සාෆි අත්අඩංගුවට ගත්තේ මෙහෙමයි

කුරුණෑගල උසාවියට සීඅයිඞීය ඉදිරිපත් කළ, මාධ්‍ය යටගැසූ කරුණු 03

පුවත ගත්තේ ෆේස්බුක් එකෙන් බව රන්දුණු කියලා
කුරුණෑගල පොලීසිය පැමිණිලි වැරදියට ලියලා
පැමිණිලි ලියාගෙන ඇත්තේ සාෆි අත්අඩංගුවට ගත්තාට පසුව

මැයි 23 වැනි බ‍්‍රහස්පතින්දා දිවයින ප‍්‍රධාන ප‍්‍රවෘත්තිය ලෙස දිවයින පළ කර තිබූ බොරු කතාව යළි යළිත් දීර්ඝ ලෙස සිහිපත් කළ යුතු නැත. කෙටියෙන් මෙසේය. තවුහිද් ජමාත් දොස්තරවරයෙකු සිංහල බෞද්ධ මව්වරුන් 4000ක් වඳ කර ඇති බව ඒ පුවතෙහි සඳහන් විය. පුවතට අනුව ඒ සැත්කම් පිළිබඳ තොරතුරු රැුසක් තිබුණි. ඒ ගැන ‘පුළුල් විමර්ශන’ ඒ පුවතට අනුව මැයි 23 වැනිදා වෙද්දිත් ක‍්‍රියාත්මක වෙමින් තිබුණි.

ෆේස්බුක් පුවත

එහෙත් වෛද්‍ය සාෆිගේ සිදුවීමට අදාල ප‍්‍රදේශය භාරව සිටි නියෝජ්‍ය පොලිස්පතිවරයා වන කිත්සිරි ජයලත් පැහැදිළිවම එවැනිිපුළුල් පරීක්ෂණයක්’ නොතිබුණු බව කියා ඇත. සීඅයිඞීය නියෝජ්‍ය පොලිස්පති කිත්සිරි ජයලත්ගෙන්ද ප‍්‍රකාශයක් සටහන් කරගෙන තිබුණි. එහිදී නියෝජ්‍ය පොලිස්පතිවරයා හේමන්ත රන්දුනුගේ ප‍්‍රවෘත්තියෙහි ඇති කරුණු තමන් කී බවට රන්දුනුගේ ප‍්‍රකාශය ප‍්‍රතික්ෂේප කර ඇත. ඔහු කියන්නේ තමන් රන්දුණුට එවැනි තොරතුරක් නොදුන් බවය. ¥රකථන ඇමතුමක් ලබාදුන් මොහොතක තමන් කටකතාවක් ගැන පමණක් කී බව ඔහු කියා ඇත. අපරාධ පරීක්ෂණ දෙපාර්තමේන්තුව හෙවත් සීඅයිඞීය ජුලි 04 වැනිදා අධිකරණයට ඉදිරිපත් කළ වාර්තාවේ මෙසේ සඳහන් වෙයි.

‘අදාල වෛද්‍යවරයා සිංහල මව්වරුන් වඳ කිරිමට අදාළ කටකතා පැතිරෙන බවත්, එය සනාථ කිරිමට කිසිදු පැමිණිල්ලක් 2019.05.23 වන දින ට පෙර ඔහු වෙත ලැබී නොමැති බවත්’

‘තවද හේමන්ත රන්දුනු හා ඔහු සමඟ 2019.05.24 දිනෙන් පසුව ඔහු සමඟ සිදු කළ ¥රකථන සංවාද පටිගත කර ඇති බවත්’
‘එම පුවත පළකිරීම සම්බන්ධයෙන් අදාල මාධ්‍යවේදියා වගකිව යුතු බවත් හේමන්ත රන්දුණු මාධ්‍යවේදියා අපරාධ පරීක්ෂණ දෙපාර්තමේන්තුවට කැඳවීමෙන් පසු ඔහුට ¥රකතනයෙන් අමතා ඔහු අමාරුවේ වැටී ඇති බවත් ඔහු මුහුණු පොතේ පලවූ ලිපියක් බලා පුවත් පළකර ඇති බවත් යනුවෙන් තවත් කරුණු බොහොමයක් ලබාදෙමින් දීර්ඝ ප‍්‍රකාශයක් කර ඇත.’

