මීළඟ යුද හමුදාපතිධූරය සඳහා මේජර් ජෙනරාල් ශවේන්ද්‍ර සිල්වාගේ නම ජනාධිපතිවරයා අනුමත කර ඇති බව වාර්තා වේ’ ඒ අනුව අගෝස්තු 18 දින නව යුද හමුදාපතිවරයා ලෙස මේජර් ජෙනරාල් ශවේන්ද්‍ර සිල්වා වැඩ බාරගනු ඇත’ වත්මන් යුද හමුදාපති මහේෂ් සේනානායක අගෝස්තු 18 වැනිදා යුද හමුදාපති ධූරයෙන් විශ‍්‍රාම යා යුතුය’ ඔහුට ජනාධිපතිවරයා ලබාදුන් අවසන් සේවා දිගුව අගෝස්තු 18 වැනිදා අවසන් වේ’
යුද හමුදාපති මහේ්ෂ් සේනානායක තවත් සේවා දිගුවක් ජනාධිපතිවරයාගෙන් ඉල්ලා සිටියද ඒ සඳහා ජනාධිපතිවරයාගේ අනුමැතිය ලැබී නැත’
මේ හමුදාපති පුටු මාරුව නිසා මේජර් ජෙනරාල් ශවේන්ද්‍ර සිල්වා අධිපතිත්වය දරන ගජබා රෙජිමේන්තුවේ අගෝස්තු 18 දිනට නියමිතව තිබූ ජගබා සුපර්ක්‍රොස් මෝටර් රථ තරගාවලිය කල් දමා ඇත’ එමෙන්ම වත්මන් යුද හමුදාපති මහේෂ් සේනානායකගේ සහභාගිත්වයෙන් හා ජනාධිපතිවරයාගේ ප‍්‍රධානත්වයෙන් අගෝස්තු 29 දින පැවැත්වීමට නියමිතව තිබූ විශේෂ බලකායේ ජනාධිපති වර්ණ ප‍්‍රදානය අගෝස්තු 16 දින දක්වා පෙරට ගෙන තිබේ’
මේජර් ජෙනරාල් ශවේන්ද්‍ර සිල්වා දැනට යුද හමුදාවේ දෙවැනි තනතුර වන මාණ්ඩලික ප‍්‍රධානී තනතුරේ කටයුතු කරයි’ වයස අවුරුදු 55 සැපිරීම හේතුවෙන් පසුගිය ජුනි 21 දින ඔහු යුද හමුදාවෙන් විශ‍්‍රාම ගැනීමට නියමිතව සිටියත් ජනාධිපතිවරයා ලබාදුන් සේවා දිගුව නිසා ඔහුට දෙසැම්බර් 31 වැනිදා දක්වා යුද හමුදාවේ කටයුතු කළ හැකිය’ මීට පෙර සේවා දිගු ලැබූ මේජර් ජෙනරාල්වරුන් සිට ඇත්තේ කිහිපදෙනෙකු පමණි‘x
