ගෝඨාගේ අමෙරිකානු පුරවැසිකම අතහැරීමේ මහා ප්‍රෝඩාව

අමෙරිකානු ජාතික ගෝඨාභය 2005 ජනාධිපතිවරණයේ ඡන්ද ලැයිස්තුවට රිංගුවේ කොහොමද?

2019දී පුරවැසිභාවය අහිමි වූ සහතිකය ලැබෙන්න කලින් ශී‍්‍ර ලාංකික පාස්පෝට් එකක් හදාගෙන
2005දී ඇප්ලිකේෂන් නොදා ද්විත්ව පුරවැසිභාවය හදාගෙන
ඔහුගේ ඇමරිකානු නිවසේ වටිනාකම ඇමරිකානු ඩොලර් 530,000ක්.

ගෝඨාභය රාජපක්ෂ ජනාධිපති වෙන්නට පෙර සිටම ලංකාවේ නීතිය මෙන්ම සමාජයීය තමාට වෙනම ආකාරයකින් ක‍්‍රියාත්මක කරගන්නට දක්ෂයෙකු බව පැහැදිලි කෙරෙන කාරණා බොහෝය. චිත‍්‍රකතාවල සිටින සුපිරි වීරයන්ට අපට අදාළ වන භෞතික විද්‍යා නියමයන් අදාළ නැත. අඩු තරමේ දේශසීමා නීති පවා ඒ සුපිරි වීරයන්ට අදාළ වන්නේ නැත. ඔවුහු රටින් රටට නිදැල්ලේ ගමන් කරති.

අපට අදාල වෙන කාරණා බොහොමයක් ගෝඨාභය රාජපක්ෂට අදාල නැති බව පැහැදිලි වෙයි. රටේ වෙනත් පුරවැසියන්ට මෙන් නොව ගෝඨාභය රාජපක්ෂට එරෙහිව අපරාධ නඩුවක් ඇසීම පවා පහසුවෙන් කළ හැකි දෙයක් නොවේ. සාමාන්‍ය නීතියට ඉහළින් සිටින විශේෂ පුද්ගලයෙකු බවට ගෝඨාභය රාජපක්ෂ දැනටමත් පත්වී හමාරය.

ගෝඨාභය රාජපක්ෂගේ පුරවැසිභාවය සම්බන්ධ ප‍්‍රශ්නයේදීද අතීතයේ සිටම නීතිය විශේෂ ලෙස කටයුතු කර තිබෙන බව පෙනෙන්නට ඇත. ඒ බව තහවුරු කෙරෙන තවත් කාරණා කිහිපයක් අගෝස්තු 05 වැනි සඳුදා ඬේලි එෆ්ටී පුවත්පත වාර්තා කර තිබුණි.

පුරවැසිභාවය

විශේෂ වාර්තාකරුවෙකු ඬේලි එෆ්ටී පුවත්පතට එම වාර්තාව ලියා තිබුණි. ඒ අනුව ගෝඨාභය රාජක්ෂ ගෙවුණු සතියේදී කියා තිබුණේ සිය ගුවන් බලපත‍්‍රය තමන් ද්විත්ව පුරවැසියෙකු බව පෙන්වන සහතිකයක් බවය. ගුවන් බලපත‍්‍රයෙහි ඔහු ද්විත්ව පුරවැසියෙකු බව සඳහන්ව නොමැති බව ඔහු එහිදී අදහස් කරන්නට ඇත. සාමාන්‍යයෙන් ද්විත්ව පුරවැසියෙකුගේ ශ‍්‍රී ලංකා ගුවන් බලපත‍්‍රයක විශේෂ සඳහනක් ලෙස ‘මෙම බලපත‍්‍රයෙහි හිමිකරු ද්විත්ව පුරවැසියෙකි’ යනුවෙන් ඉංග‍්‍රීසියෙන් සඳහන්ව ඇත. ගෝඨාභයගේ කරුණු දැක්වීම අනුව ඔහු අලූතින් සකස් කරගෙන තිබෙන ගුවන් බලපත‍්‍රයෙහි එම කරුණ සඳහන්ව නැත.