හේමන්ත රන්දුණු මුළු රටම කැලඹූ ප‍්‍රවෘත්තිය ලියා ඇත්තේ ෆේස්බුක් බැලීමෙන් යැයි හේමන්ත රන්දුණු තමන්ට පසුව ලබාදුන් ¥රකථන ඇමතුම්වලදී පැවසූ බව නියෝජ්‍ය පොලිස්පතිවරයා සීඅයිඞීයට කියා ඇත. මෙතැන් පටන් දිවයින පුවත්පතේ හැම ලිපියක්ම කියවද්දී ඔය කරුණ සිහිතබාගැනීම වැදගත්ය. ෆෙස්බුක්වලින් බලා ප‍්‍රවෘත්ති ලියන්නේ කුමන පුවත්පතදැයි අප සිහිතබාගත යුතුය.

පොලීසියේ ව්‍යාජ ලියකියවිලි

දිවයින ප‍්‍රවෘත්තිය පළවුණේ මැයි 23 වැනිදාය. සේගු ෂියාබ්දීන් මොහොඞ් සාෆිව අග්අඩංගුවට ගන්නා ලෙස කුරුණෑගල කොට්ඨාස භාර පොලිස් අධිකාරී මහින්ද දිසානායක කුරුණෑගල මූලස්ථාන පොලිස් පරීක්ෂක හරහා කුරුණෑගල අපරාධ අංශයේ ස්ථානාධිපති පොලිස් පරීක්ෂක පුෂ්පලාල්ට මැයි 24 වැනිදා වෛද්‍ය සාෆි ෂියාබ්දීන් අත්අඩංගුවට ගන්නා ලෙස නියෝගයක් ලබා දී තිබුණු බව සීඅයිඞීය හෙළිදදරව් කරගෙන තිබේ.

2019 මැයි 24 වැනිදා රාත‍්‍රී 10ට කුරුණෑගල පොලීසියේ අපරාධ අංශය අත්අඩංගුවට ගෙන තිබුණි. 1979 අංක 48 ත‍්‍රස්තවාදය වැලැක්වීමේ (තාවකාලික විධි විධාන* පනතේ වගන්ති 7 (1යටතේ පැය 72ක් වෛද්‍ය සාෆිව රඳවාගැනීමට කුරුණෑගල කොට්ඨාස භාර පොලිස් අධිකාරී ඞී එම් යූ මහින්ද දිසානායක මහතා කුරුණෑගල මූලස්ථාන පොලිස් පරීක්ෂකට එදින නියෝග ලබා දී ඇත. පසුදින එනම් 25 වැනි දා ඔහුව සීඅයිඞීයට භාර දෙන ලෙස පොලිස්පතිවරයා නියෝග කළේය. අපරාධ පරික්ෂණ දෙපාර්තුමේන්තුවට වෛද්‍ය සාෆි භාරදීමෙන් පසු 2019 මැයි 27 වැනිදා නීතිපති දෙපාර්තමේන්තුවට ගොස් උපදෙස් ලබා ගත් සීඅයිඞීය වෛද්‍ය සාෆි දින 90ක් රඳවා තබා ගැනීම සඳහා 1979 අංක 48 දරණ ත‍්‍රස්ථවාදය වැලැක්වීමේ (තාවකාලික විධි විධාන පනතේ වගන්ති 9 (1* යටතේ ආරක්ෂක අමාත්‍යවරයා වන ජනාධිපතිවරයාගෙන් නියෝග ලබා ගෙන ඇත.

