ජනතා විමුක්ති පෙරමුණ ප‍්‍රමුඛ සන්ධානය සිය අපේක්ෂකයා ලෙස මීළඟ ජනාධිපතිවරණයට ජවිපෙ නායක අනුර කුමාර දිසානායක ඉදිරිපත් කිරීමට බලාපොරොත්තුවෙන් සිටින බව වාර්තා වෙයි.
ජවිපෙ ප‍්‍රමුඛව පිහිටුවූ ජාතික ජන බලවේගය සංවිධානය ජුලි 30 වැනිදා මාධ්‍ය සාකච්ඡුාවක් පවත්වමින් කියා තිබුණේ අගෝස්තු 18 වැනිදා පවත්වන ජාතික ජන බලවේගයේ සමුළුවකදී ජනාධිපතිවරණ අපේක්ෂකයා කවුදැයි ප‍්‍රකාශයට පත්කරන බවයි.
ජනතා විමුක්ති පෙරමුණ මීළඟ ජනාධිපතිවරණයට පෙර විධායක ජනාධිපති ක‍්‍රමය අහෝසි කිරීම සඳහා වන 20 වැනි සංශෝධන යෝජනාව පාර්ලිමේන්තුවේ විවාදයට ගැනීම සඳහා දිනයක් වෙන් කරගැනීමේ බලාපොරොත්තුවෙන් සිටින බවත්, එය සම්මත කරගැනීමට නොහැකි වුවහොත් ඉන්පසුව ජනාධිපතිවරණයට ජාතික ජන බලවේගය නියෝජනය කරමින් අපේක්ෂකයෙකු ඉදිරිපත් කිරීමට බලාපොරොත්තු වෙන බවත් එම කණ්ඩායමේ අදහස වී තිබේ.
අනුරංග ජයසිංහ