ගෝඨාභය රාජපක්ෂ සිය නව ගුවන් බලපත‍්‍රය ලබාගෙන තිබුණේ මැයි 07 වැනිදාය. ඔහු එය ලබාගෙන තිබුණේ සාමාන්‍ය ක‍්‍රමවේදයට පිටින්ය. ඔහු එය ලබාගත් ක‍්‍රමය ගැන කරුණු කියන්නට පෙර වෙනත් මාධ්‍ය පෙන්වා නොදුන් තවත් විශේෂ කාරණයක් පෙන්වා දිය යුතුය.

ගෝඨාභය රාජපක්ෂ සැබෑ සහතිකයක් යැයි සඳහන් කළ, ඔහුගේ පුරවැසිභාවය අත්හැරීමේ සහතිකයක පිටපතක් පසුගිය සතියේ මාධ්‍යවල ප‍්‍රසිද්ධ කර තිබුණි. ඒ අනුව ඇමෙරිකානු පුරවැසියෙකු පුරවැසිභාවය අත්හැරීමේ ක‍්‍රමවේදය ගැන අපි පසුගිය සතියේ ලීවෙමු. යළි කෙටි සිහිපත් කිරීමක් කිරීමෙන් හා එම ක‍්‍රමවේදයට අදාල පෝරමවල ඇති කරුණු සලකා බැලීමෙන් ගෝඨාභය රාජපක්ෂ මැයි 07 වෙද්දී සිය ද්විත්ව පුරවැසිභාවය ගැන කිසි සඳහනක් නැති ගුවන් බලපත‍්‍රයක් ලබාගැනීමේ අවුල වටහාගත හැකිය.

පුරවැසිභාවය අත්හැරීමේ සහතිකය පුරවැසිභාවය අත්හරින ලද ඇමෙරිකානු පුරවැසියෙකුට ලැබෙන්නට සතියතකට වැඩි කාලයක් ගතවිය යුතුය. ගෝඨාභය රාජපක්ෂ ප‍්‍රසිද්ධ කර තිබෙන ඇමෙරිකානු පුරවැසිභාවය අත්හැරීමේ සහතිකය ඇමෙරිකානු රාජ්‍ය දෙපාර්තමේන්තුවෙන් අනුමත කර ඇත්තේ මැයි 03 සිකුරාදාය.

ඉන්පසුව එන සති අන්ත දවස් දෙක ගැනද සලකා බලද්දී, මේ සහතිකය මැයි 07 වැනි අඟහරුවාදාට පෙර ලැබෙන්නට කිසිම ක‍්‍රමයක් නැත.
සාමාන්‍ය ක‍්‍රමයට අනුව එය ඇමෙරිකාවෙන් එවිය යුත්තේද ඉන් සෑහෙන දිනකට පසුවය. ඒ සහතිකය ප‍්‍රසිද්ධ කිරීමට ජුලි මාසය දක්වා කල් ගනිමින්, සිය පුරවැසිභාවය පිළිබඳ සැකසංකා මතුවෙන්නට ඉඩදී බලා සිටීම ගැන සලකද්දී තේරුම්ගත හැක්කේද ඔය සහතිකය සැබෑ එකක් නම්, එය ගෝඨාභය රාපජක්ෂගේ අතට ලැබුණේ ජුලි මාසයේදී විය යුතු බවය.

අප නොදන්නා ක‍්‍රමයකට අනුව මැයි 03 වැනිදාම ඇමෙරිකානු රාජ්‍ය දෙපාර්තමේන්තුවෙන් සහතිකය ලංකාවට අධිවේගයෙන් ගෙන්වා ගත්තායැයි සිතමු. එසේ වුව ශ‍්‍රී ලංකාවේ පුරවැසි පනත අනුව ද්විත්ව පුරවැසිභාවය අත්හැර, ශ‍්‍රී ලාංකික පුරවැසිභාවය ලබාගැනීමට අදාල අයදුම්පත් පුරවා සාමාන්‍ය ක‍්‍රමය අනුව ලාංකික පුරවැසිභාවය ලබන්නට සිකුරාදා, සඳුදා හා අඟහරුවාදා යන වැඩකරන දින තුනක් ඇතුළත කරගත නොහැකිය. සාමාන්‍ය ක‍්‍රමවේදය අනුව නව ගුවන් බලපත‍්‍රයක් ලබාගැනීම නම් එක් දිනකින් කළ හැකිය. එහෙත් ගෝඨාභය රාජපක්ෂට නව ගුවන් බලපත‍්‍රයක් ලබාගැනීම නොව, ද්විත්ව පුරවැසිභාවයට අදාල දත්ත ඉවත් කරගැනීම කළ යුතුව තිබුණි.