අත්අඩංගුවට ගෙන ඇත්තේ චෝදනා තුනක් යටතේය. තවුහිත් ජමාත් සංවිධානයේ මුදල් ලබාගෙන එම සංවිධානයේ අරමුණු ඉටු කිරීම සඳහා සිසේරියන් සැත්කම් කරමින් සිංහල මවුවරුන් වඳ භාවයට පත් කිරීම එක් චෝදනාවකි. දෙවැනි චෝදනාව අයථා ලෙස උපයාගත් මුදලින් වත්කම් ලබාගෙන ඇති බවයි. තුන්වැන්න නම් ඔහු නිදැල්ලේ සිටියහොත් වෛද්‍යවරයාටත් ඔහුගේ නිවාසවලටත් අලාභයක් ඇති විය හැකි බවයි. මේ අතරින් බරපතල චෝදනාව වන්නේ පළමුවැන්නයි. ත‍්‍රස්තවාදය වැළැක්වීමේ පනත යටතේ ඔහුව අත්අඩංගුවට ගත්තේ ඒ චෝදනාව නිසායි. සීඅයිඞීයට පරීක්ෂණ පැවරුණේද ඒ පළවැනි චෝදනාව නිසායි. අයථා වත්කම් චෝදනාව අල්ලස් හෝ ¥ෂණ විමර්ශන කොමිෂමෙන් විමර්ශනය කළ යුත්තකි. ඒ ගැනත් වෙනම කතාකළ යුතුය. කෙසේ වෙතත් අපගේ මේ අවධානය ඔහුට පළවැනි චෝදනාව එල්ල කරන්නට තරම් ප‍්‍රමාණවත් කරුණු ඔහුව අත්අඩංගුවට ගත් මොහොත වෙද්දී තිබුණාද යන්නයි. ෆෙස්බුක් බලා ලීවායැයි කියන දිවයින පුවත ප‍්‍රමාණවත් කරුණක් ලෙස සැලකිය නොහැකිය.

ඉන්පසුව ඔහුව සීඅයිඞීයට බාරදී තිබුණි. වෛද්‍ය සාෆිව අත්අඩංගුවට ගැනීම ගැන මැයි 26 වැනිදා කුරුණෑගල කොට්ඨාශ බාර පොලිස් අධිකාරී මහින්ද දිසානායක යොමු අංක එස්/පී / ඒ / 4368/19 යටතේ අපරාධ පරික්ෂණ දෙපාර්තුමේන්තුවේ අධ්‍යක්ෂවරයා වෙත පිටු 08 ක වාර්තාවක් ඉදිරිපත් කර ඇත. එම වාර්තාවේ සැකකරුට විරුද්ධව ඇති පැමිණිලි සඳහන් ප‍්‍රකාශ වශයෙන් සඳහන් කරමින් පුද්ගලයන් 10 කුගේ පැමිණිලි සටහන් කර තිබී ඇත. ඉන් 8ක් වෛද්‍ය සාෆිව අත්අඩංගුවට ගත් දිනය වන 24 වැනිදා රාත‍්‍රී 10ට පෙර සටහන් කරගත් ප‍්‍රකාශ බව පොලීසිය සඳහන් කරයි.

පැමිණිලි 10

කෙසේ වෙතත් එම ප‍්‍රකාශ කළ පුද්ගලයන්ව යළි ප‍්‍රශ්න කිරීමෙන්, පොලිස් සටහන් පොත් පරීක්ෂා කිරීමෙන් සීඅයිඞීය ඒ ගැන නැවත සොයාබලා ඇත. ඒ අනුව ජුලි 04 වැනිදා අධිකරණයට ඉදිරිපත් කළ වාර්තාවෙහි එම සිදුවීම් 10 ගැනම කරුණු සඳහන් කර ඇත.

