තමාගේ ඇමෙරිකානු පුරවැසිභාවය අපේ‍්‍රල් මාසයේදී ඉවත් කරගත් බව ගෝඨාභය රාජපක්ෂ මාධ්‍ය වෙත ප‍්‍රකාශ කර ඇතත් ඇමෙරිකානු රජය නිකුත් කළ ඇමෙරිකානු පුරවැසිභාවයෙන් ඉවත් කළ පුද්ගලයන්ගේ නම් ඇතුළත් 2019 අපේ‍්‍රල් සිට ජුනි මාසය දක්වා වන දෙවැනි කාර්තු ලැයිස්තුවෙහි ගෝඨාභය රාජපක්ෂගේ නම නැත’ ඒ අනුව ගෝඨාභය රාජපක්ෂගේ ඇමෙරිකානු පුරවැසිභාවය ඉවත් කරගැනීමේ ක‍්‍රියාවලිය සම්පූර්ණ වී නැත’
ගෝඨාභය රාජපක්ෂ තවමත් සිය ද්විත්ව පුරවැසිභාවය ඉවත් කරගැනීමට අදාල ලිපිලේඛන ආගමන විගමන දෙපාර්තමේන්තුවට බාරදී නැත්තේ ඔහුගේ ඇමෙරිකානු පුරවැසිභාවය ඉවත් කරගැනීමේ ක‍්‍රියාවලිය සම්පූර්ණ වී නැති නිසා බව වාර්තා වෙයි’ ශ‍්‍රී ලංකාවේ ආණ්ඩුක‍්‍රම ව්‍යවස්ථාව අනුව ද්විත්ව පුරවැසියෙකුට ජනාධිපතිවරණයට ඉදිරිපත් විය නොහැක’
යම් ඇමෙරිකානු පුරවැසියෙකු පුරවැසිභාවය ඉවත් කරගැනීමේ ඉල්ලීමක් කළ පසුව” එම ඉල්ලීම බාරගත්තාද නැද්ද යන්න තහවුරු කිරීම සඳහා ඇමෙරිකානු රජය නිකුත් කරන නිල ලේඛනය මෙම නම් ලැයිස්තුවය’
මෙම ලැයිස්තුව අගෝස්තු 15 දින ෆෙඩරල් රෙජිස්ටර් නම් ඇමෙරිකානු රජයේ නිල ප‍්‍රවෘත්ති වෙබ් අඩවියෙහි නිල ප‍්‍රකාශයක් ලෙස ප‍්‍රසිද්ධ කර ඇත’ එසේ ප‍්‍රසිද්ධ කරන්නට පෙර අගෝස්තු 14 වැනිදා එම ලැයිස්තුවෙහි පීඞීඑෆ් පිටපතක් එම වෙබ් අඩවියෙන්ම ප‍්‍රසිද්ධ කර තිබුණි‘ මෙම ලැයිස්තුවෙහි දිනය ලෙස සඳහන් වන්නේ අගෝස්තු 07 වැනිදාය’
මෙම නම් ලැයිස්තුව ඇමෙරිකානු පුරවැසිභාවයෙන් ඉවත් කළ පුද්ගලයන්ගේ නම් ඇතුළත් කරමින් ඇමෙරිකානු භාණ්ඩාගාර දෙපාර්තමේන්තුව හා ඇමෙරිකානු දේශීය ආදායම් සේවය එක්ව සකස් කරන ලැයිස්තුවකි’ එය කාර්තුවකට වතාවක් නිකුත් කරනු ලබයි’
යම් ඇමෙරිකානු පුරවැසියෙකු සිය පුරවැසිභාවය ඉවත් කරගැනීමේදී ඕනෑම ඇමෙරිකානු තානාපති කාර්යාලයකදී සම්මුඛ සාකච්ඡුා දෙකකට ඉදිරිපත් විය යුතුය’ දෙවැනි සම්මුඛ සාකච්ඡුාවට සහභාගි වන අවස්ථාවේදී ඔහු ඞීඑස් 4080 හා ඞීඑස් 4081 යන අංක දරන පෝරම දෙක පුරවා ඉදිරිපත් කළ යුතුය’ ඒ සමගම ඇමෙරිකානු ගුවන් බලපත‍්‍රයද ඉදිරිපත් කළ යුතුය’ ඒ අතරින් දෙවැනි පෝරමයෙහි සඳහන් වන දිනය අදාල පුද්ගලයා පුරවැසිභාවය ඉවත් කරගත් දිනය ලෙස නිල වශයෙන් සලකනු ලබයි’
