ශ‍්‍රී ලංකා පොදුජන පෙරමුණ හා ඒකාබද්ධ විපක්ෂයේ අනෙකුත් පක්ෂ අතර ඒකාබද්ධ පොදුජන පෙරමුණ නම් සන්ධානයක් ඇති කරගත යුතු බව ඒකාබද්ධ විපක්ෂයේ සාමාජික පක්ෂ කිහිපයක් දැඩිව පොදුජන පෙරමුණට යෝජනා කර ඇතැයි වාර්තා වේ.
ජුලි 29 වැනිදා පැවති ඒකාබද්ධ විපක්ෂයේ පක්ෂ නායක රැුස්වීමේදී ඒකාබද්ධ විපක්ෂයේ පක්ෂ නායකයන් ඒ ගැන සාකච්ඡුා කර තිබේ. ඒකාබද්ධ විපක්ෂයේ පාර්ලිමේන්තු කණ්ඩායම නියෝජනය කරන පක්ෂවල නායකයන් එයට සහභාගී වී ඇත. එහිදී පක්ෂ නායකයන් පසුගිය සතියේදී පොදුජන පෙරමුණ ඒකාබද්ධ විපක්ෂයේ සාමාජිකයන් නොවන කුඩා පක්ෂ කිහිපයක් සමඟ අවබෝධතා ගිවිසුම් අත්සන් කිරීම ගැන අදහස් පළ කර තිබේ. තම පක්ෂවලටද එලෙස පොදුජන පෙරමුණ සමඟ අවබෝධතා ගිවිසුම් අත්සන් කළ නොහැකි බවත්, ඒකාබද්ධ විපක්ෂය තම පක්ෂ සමඟ සන්ධානයක් ඇතිකරගත යුතු බවත් එහිදී අදහස් පළවී තිබේ.
ඒ අනුව ඒකාබද්ධ විපක්ෂය හා පොදුජන පෙරමුණ අතර ඒකාබද්ධ පොදුජන පෙරමුණ යන නමින් හා නෙළුම් පොහොට්ටුව ලකුණින් නව සන්ධානයක් ඇති කරගත යුතු බවට එකඟ වී තිබේ. එම සන්ධානය ජනාධිපතිවරණයට පෙර එළිදැක්විය යුතු බවද එහිදී එකඟ වී තිබේ.
කෙසේ වෙතත් මේ ගැන අදහස් දැක්වූ ඒකාබද්ධ විපක්ෂයේ පක්ෂ නායකයෙකු ප‍්‍රකාශ කළේ එම රැුස්වීමේදී එවැනි එකඟතාවක් ඇති කරගත්තද, ශ‍්‍රී ලංකා පොදුජන පෙරමුණට එවැනි සන්ධානයක් ඇති කරගැනීමේ සැබෑ වුවමනාවක් නොමැති බවය. මීළඟ මැතිවරණ එනතුරු නිහඬව සිට අවසාන මොහොතේ පොදුජන පෙරමුණ අනෙකුත් පක්ෂ සමඟ අවබෝධතා ගිවිසුම් ඇති කරගැනීමේ වැඩි ඉඩක් ඇතැයි ඔහු කීය. ඔහු වැඩිදුරටත් ප‍්‍රකාශ කළේ එවැනි අවබෝධතා ගිවිසුම් ඇති කරගැනීමෙන්, තම පක්ෂවල ස්වාධීනත්වය දුර්වල වන බවයි.x