පළමු පැමිණිලිකරු රූපසිංහ ආරච්චිලාගේ චලිතා මධුමාලි රූපසිංහ නම් වේ. ඇගේ ප‍්‍රකාශය 2019 මැයි 24 දින උදේ 9ට කුරුණෑගල රෝහලේදී ප‍්‍රකාශ සටහන් කර ගත් බව ඉහත කී පොලිස් අධිකාරීවරයාගේ වාර්තාවේ සඳහන්ව ඇත. ඇගේ මුත‍්‍රා නාල දෙක කැපීම ගැන ඇගේ ප‍්‍රකාශයේ සඳහන් වන අතර මුත‍්‍රානාල කැපුණේ වෛද්‍ය සාෆි අතින් බව ඒ පැමිණිල්ලෙහි සඳහන්ව තිබී ඇත. කෙසේ වෙතත් මේ පැමිණිල්ල ලියාගත්තේ මැයි 24 වැනිදා උදේ බව කීවත්, ඒ පැමිණිල්ල සටහන් කරගත් අවස්ථාවේ පැමිණිල්ල සටහන් කරගත් වෙලාව පැමිණිල්ල සටහන් කරගත් නිලධාරීන් ඒ ප‍්‍රකාශයට සටහන් කරගැනීමට පොලීසියෙන් පිටව ගිය වෙලාව හා නැවත පොලීසියට පැමිණි වෙලාව සටහන් කර නැත. ඒ නිසා මෙය ඒ කියන වෙලාවේ ගත් ප‍්‍රකාශයක්ද, නැත්නම් වෛද්‍ය සාෆිව අත්අඩංගුවට ගැනීමෙන් පසුව ගත් ප‍්‍රකාශයක්ද යන්න අපැහැදිළි බව සීඅයිඞීය සිය වාර්තාවනේ කියයි.

එහෙත් සීඅයිඞීය සිය වාර්තාවෙහි සඳහන් කරන්නේ මෙම සිදුවීම පිළිබඳව කුරුණෑගල රෝහලේ ප‍්‍රසව හා නාරිවේද විශේෂඥ වෛද්‍ය පත්තිනිසේකර මහතාගෙන්, මුත‍්‍රලිංග වෛද්‍ය ජයසුන්දරගෙන් සහ එම ශල්‍යකර්මයට සහභාගී වු හෙදියන් දෙදෙනෙකුගෙන් ප‍්‍රකාශ ලබාගත් බවයි. ඒවායින් සනාථ වී තිබුණේ ඉහත පැමිණිල්ල කළ කාන්තාවගේ සිසේරියන් සැත්කම කළ අවස්ථාවේ මුත‍්‍රවාහිනී දෙක අතපසුවීමකින් ගැටගැසී ඇති බවත්, එයින් මුත‍්‍රවාහිනියේ අවහිරයක් ඇතිව තිබෙන බවත්ය. එහෙත් එය සාමාන්‍යයෙන් ඇතිවන තත්වයක් බව එම වෛද්‍ය නිලධාරීන් කියා ඇත. සිසේරියන් සැත්කමකදී මුත‍්‍රනාලවල පිහිටීම නිසා රුධිර වාහිනීවලට තුවාල සිදුවීම සහ ගර්භාෂය සමඟ එකතු වී මැහීම සිදුවිය හැකි බව ප‍්‍රසව හා නාරිවේද විශේෂඥ වෛද්‍ය පත්තිනිසේකර කියා ඇත. පසුව අදාල කාන්තාවට සැත්කමක් සිදුකර මුත‍්‍ර මාර්ගය නිවැරදි කළ බවත්, රුධිර වහනය නැවැත්වීම සඳහා සැත්කමට සහභාගී වූ වෛද්‍යවරුන් ගර්භාෂය ඉවත් කිරීමට තීරණය කළ බවත් එම වෛද්‍යවරයා කියා ඇත. ඒ ගර්භාෂය ඉවත් කළ සැත්කමට වෛද්‍ය සාෆි සහභාගී වී නැත.