කෙසේ වෙතත් එම සම්මුඛ සාකච්ඡුාව පවත්වන දිනයේදී සිදුවන්නේ පුරවැසියාගේ පැත්තෙන් පුරවැසිභාවය ඉවත් කරගැනීම පමණි‘ එම ඉවත් කරගැනීම සහතික කරමින් පුරවැසිභාවය ඉවත් කරගැනීමේ සහතිකයක්ද රජය නිකුත් කරන අතර එම සහතිකයෙහි දිනය ලෙස පෙර කී සම්මුඛ සාකච්ඡුාව පැවැත්වූ දිනය සලකනු ලබයි’
කෙසේ වෙතත් පුරවැසිභාවය ඉවත් කරගැනීමේ ක‍්‍රියාවලිය සම්පූර්ණ වන්නේ ඇමෙරිකානු රාජ්‍ය දෙපාර්තමේන්තුව” දේශීය ආදායම් සේවය හා භාණ්ඩාගාර දෙපාර්තමේන්තුව අනුමත කිරීමෙන් පසුවය’ ඉන්පසුව ඒ බව පුරවැසියාට පෞද්ගලිකව දැනුම්දීම හා ඉහත ලැයිස්තුවට නම ඇතළත් කිරීම කෙරේ’
ගෝඨාභය රාජපක්ෂ ප‍්‍රසිද්ධ කර ඇති පුරවැසිභාවය ඉවත් කරගැනීමේ සහතිකය 2019 මැයි 03 වැනිදා නිකුත් කළ එකකි’ එම සහතිකයට අනුව දෙවැනි සම්මුඛ සාකච්ඡුාව පැවැත්වූ දිනය ලෙස 2019 අපේ‍්‍රල් 17 වැනිදා සඳහන් වී ඇත’ කෙසේ වෙතත් එම ඉවත් කරගැනීම සම්පූර්ණ කරමින් ඉහත කී ලැයිස්තුවට ඔහුගේ නම ඇතුළත් කර නොමැත’
මීළඟට නිකුත් වන” ජුලි මාසයේ සිට සැප්තැම්බර් මාසය දක්වා තුන්වැනි කාර්තුව තුළ පුරවැසිභාවයෙන් ඉවත් කළ පුරවැසියන්ගේ නම් ලැයිස්තුව සාමාන්‍යයෙන් නොවැම්බර් මාසයේ මැද භාගයේදී ප‍්‍රසිද්ධ කරනු ලබයි’ 2018 දී තුන්වැනි කාර්තුවේ පුරවැසිභාවය ඉවත් කළ පුද්ගලයන්ගේ ලැයිස්තුව ප‍්‍රසිද්ධ කර ඇත්තේ නොවැම්බර් 29 වැනිදාය’
මීළඟ ජනාධිපතිවරණය දෙසැම්බර් 07 පෙර දිනයක පවත්වන බව මැතිවරණ කොමිෂන් සභාවේ සභාපති මහින්ද දේශප‍්‍රිය ප‍්‍රකාශ කර තිබේ’ නාමයෝජනා බාරගත යුත්තේ ජනාධිපතිවරණයක් පැවැත්වීමට සති හතරක් හෝ හයක් අතර කාලසීමාවකය’ ඒ අනුව හැකි අවසානම දිනයේ ජනාධිපතිවරණය පැවැත්වුවද නාමයෝජනා බාරගැනීම නොවැම්බර් මස මුල් සතිය අවසාන වෙද්දී අවසන් කළ යුතුය’ ඒ අනුව 2019 තුන්වැනි කාර්තුවට අදාල ලැයිස්තුවේ ගෝඨාභය රාජපක්ෂගේ නම තිබුණද ඔහුට ජනාධිපතිවරණයට නාමයෝජනා බාරදිය නොහැක’x