එම කරුණු අනුවම ගෝඨාභය රාජපක්ෂ ඇමෙරිකානු පුරවැසිභාවය ලබාගත්තේ සාමාන්‍ය ක‍්‍රමවේදයට පිටින් ගොස් බව පැහැදිලි කාරණාවකි. එමෙන්ම ද්විත්ව පුරවැසිභාවය ගැන සඳහන් නොවූ ගුවන් බලපත‍්‍රයක් ලබාගනිද්දී ගෝඨාභය රාජපක්ෂ ඇමෙරිකන් පුරවැසියෙකු නොවන බව තහවුරු කරගැනීමට අදාල කිසිදු ලියවිල්ලක්වත් නොතිබූ බවද පැහැදිලි කාරණාවකි.

ඬේලි එෆ්ටී පෙන්වාදෙන්නේ ගෝඨාභය රාජපක්ෂ මැයි 07 වැනිදා නව ගුවන් බලපත‍්‍රය ලබාගෙන ඇත්තේ හවස 3ට බවය. මෙය නව අයදුම්පත් සඳහා ඇති අවසානම මිනිත්තුවයි. මෙය ලබාගැනීමට සාමාන්‍ය කාලවේලාව ගතවීම වෙනුවට එය අධිවේගයෙන් සිදුවී ඇත. එය ලබාගෙන ඇත්තේ පුරවැසි පනතේ සඳහන් සාමාන්‍ය ක‍්‍රමවේදයට අනුව නොවේ. එමෙන්ම එම ගුවන් බලපත‍්‍රය නිකුත් කර ඇත්තේ නව හැඳුනුම්පත් අංකයක් යටතේය. සාමාන්‍යයෙන් හැඳුනුම්පත අස්ථානගත වී, ජාතික හැඳුනුම්පත් අංකයද මතක නැත්නම් නියමිත ක‍්‍රමවේද අනුගමනය කොට නව අංකයක් යටතේ හැඳුනුම්පතක් ලබාගත හැකිය. එවැනි නව හැඳුනුම්පතක්ද ගෝඨාභය රාජපක්ෂට හදිසියේ ලැබී ඇත. ඒ නව අංකය ඇතුළත් කරද්දී ගුවන් තොටුපොලවල සිටින ලංකාවේ ආගමන විගමන නිලධාරීන්ගේ පරිගණකවල ඔහුගේ පුරවැසිභාවයට අදාල පරණ හැඳුනුම්පතේ දත්ත පෙන්වන්නේ නැත. එපමණක් නොව මැයි 07 වැනිදා ඔහු ගුවන් බලපත‍්‍රය අලූත් කරගනිද්දීත්, නව හැඳුනුම්පත් අංකය ඇතුළත් කරද්දී ද්විත්ව පුරවැසිභාවය පිළිබඳ පරණ දත්ත හසුවන්නේ නැත.

ආගමන විගමන ක්ෂේත‍්‍රයේ නිලධාරීන් පවසන අන්දමට ද්විත්ව පුරවැසිභාවය යනු විශේෂ තත්වයකි. වෙනත් රටක පුරවැසියෙකුට ශ‍්‍රී ලංකාවේ පුරවැසියෙකුට හිමි සියලූ වරප‍්‍රසාද ලැබීමට හැකිවීම ඒ විශේෂ තත්වයයි. ඒ අනුව එම තීන්දුව සම්පූර්ණයෙන්ම දේශපාලන තීන්දුවකි. ද්විත්ව පුරවැසිභාවය පිළිගැනීම, ඉවත් කිරීම, ප‍්‍රතික්ෂේප කිරීම ආදි කටයුතුවලදී එම දෙපාර්තමේන්තුව භාර ඇමතිවරයාට ප‍්‍රශ්න කළ නොහැකි බලයක් ඇත. දැන් මෙම දෙපාර්තමේන්තුව භාරව සිටින ඇමතිවරයා වජිර අබේවර්ධනය.