දෙවැනි ප‍්‍රකාශය නානායක්කාර ගාල්ලගේ තරිඳු දර්ශන නම් පුද්ගලයාගෙන් මැයි 25 වැනි දා දවල් 1ට පරසන්ගස්වැව රෝහලේ දී සටහන් කරගෙන ඇත. ඔහු කියා ඇත්තේ වෛද්‍ය සාෆි ෂියාබ්දීන් අස්වාභාවික ලෙස කුඩා කැපුමක් යොදා ළමයින් එළියට ගත් බවයි. එහෙත් ඒ චෝදනාව වෙනත් කිසිදු නිලධාරියෙකුගේ ප‍්‍රකාශයකින් හෝ සනාථ වී නැත. මෙම ප‍්‍රකාශය සටහන් කර ගෙන ඇත්තේ අදාල වෛද්‍යවරයාව අත්අඩංගුවට ගැනීමෙන් පසුව බව සීඅයිඞීය විමර්ශනවලින් සොයාගත් බව ජුලි 04 වාර්තාවෙහි සඳහන්ය.

තුන්වැනි ප‍්‍රකාශය වෛද්‍යවරයෙකු වන ජයලත්ගේ නාමල් බණ්ඩාර ජයලත්ගෙන් සටහන් කරගෙන තිබුණි. එය 2019 මැයි 24 දින සවස 4ට නාවුල රෝහලේ දී ප‍්‍රකාශ සටහන් කර ගත් බව සඳහන්ය. වෛද්‍ය සාෆි දඹුල්ල රෝහලේ සේවය කරද්දී, එල්ආර්ටී හෙවත් කාන්තාවන්ගේ පැලෝපීය නාලය අවහිර කරන සැත්කම් සිදු නොකර ඒ සැත්කම් කළ බවට වෛද්‍ය වාර්තාවල සටහන් ඇතුළත් කිරීමට වෛද්‍ය සාෆි උපදෙස් දී ඇති බව එහි සඳහන්ය. සීඅයිඞීය කළ විමර්ශනවලදී හෙළි වී ඇත්තේ ඔහුගෙන් ප‍්‍රකාශ සටහන් කරගෙන ඇත්තේ 24 වැනිදා නොව ඊට පසු දින එනම්, මැයි 25 දින සවස 4ට නාවුල පොලිස් ස්ථානයේ දී බවයි. ඒ අනුව එම පැමිණිල්ලත් ලියාගෙන ඇත්තේ වෛද්‍ය සාෆිව අත්අඩංගුවට ගැනීමෙන් පසුවය. එහෙත් එය සාෆිව අත්අඩංගුවට ගන්නට කලින් සටහන් කරගත් බවට බොරු කියා ඇත.

එපමණක් නොව එම වෛද්‍යවරයාගෙන් ලබාගත් ප‍්‍රකාශවලදී නොකී අසත්‍ය කරුණු ඉහත කී පොලිස් අධිකාරීවරයාගේ වාර්තාවෙහි තිබෙන බවද සීඅයිඞීය පෙන්වා ඇත. එමෙන්ම එම සිදුවීම් දඹුල්ල රෝහලට අදාල නිසා, එය කුරුණෑගල පොලීසියේ බලයලත් කලාපයෙන් පිටට යෑමක් බවත් කියා ඇත.

