවා. ඒ සියලූ සිදුවීම් සමාජය විනාශය කරා ගෙනයන අන්දම එහි කතාකරනවා.
ඒ සියල්ල මැද සේක්රඞ් ගේම්ස් කතාවේ පෙන්වන්නේ ඉහත කී සියලූ බලවේග අතර තියෙන අන්තර් සම්බන්ධයයි. ඒ එකිනෙකා අතර තියෙන අශුද්ධ සන්ධානය ගැනයි. එකිනෙකාගේ අන්තර් පැවැත්ම ගැනයි.
සිනමාව
සියල්ලට වඩා සේක්රඞ් ගේම්ස්හි වටිනාකම වැඩි කරන්නේ එහි විශිෂ්ට සිනමාත්මක හැඩතලයි. රූපයට හැමවිටම කතාකරන්නට ඉඩ සලසන්නේ පේ්රක්ෂකයාගේ බුද්ධියට වටිනාකමක් දෙමින්. එක් එක් සිදුවීම් අතර සම්බන්ධය ගලවාගෙන තමන්ම තර්ක කොට සිදුවීම් තේරුම් ගැනීමට පේ්රක්ෂකයාට ඉඩ ලබාදෙන අවස්ථා ගණනාවක් තියෙනවා. කතාමාලාවේ අවසානයේදී පවා නිශ්චිත යමක් කියන්නේ නැහැ. ඒ වෙනුවට පේ්රක්ෂකයාගේ ප්රහේලිකාවක් ඉතිරි කොට එය විසඳාගන්නට පේ්රක්ෂකයාටද ඉඩහසර විවෘත කරමින් කතාව අවසාන වෙනවා.
අප මේ කියන කාරණා ගැන වැඩිදුර අවබෝධ වෙන අන්දමට විස්තර සහිතව කතාකරන්නට නම් කතාමාලාවේ සිදුවීම් මෙහි සටහන් කරන්නට වෙනවා. එහෙත් එයින් කතාව නරඹා නැති කෙනෙකුගේ කතා රසය විනාශ විය හැකියි. ඒ නිසා අපි සිදුවීම් එකිනෙක විස්තර කරන්නේ නැහැ. ඒ වෙනුවට කතාව නරඹන ලෙස යෝජනා කරනවා.
ඉන්දියාවේ සිනමාවට කැමති වුණත්, නැතත් සිනමාවට යන්තමින් හෝ ආදරය කරන කෙනෙකු අනිවාර්යයෙන්ම නැරඹිය යුතු වෙබ් කතා මාලාවක් ලෙස සේක්රඞ් ගේම්ස් නම් කළ හැකියි.