හොර ඡන්ද

ගෝඨාභය රාජපක්ෂ ද්විත්ව පුරවැසිභාවය ලැබුවේ 2005 දීය. ඔහු ද්විත්ව පුරවැසිභාවය ලබාගැනීමේදීද දැවැන්ත ගැටලූ මතුවී තිබේ. ඒ ගැනත් ඬේලි එෆ්ටී පෙන්වාදෙයි.
ද්විත්ව පුරවැසිභාවය දේශපාලන තීන්දුවක් බව අපි කලින් කීවෙමු. පුරවැසි පනතේ 19 (7* වැනි වගන්තිය අනුව ද්විත්ව පුරවැසිභාවය ලබන්නෙකුට එම තත්වය ලබාදීමේ හැකියාව ඇමතිවරයාට ඇත. යම් පුද්ගලයෙක්ට ද්විත්ව පුරවැසිභාවය ලබාදෙන විට එසේ ද්විත්ව පුරවැසිභාවය ලබාදීම ශ‍්‍රී ලංකාවේ යහපතට හේතුවනු ඇතැයි ඇමතිවරයා සෑහීමට පත්විය යුතුය.

ගෝඨාභය රාජපක්ෂ ශ්‍රේෂ්ඨාධිකරණයට ඉදිරිපත් කර ඇති දිවුරුම් ප‍්‍රකාශයක් අනුව ඔහු 2005 දී සිය සහෝදරයාගේ මැතිවරණ ව්‍යාපාරයට සහාය දීම පිණිස ඇමෙරිකාවෙන් ලංකාවට පැමිණ ඇත. එවිට ඔහු ඇමෙරිකානු පුරවැසියෙකි. ආගමන විගමන දෙපාර්තමේන්තුවේ දත්ත අනුව ඔහු ලංකාවට ඇතුළුවී ඇත්තේ ඇමෙරිකානු ගුවන් බලපත‍්‍රයකින්ය. ලංකාවට පැමිණ සංචාරක වීසා ලබාගැනීමෙන් ඔහු පැමිණ ඇත. (සංචාරක වීසා ලබාගෙන යම් රටකට ගොස් ඒ රටේ දේශපාලන කටයුතුවල යෙදීම කළ නොහැක්කකි.*

ගෝඨාභය රාජපක්ෂ ශ‍්‍රී ලාංකාවේ ද්විත්ව පුරවැසි තත්වයට අයදුම් කර ඇත්තේ සිය සහෝදරයා ජනාධිපතිවරයා ලෙස පත්වූ දිනයේය. එනම් 2005 නොවැම්බර් 18 වැනිදාය. ද්විත්ව පුරවැසිභාවය ලබාගැනීමේදී ඇමතිවරයාගේ බලය හා වගකීම ගැන අපි කලින් කීවෙමු. ගෝඨාභය රාජපක්ෂ ද්විත්ව පුරවැසිභාවය ලබාගනිද්දී ලංකාවේ ඒ විෂයට අදාළ ඇමතිවරයෙකු සිටියේ නැත. ජනාධිපතිවරයෙකු දිවුරුම් දුන්නේද එදාමය.

එහෙත් ඬේලි එෆ්ටී පෙන්වාදෙන පුදුම සහගතම කරුණ එය නොවේ. මහින්ද රාජපක්ෂ ජනාධිපතිවරයා දිවුරුම් දුන් දිනයේ ශ‍්‍රී ලාංකික ද්විත්ව පුරවැසිභාවය ලබාගත් ගෝඨාභය රාජපක්ෂ ඊට පෙර ජනාධිපතිවරණයේදී ඡුන්දය පාවිච්චි කර ඇති බව මැතිවරණ දෙපාර්තමේන්තුවේ දත්ත පෙන්වාදීමයි. ඒ වෙද්දී සංචාරක වීසාවලින් ලංකාවට පැමිණ සිටි ඇමෙරිකානුවෙකු වන ගෝඨාභය රාජපක්ෂ 2005 ජනාධිපතිවරණයේ ඡුන්ද ලැයිස්තුවට රිංගීම පැහැදිලිවම හොර ඡුන්ද පාවිච්චි කිරීමකි. බරපතළ ලෙස නීතිය කැඞීමකි.