සිව්වැනි ප‍්‍රකාශය ප‍්‍රියානි ප‍්‍රියංගියා නන්දසේන නම් විශේෂඥ වෛද්‍යවරියගෙන් 2019 මැයි 24 වැනිදා කුරුණෑගල පොලිස් ස්ථානයේ දී සවස 7ට සටහන් කරගත් බව පොලිස් අධිකාරීවරයාගේ වාර්තාවෙහි ඇත. ඉහත කී වෛද්‍යවරයා කළ චෝදනාව එම ප‍්‍රකාශයේද සඳහන්ය. එහෙත් සීඅයිඞී පරීක්ෂණයේදී අනාවරණය වී ඇත්තේ ඇගෙන් ප‍්‍රකාශ සටහන් කරගෙන ඇත්තේ සාෆිව අත්අඩංගුවට ගෙන දවස් දෙකකට පසුව බවයි. කුරුණෑගල පොලීසියේදී නොව 2019 මැයි 26 වැනි දා සවස වික‍්‍රමසිංහපුර, බත්තරමුල්ලේ ඇගේ නිවසේදී ඒ ප‍්‍රකාශය සටහන් කරගෙන තිබුණි. එම ප‍්‍රකාශයේද ව්‍යාජ දින යොදා ව්‍යාජ ස්ථාන යොදා පොලිස් සටහන් ව්‍යාජ ලෙස සකසා ඇතැයි සීඅයිඞීය අනාවරණය කරගෙන ඇත.

පස්වැනි ප‍්‍රකාශය හපුආරච්චිගේ ඉනෝකා ප‍්‍රියදර්ශනීගෙන් 2019 මැයි 24 දහවල් 12ට කුරුණෑගල පොලිස් ස්ථානයේ දී සටහන් කරගත් බව පොලිස් වාර්තාවෙහි සඳහන්ය. ඇය කියා තිබෙන්නේ 2007 සිට තමන්ට දරුවෙකු නොමැති බවය. එහෙත් සීඅයිඞීය පසුව හෙළි කරගත්තේ ඇගේ ප‍්‍රකාශය සටහන් කරගෙන ඇත්තේ මැයි 25 වැනිදා දහවලේ බවය.

හයවැනි ප‍්‍රකාශය අබේවර්ධන මුදියංසේලාගේ චාන්දනී නයෝමිකා අබේවර්ධනගෙන් මැයි 24 වැනි දා දහවල් 12.30ට ප‍්‍රකාශ සටහන් කර ගත් බව පොලීසියේ වාර්තාවෙහි සඳහන්ය. 2011 වසරෙන් පසු දරුවන් නොලැබීම ගැන ඇය පැමිණිලි කර ඇත. සීඅයිඞීය හෙළි කරගෙන ඇත්තේ එම පැමිණිල්ලත් මැයි 25 වැනිදා සටහන් කරගත් එකක් බවයි.

හත්වැනි ප‍්‍රකාශය ජයලත්ගේ ප‍්‍රසන්තිකාගේය. ඇගේ ප‍්‍රකාශයත් මැයි 24 වැනිදා සටහන් කරගත් බව සීඅයිඞීයට දැනුම් දී තිබුණු අතර ඇත්තටම ප‍්‍රකාශය සටහන් කරගෙන තිබුණේ මැයි 25 වැනිදාය. ඇගේ පැමිණිල්ලෙහි කියා තිබුණේද 2010 සිට තමන්ට දරුවන් නැති බවය.

අටවැනි ප‍්‍රකාශය දුන් අතපත්තු මුදියන්සේලාගේ ගංගානි දේවිකා කියා තිබුණේ ඇයට 2009 සිට දරුවන් නැති බවය. ඒ ප‍්‍රකාශයත් 24 වැනිදා සටහන් කරගත් බව සීඅයිඞීයට බොරු කියා තිබුණි. පැමිණිල්ල මැයි 25 වැනිදා දහවල් 1.30ට සටහන් කරගෙන තිබුණි.

