මරණ දඬුවම අහෝසි කිරීමට එරෙහි පෙත්සම් තුනක් ශ්‍රේෂ්ඨාධිකරණය ප්‍රතික්ෂේප කර ඇතැයි පසුගිය සතියේ ඇතැම් මාධ්‍ය වාර්තා කර තිබුණි. අගෝස්තු 20 වැනිදා නියෝජ්‍ය කතානායක ආනන්ද කුමාරසිරි පාර්ලිමේන්තුවේදී කළ දැනුම්දීමක් එම මාධ්‍ය වාර්තාවලට පදනම වී තිබුණි.
එම පුවත් පළවී තිබුණු ආකාරයට දැන් ජනාධිපති මෛත්‍රීපාල සිරිසේනට මරණ දඬුවම ලබාදීමට ශ්‍රේෂ්ඨාධිකරණයෙන් බාධාවක් නැති බව ඇතැම් අය විශ්වාස කරන බව පෙනෙන්නට ඇත.
එහෙත් මෙහිදී සිදුවී තිබුණේ මාධ්‍යවලින් සැබෑ තත්වය විකෘති කරමින් වාර්තා පළකිරීමය. තවමත් ජනාධිපතිවරයාට මරණ දඬුවම ලබාදීමේ හැකියාවක් නැත. ඇත්තටම සිදුව ඇති දේ පැහැදිලි කරගත යුත්තේ මෙසේය.
2019 ජුනි 26 වැනිදා ජනාධිපති මෛත්‍රීපාල සිරිසේන සිව්දෙනෙකුට මරණ දඬුවම ලබාදීමට ලියකියවිලි අත්සන් කළ බව කීවේය. ඒ අනුව වසර 43කට පසුව මරණ දඬුවම ක්‍රියාත්මක කිරීමට ජනාධිපතිවරයෙකු තීන්දු කර තිබුණි.
ජුලි 01 වැනිදා එම තීන්දුවට එරෙහිව ශ්‍රේෂ්ඨාධිකරණයට මූලික අයිතිවාසිකම් පෙත්සම් 12ක් ඉදිරිපත් කර තිබුණි. එම මූලික අයිතිවාසිකම් පෙත්සම්වලින් පෙන්වා තිබුණේ ජනාධිපතිවරයා මරණ දඬුවම නියම වී ඇති පුද්ගලයන් අතරින් සිව්දෙනෙකු තෝරාගෙන මරණ දඬුවම ලබාදීමෙන් පෙත්සම් ඉදිරිපත් කළ අයගේ මූලික අයිතිවාසිකම් කඩවී ඇති බවයි.
එම පෙත්සම් සලකා බලා ජුලි 05 වැනිදා ශ්‍රේෂ්ඨාධිකරණය අතුරු තහනම් නියෝගයක් ලබාදී තිබුණි. ඒ ඔක්තෝබර් 30 වැනිදා දක්වාය. එදින දක්වා මරණ දඬුවම ලබාදීම එම නියෝගයෙන් තහනම් කර තිබේ. එම අතුරු තහනම් නියෝගය හා පසුගිය සතියේ පළවූ ප්‍රවෘත්ති අතර සම්බන්ධයක් නැත.
එම ප්‍රවෘත්ති අදාළ වන්නේ අගෝස්තු 01 වැනිදා පාර්ලිමේන්තු මන්ත්‍රී බන්දුලාල් බණ්ඩාරිගොඩ පෞද්ගලික මන්ත්‍රී යෝජනාවක් ලෙස ඉදිරිපත් කළ මරණ දඬුවම අහෝසි කිරීම සඳහා වන පනතටයි. ප්‍රතික්ෂේප කළ පෙත්සම් ඉදිරිපත් කර තිබුණේ ඉහත කී පනත ආණ්ඩුක්‍රම ව්‍යවස්ථාවට අනුකූල බව පවසමින් නියෝගයක් නිකුත් කරන ලෙස ඉල්ලමින්ය.
යම් පනත් කෙටුම්පතක් හෝ ආණ්ඩුක්‍රම ව්‍යවස්ථා සංශෝධනයක් සඳහා කෙටුම්පතක් පාර්ලිමේන්තු න්‍යායපත්‍රයට ඇතුළත් කිරීමෙන් පසුව එය ආණ්ඩුක්‍රම ව්‍යවස්ථාවට පටහැණි බව හැඟුණොත් ඒ බව සඳහන් කරමින් ශ්‍රේෂ්ඨාධිකරණයට පෙත්සමක්
මරණ දඬුවම අහෝසි කිරීමට එරෙහි පෙත්සම් තුනක් ශ්‍රේෂ්ඨාධිකරණය ප්‍රතික්ෂේප කර ඇතැයි පසුගිය සතියේ ඇතැම් මාධ්‍ය වාර්තා කර තිබුණි. අගෝස්තු 20 වැනිදා නියෝජ්‍ය කතානායක ආනන්ද කුමාරසිරි පාර්ලිමේන්තුවේදී කළ දැනුම්දීමක් එම මාධ්‍ය වාර්තාවලට පදනම වී තිබුණි.