රාජපක්ෂ නන්දිමිත‍්‍ර ගෝඨාභය වීරකැටිය මැදමුලන ලැයිස්තුවේ 130 වැනි ඡුන්දදායකයා ලෙස සිටින බව ඬේලි එෆ්ටී පෙන්වයි. ඒ 114 වන අංකය දරන නිවසේ ඡුන්දහිමියන් අතරේය. එම ලිපිනය යටතේම ජනාධිපතිවරණ අපේක්ෂකයෙකු වූ රාජපක්ෂ පර්සි මහේන්ද්‍ර ද සිට ඇත. රාජපක්ෂ ශිරන්ති සිට ඇත. ගෝඨාභය රාජපක්ෂගේ ඇමෙරිකන් පුරවැසි බිරිඳ වූ රාජපක්ෂ අයෝමා සහ චමල් රාජපක්ෂද එම ලිපිනයේ ඡුන්දදායකයන් අතර සිට ඇත.

එසේ ඡුන්දය පාවිච්චි කළ ගෝඨාභය රාජපක්ෂ ද්විත්ව පුරවැසිභාවය ලබාගැනීමට 2005 නොවැම්බර් 18 වැනිදා අයදුම් කළ බව සඳහන්ව තිබුණත්, ඉන්පසුව එළැඹුණු පළවැනි රාජකාරි දිනය වූ නොවැම්බර් 21 වැනිදා ඔහුට ද්විත්ව පුරවැසිභාවය ලැබී ඇති බව සඳහන්ව තිබුණත්, ඒ ද්විත්ව පුරවැසිභාවය ලබාගැනීමට අදාල ලියකියවිලි ආගමන විගමන දෙපාර්තමේන්තුවේ නැති බවද ඬේලි එෆ්ටී කියයි. ඒ දත්තවල සටහන්වන පුරවැසිභාවය අයදුම් කළ නොවැම්බර් 18 වැනිදා යනු මහින්ද රාජපක්ෂ ජනාධිපතිවරයා ලෙස ඡුන්දයෙන් පත්වූ දිනයයි. ඔහුට ද්විත්ව පුරවැසිභාවය ලැබුණු බව කියන නොවැම්බර් 21 වැනිදා ඇමතිවරයෙකු බලයේ සිට නැත. අනෙක ඒ වෙද්දීත් අනුමැතිය ලැබී නැති, ද්විත්ව පුරවැසිභාවය අයදුම්කළ අයදුම්කරුවන් රැුසක් පෝලිමේ සිට ඇත.
එමෙන්ම ඬේලි එෆ්ටී පෙන්වාදෙන්නේ ගෝඨාභය රාජපක්ෂට ද්විත්ව පුරවැසිභාවය ලබාදීම 2005 දී සිදුවී ඇති බව සඳහන් වුවද, ඔහු ද්විත්ව පුරවැසියෙකු බව ශ‍්‍රී ලංකාවේ ආගමන විගමන දෙපාර්තමේන්තුවට අයත් පරිගණක පද්ධතියට ඇතුළත් කර ඇත්තේ 2014 ජනවාරි 13 වැනිදාය. කෙසේවෙතත් පරිගණකයට දත්ත ඇතුළත් කරද්දී, එයට අදාල සැබෑ ලියකියවිලි තිබිය යුතු අතර, ඒවා ස්කෑන් කළ යුතුය. එහෙත් ගෝඨාභය රාජපක්ෂගේ පුරවැසිභාවයට අදාලව එවැනි ලියකියවිලි නැත. ඔහුගේ ද්විත්ව පුරවැසිභාවයට අදාල අයදුම්පත, රිසිට්පත හා මුදල් ගෙවූ බව සඳහන් නැත. සාමාන්‍යයෙන් ද්විත්ව පුරවැසියෙකු නව ගුවන් ගමන් බලපත‍්‍රයක් ලබාගනිද්දී ද්විත්ව පුරවැසිභාවයට අදාල සහතිකය පෙන්විය යුතු වුවත්, ගෝඨාභය රාජපක්ෂ එම සහතිකය ඉදිරිපත් කර නැත.