නවවැනි ප‍්‍රකාශය කන්දෙගෙදර රාළලාගේ චතුරිකා දීපානි බණ්ඩාර ලබාදුන් එකකි. තමන්ට එල්ආර්ටී සැත්කමක් සිදුකර ඇති බවත්, ඒ සැත්කමට තමන් එදින කැමැත්තක් දුන්නාද නැද්ද යන්න මතක නැති බවත් එහි සඳහන්ව තිබී ඇත. ඒ පැමිණිල්ල මැයි 25 වැනිදා දහවල් 12.30ට සටහන් කරගත් බව සීඅයිඞීයට කුරූණෑගල පොලිස් අධිකාරීවරයා එවූ වාර්තාවෙහි සඳහන් කර තිබී ඇත. එම කරුණ සීඅයිඞීයෙන් කළ පරීක්ෂාවෙන්ද තහවුරු වී ඇත.
කෙසේ වෙතත් ඒ සැත්කම ගැන සීඅයිඞීය වැඩිදුර කරුණු සොයාගෙන ඇත. එම සැත්කම මීට අවුරුදු 9 කට පෙර සිදු වු එකකි. එම සැත්කම සම්බන්දයෙන් කිත්සිරි විජේකුමාර නම් වෛද්‍යවරයා ප‍්‍රකාශයක් ලබා දී ඇත. ඔහු පවසා ඇත්තේ තමන් සහය වෛද්‍යවරයෙකු ලෙස අදාල ශල්‍යකර්මයට සහභාගී වු බවත් ඇගේ ගර්භාෂය වටා විශාල ප‍්‍රමානයේ ගෙඩි තුනක් තිබු බවය.එම නිසා ටී ආකාරයේ කැපුමක් සිදු කර දරුවා තට්ටමෙන් චලනය කර ඇති බවත් , එයට හේතුව දරුවාගේ හිස ප‍්‍රදේශය ගර්භාෂයේ යට කොටසේ හිරවී තිබුණු නිසා බවත් ඔහු කියා ඇත. යළිත් දරු පිළිසිඳ ගැනීමක් සිදුවුවහෝත් මවගේ ජිවීතයට අවදානමක් ඇති බැවින් එල්. ආර්.ටී සැත්කමක් සිදු කළ බවත් එම වෛද්‍යවරයා කියා තිබේ.

දහවැනි ප‍්‍රකාශය සෙනරත් පතිරණගේ අනුරුද්ධ තිස්ස විජේසිරි යන අයගෙන්ය. බිරිඳ ආහාරය ගෙන පැය භාගයකින් පසු සිසේරියන් සැත්කම් සිදුකළ බව ඒ පැමිණිල්ලේ සඳහන් තිබී ඇත. ඒ පැමිණිල්ලත් මැයි 25 වැනිදා ලබාගත් එකක් බව සීඅයිඞීයට එවූ වාර්තාවෙහි සඳහන්ව තිබී ඇත. සීඅයිඞීයෙන්ද එම කරුණ තහවුරු කරගෙන තිබේ.

සීඅයිඞීය අධිකරණය ඉදිරියේ කරුණු දක්වමින් කියා ඇත්තේ වෛද්‍ය සාෆිව අත්අඩංගුවට ගැනීමට පෙර සටහන් කර ඇති බවට මූලිකව විශ්වාස කළ හැක්කේ එක් පැමිණිල්ලක් පමණක් බවයි. ඉතිරි පැමිණිලි නවයම සාෆි අත්අඩංගුවට ගැනීමෙන් පසු සටහන් කරගෙන ඇති බව ඔවුන් නිරීක්ෂණය කරයි. ඒ අනුව වෛද්‍ය සාෆිව අත්අඩංගුවට ගැනීමෙන් පසුව ඔහුගේ වැරදි සොයා ඇති බව පැහැදිළිය. වෛද්‍ය සාෆිව අත්අඩංගුවට ගත්තේ කාගේ හෝ බලපෑමෙන් බවද පැහැදිළි කාරණයකි. කූඨ ලේඛණ සකස් කිරීම බරපතල වරදකි. සීඅයිඞීය පැහැදිළිවම සිය වාර්තාවෙන් කුරුණෑගල පොලීසිය කූඨ ලේඛණ සකස් කර ඇති බව පෙන්වාදෙයි.