සාමාන්‍යයෙන් මෙවැනි ගැටලූ සහගත තැනකදී ආගමන විගමන දෙපාර්තමේන්තුවේ විමර්ශන නිලධාරීහු ගුවන් බලපත‍්‍රයක් නිකුත් කරන්නට පෙර සැක මතුකරති. ගෝඨාභය රාජපක්ෂට අදාල බරපතල ගැටලූ සහගත තත්වය වැන්නක් උදාවුණොත් සාමාන්‍යයෙන් විමර්ශන නිලධාරීන් කරන්නේ අපරාධ පරීක්ෂණ දෙපාර්තමේන්තුවට ඒ ගැන පැමිණිලි කිරීමයි. අපරාධ පරීක්ෂණ දෙපාර්තමේන්තුව ඒ ගැන පරීක්ෂණයක් කළ යුතුය. එහෙත් ගෝඨාභය රාජපක්ෂට අදාලව අපරාධ පරීක්ෂණ දෙපාර්තමේන්තුව කිසි පරීක්ෂණයක් කර නැත.

දිවුරුම

ඇමෙරිකාවේ පුරවැසිභාවයට අදාල වන්නේ ඇමෙරිකාවේ ආගමන විගමන හා ජාතිකත්වය පිළිබඳ පනතයි. එම පනතට පසුව සංශෝධන එකතු කර ඇත. යම් පුද්ගලයෙකුට ඇමෙරිකන් පුරවැසිභාවය ඉවත් කරගැනීම හැකි තරම් පහසු කිරීම ඇමෙරිකාවේ ප‍්‍රතිපත්තියයි. විදෙස් රටක ඇමෙරිකන් තානාපති කාර්යාලයකදී ඇමෙරිකන් පුරවැසිභාවය ඉවත් කරගත හැකි වන්නේ ඒ අනුවය. එහෙත් ඇමෙරිකානු පුරවැසිභාවය කැමති මොහොතක අත්හරින්නට ඉඩ දුන්නත්, ඇමෙරිකාව හිතන තරම් පහසුවෙන් අත්හැරීම කළ නොහැක්කකි.

ගෝඨාභය රාජපක්ෂ අපේ‍්‍රල් 17 වැනිදා ශ‍්‍රී ලංකාවේ ඇමෙරිකානු තානාපති කාර්යාලයේදී ද්විත්ව පුරවැසිභාවය ඉවත් කරගැනීමට අදාල දිවුරුම ලබාදී ගුවන් බලපත‍්‍ර ආදිය ඇමෙරිකාවට භාර දී තිබුණි. එසේ ලබාදෙන දිවුරුම සහිත පෝරමයක් හා තවත් දත්ත සහිත පෝරමයක් ඇමෙරිකානු පුරවැසිභාවය අත්හැරින පුද්ගලයෙකු ඇමෙරිකානු තානාපති වෙත ලබාදිය යුතුය. ඞීඑස්4080 හා ඞීඑස් 4081 යන අංකවලින් ඒ පෝරම දෙක හඳුන්වයි. ඞීඑස් 4081 පෝරමයේ ඇමෙරිකානු පුරවැසිභාවය අත්හරින පුදගලයෙකු ලබාදිය යුතු දිවුරුම් මාලාව ඇත. එයට එකඟ වී ඇමෙරිකානු පුරවැසිභාවය අත්හරින පුද්ගලයා අත්සන් තැබිය යුතුය. ගෝඨාභය රාජපක්ෂද ඒවාට අත්සන් තැබූ බව ඔහු ඉදිරිපත් කර ඇති පුරවැසිභාවය අත්හැරීමේ සහතිකයෙහි සඳහන්ය. ඒ දිවුරුමේ 8, 9, 10 කරුණු අනුව ඔහු ඇමෙරිකාවට බැඳී සිටියි.

අටවැනි කරුණේදී ඔහු දිවුරුම් දෙන්නේ ‘මාගේ පුරවැසිභාවය ඉවත් කරගැනීමෙන් මා මීට පෙර කළ හෝ මින් ඉදිරියේ කරන ලද ඇමෙරිකානු නීතිය කඩකරන වරදක් සම්බන්ධයෙන් ඇමෙරිකානු නීතිය ක‍්‍රියාත්මක කිරීම පිළිබඳ වගකීම්වලින් මා නිදහස් වන්නේ නැති බවට එකඟ වෙමි’ යනාදි ලෙසයි.

නවවැනි කරුණෙන් ඔහු දිවුරුම දෙන්නේ ‘මාගේ පුරවැසිභාවය ඉවත් කරගැනීමෙන් මාව ඇමෙරිකාවට උදර්පණය කිරීමට අවශ්‍ය වුවහොත් එය පිළිගැනීමට ඇති වගකීමෙන් මා නිදහස් වන්නේ නැත’ යන්නටය. දසවැනි කරුණෙන් ඔහු ඇමෙරිකාවේ ආදායම් බදු ගෙවීමට ඇත්නම්, ඒ බදු අයකරගැනීමට අදාල වගකීමට තමා යටත්වන බව දිවුරා ඇත.

ඒ කරුණු අනුව ගෝඨාභය රාජපක්ෂට අනාගතයේදී වුව ඇමෙරිකාවේ නීතියෙන් පලායන පුද්ගලයෙකු වීමට සිදුවිය හැකිය. වැරදීමකින් ඔහු ශ‍්‍රී ලංකාවේ ජනාධිපති ධුරයට පත්ව ඉන්පසුව ඔහුව ඇමෙරිකානු අධිකරණයකදී වරදකරුවෙකු වුවහොත් නීතියෙන් හැංගෙන ජනාධිපතිවරයෙකු අපට ලැබෙනු ඇත.

ධනය

ගෝඨාභය රාජපක්ෂට අදාල තොරතුරු හෙළිවෙද්දී නිරීක්ෂණය කළ හැකි තවත් කාරණාවක් සිහිපත් කළ යුතුය. ඔහු සේවය මැද්දේ විශ‍්‍රාම ගිය හමුදා නිලධාරියෙකි. ඇමෙරිකාවේ පෞද්ගලික ආයතනයක සාමාන්‍ය දත්ත ඇතුළත් කරන්නෙකුගේ රැුකියාවක් කළ අයෙකි. ආරක්ෂක අමාත්‍යාංශයේ ලේකම්වරයා ලෙස ඔහු කටයුතු කළත්, එම ලේකම්කමට ඔහුට විශ‍්‍රාම වැටුපක් උරුම නැත. ඒ නිසා ආරක්ෂක අමාත්‍යාංශ ලේකම්කමට ලැබුණු වැටුපද 2015 ජනවාරි සිට ඔහුට අහිමිය. එයින් පසුව ඔහු ඇමෙරිකාවේ රැුකියාවක යෙදුණු බවද වාර්තා වන්නේ නැත.

සාමාන්‍ය ආර්ථිකය පිළිබඳ රීති අනුව ගෝඨාභයට එදිනෙදා ජීවිතය පවත්වාගෙන යෑමේ මහා අසීරුවක් තිබිය යුතුය. එහෙත් ඒ ආර්ථික රීතිද ගෝඨාභය රාජපක්ෂට අදාල නැත. කොහෙන්දෝ ඔහුට වත්කම් ඇත. ගෝඨාභය රාජපක්ෂගේ වත්කම් බැරකම් ගැන දැවැන්ත ප‍්‍රශ්නයක් සමාජයට ඇත. ගෝඨාභය රාජපක්ෂ ගෙදරට වී ගෙදර කටයුතු බලාගෙන සිටියා නම් ඒ ප‍්‍රශ්නය විමසීමේ අයිතියක් අප කිසිවෙකුට නැත. එය ඔහුගේ පෞද්ගලික ජීවිතයයි. එහෙත් ඔහු රටේ ජනාධිපතිකම පතන්නෙකු වන නිසා ඒ ගැන අප විමසිය යුතුමය. ගෝඨාභය රාජපක්ෂට සිංගප්පූරුවේ මවුන්ට් එළිසබෙත් රෝහලෙන් ප‍්‍රතිකාර ලබන්නට මුදල් කොහෙන්ද? මවුන්ට් එළිසබෙත් රෝහලේ වෙබ් අඩවිය අනුව එහි අඩුම මිලැති තනි කාමරයක් සඳහා දිනකට සිංගප්පූරු ඩොලර් 688ක් ගෙවිය යුතුය. එනම්, රුපියල් 88,028ක් ගෙවිය යුතුය.