ප‍්‍රමාණවත්ද?

ඒ අනුව ත‍්‍රස්තවාදය වැළැක්වීමේ පනත යටතේ වෛද්‍ය සාෆිට බරපතල චෝදනා එල්ලකළත්, ඒ චෝදනා එල්ලකළ ඇත්තේ නිසි විමර්ශනයක් නැතිව බව සීඅයිඞීය පැහැදිළිව හෙළිදරව් කරගෙන තිබේ. ඉන් පසුවද, මේ මොහොත වනතෙක්ම වෛද්‍ය සාෆිට එල්ලකළ ඉහත පළවැනි චෝදනාව ඔප්පු කරන්නට තරම් සාක්ෂියක් හමුවී නැත. වෛද්‍ය සාෆිට තිබුණු රඳවා තබාගැනීමේ නියෝගය ඉවත් කළේද ඒ අනුවය. වෛද්‍යවරයාව කුරුණෑගල මහේස්ත‍්‍රාත් අධිකරණයෙන් නිදහස් කරනු ඇතැයි අසාධාරණයට පත් වෛද්‍ය සාෆිගේ පවුලේ උදවිය බලාපොරොත්තු වුණේද ඒ අනුවය. කෙසේ වෙතත් කරුණු සිදුවන්නේ ඒ ආකාරයට නොවේ. x

සබැඳි පුවත් : https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/

https://news.gettopten.com/%e0%b7%83%e0%b7%8f%e0%b7%86%e0%b7%92-%e0%b6%85%e0%b6%ad%e0%b7%8a%e0%b6%85%e0%b6%a9%e0%b6%82%e0%b6%9c%e0%b7%94%e0%b7%80%e0%b6%a7-%e0%b6%9c%e0%b6%ad%e0%b7%8a%e0%b6%ad%e0%b7%9a-%e0%b6%b8%e0%b7%99/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92%e0%b6%9c%e0%b7%9a-%e0%b6%af%e0%b7%9a%e0%b6%b4%e0%b7%85/ https://news.gettopten.com/%e0%b6%85%e0%b6%b0%e0%b7%92%e0%b6%9a%e0%b6%bb%e0%b6%ab-%e0%b6%9a%e0%b7%9c%e0%b6%b8%e0%b7%92%e0%b7%83%e0%b6%b8%e0%b7%99%e0%b6%b1%e0%b7%8a-%e0%b6%b8%e0%b7%84%e0%b7%9a%e0%b7%83%e0%b7%8a%e0%b6%ad%e2%80%8d/ https://news.gettopten.com/%e0%b6%b4%e0%b6%bb%e0%b7%93%e0%b6%9a%e0%b7%8a%e0%b7%82%e0%b6%ab-%e0%b6%b1%e0%b7%80%e0%b6%ad%e0%b7%8a%e0%b7%80%e0%b6%b1%e0%b7%8a%e0%b6%b1-%e0%b6%85%e0%b6%b8%e0%b7%8a%e0%b6%b8%e0%b6%bd%e0%b7%8f/ https://news.gettopten.com/%e0%b7%80%e0%b7%9b%e0%b6%af%e0%b7%8a%e2%80%8d%e0%b6%ba-%e0%b7%83%e0%b7%8f%e0%b7%86%e0%b7%92-%e0%b6%bb%e0%b7%90%e0%b7%94%e0%b6%b3%e0%b7%80%e0%b7%94%e0%b6%b8%e0%b7%8a-%e0%b6%b1%e0%b7%92%e0%b6%ba/ https://news.gettopten.com/tag/%E0%B7%80%E0%B7%9B%E0%B6%AF%E0%B7%8A%E2%80%8D%E0%B6%BA-%E0%B7%83%E0%B7%8F%E0%B7%86%E0%B7%92/