ඇමෙරිකානු පුරවැසිභාවය ඉවත් කරගනිද්දී ගාස්තුව ලෙස ඩොලර් 2350ක් හෙවත් රුපියල් ලක්ෂ 4කට වැඩි මුදලක් ඇමෙරිකානු රජයට ගාස්තු ලෙස ගෙවිය යුතුය. ඒ, අදාල පුරවැසියා ගෙවිය යුතු බදු ඇත්නම් ඒවා හැරුණු විට ගෙවන්නට ඇති මුදලය. බදුත් සමඟ ඊට වඩා වැඩි මුදලක් ගෙවීමට සිදුවෙයි. ඒ මුදල් ගෙවන්නට ගෝඨාභය රාජපක්ෂට මුදල් කොයින්ද?
ගෝඨාභය රාජපක්ෂට ලැබුණායැයි කියන පුරවැසිභාවය අත්හැරගැනීමේ සහතිකයෙහි ලිපිනයක් ඇත. එය ඇමෙරිකාවේ කැලිෆෝනියා ලොස් ඇන්ජලීස්හි සැන් ඩිමාස් නගරයෙහි ලිපිනයකි. 1341 විකම් කෝට් (විකම් චතුරස‍්‍රය*, 91773 එම නිවසෙහි අංකය හා එය ඇති ස්ථානයයි. එම නිවස හා ප‍්‍රදේශය ගූග්ල් ස්ට‍්‍රීට් වීව් තාක්ෂණයෙන් බලාගත හැකිය. එම නිවසේ ඇතුළත ඡුායාරූප ඇමෙරිකාවේ දැවැන්තම දේපළ අලෙවි කරන ආයතනයක වෙබ් අඩවියක් වන ‘සිලෝ වෙබ්’ අඩවියෙහි ඇත. ඊට අමතරව දේපළ වෙළඳාම් පිළිබඳ ඇමෙරිකාවේ ප‍්‍රකට වෙබ් අඩවි කිහිපයකම මෙම නිවෙස ඇත.

2019 මාර්තු මාසයේදී මෙම නිවෙස අලෙවි වී ඇත්තේ ඇමෙරිකන් ඩොලර් 530,000කටය. දැන් රුපියලෙහි අගය අනුව රුපියල් 93,807,350 කටය. නිදන කාමර තුනක්, බාබකියු ඒරියා එකක්, නාන තටාකයක්, ස්පා එකක් ආදි කුඩා රැුකියාවක් කරන වෙනත් ඇමෙරිකානුවන් සිහින දකින අන්දමේ පහසුකම් රැුසක් ඒ නිවසෙහි ඇත.

මෙවැනි නිවෙසක ජීවත්වෙන්නට ඇමෙරිකාවේ දත්ත ඇතුළත් කරන්නෙකුව සිට ලංකාවේ අමාත්‍යාංශ ලේකම්වරයෙකු වී, විශ‍්‍රාම වැටුපක් නැතිව රැුකියා විරහිත වූ පුද්ගලයෙකුට පුළුවන් වීම ගැන කල්පනා කිරීමම අපූරු කාරණාවකි. සාමාන්‍ය දත්ත ඇතළත් කරන්නෙකුට වඩා විශේෂ කාර්යභාරයක් ගෝඨාභය රාජපක්ෂ ඇමෙරිකාවේදී කර ඇතිවා විය යුතුය.