මහින්දානන්ද අලූත්ගමගේ
ඒකාබද්ධ විපක්ෂ පාර්ලිමේන්තු මන්ත්රී
ගෝඨාභය රාජපක්ෂව ජනාධිපතිවරණ අපේක්ෂකයා බවට ස්ථීර කරගෙන හිටපු ඔබලාට, මහින්ද රාජපක්ෂ මහත්තයා අපේක්ෂකයෙක්ව තෝරාගන්නා තෙක් බලාගෙන ඉන්න සිද්ධවෙලා නේද?
ජනාධිපතිවරණය නොවැම්බර් මාසයේදී පවත්වන්න ඕනෑනේ. ඉතින් අපි අපේක්ෂකයෙක්ව ඉදිරිපත් කරන්න ඕනෑ. නොවැම්බර් අග හෝ දෙසැම්බර් මුල ඡුන්දය තියන්න නම් අපි සැප්තැම්බර්වලදී නාමයෝජනා බාරදෙන්න ඕනෑ. තව මාස කිහිපයයිනේ තියෙන්නේ. අපේක්ෂකයාව තීන්දු කරන්න කාලය හරි. අපි ජනාධිපතිවරණයට මාසයක්වත් තියලා අපේක්ෂකයෙක්ව නම් කරන්න එපැයි. ඒක උත්සවාකාරයෙන් කරන්නත් එපැයි. ඒ නිසා තමයි අගෝස්තු 11 වැනිදා අපේක්ෂකයාව ප‍්‍රකාශයට පත්කරන දිනය විදියට අපි තෝරගත්තේ. මෙවැනි දේවල් කරන ක‍්‍රමවේදයක් තියෙනවානේ. 2015 ජනාධිපතිවරණයට කලිනුත් සාම්ප‍්‍රදායිකව පක්ෂය ඇතුලේ මහින්ද රාජපක්ෂ මහතාගේ නම යෝජනා කරලා අනුමත කරලා තමයි ඉදිරිපත් කළේ. ඒත් ඊට කලින් ඉඳන්ම අපේක්ෂකයා ගැන අපි දැනගෙන හිටියානේ. බයවෙන්න දෙයක් නැහැ. ගෝඨාභය තමයි අපේක්ෂකයා.
ඔය අදහසට ඒකාබද්ධ විපක්ෂයේ හැමෝම එකඟ නැහැ නේද?
අපි පහුගිය කාලයක් තිස්සේ අපේක්ෂකයෙක්ව තෝරාගෙන ඔහු වෙනුවෙන් ප‍්‍රවර්ධන කටයුතු කළානේ. ගෝඨාභය රාජපක්ෂ. ඔහු තමයි අපේ පොදු අපේක්ෂකයා. ඒ සම්බන්ධයෙන් කිසිදු සැකයක් අපේ කණ්ඩායම ඇතුලේ නැහැ. අපි වෙන කෙනෙකුගේ නමක් වෙනුවෙන් කැම්පේන් කරලාත් නැහැනේ. ඒ නිසා පැහැදිළිවම 11 වැනිදා මහින්ද රාජපක්ෂ මහත්තයා ගෝඨාභය රාජපක්ෂව ජනාධිපතිවරණ අපේක්ෂකයා විදියට නම් කරාවි. ඔහු අපේ සියලූ පක්ෂවල පොදු අපේක්ෂකයා හැටියට ඉදිරිපත් වේවි. ඒකට සියලූ පක්ෂ එකඟයි.
එතකොට අපේක්ෂකත්වයට සුදුස පස් දෙනෙකුගේ නම් යෝජනා කරලා තියෙන්නේ ඇයි?
නැහැ නැහැ. ඒ විහිළුවට. එහෙම වෙනත් අපේක්ෂකයෝ නැහැ. ඔය නම් කීවේ විහිළුවට. එදා පක්ෂ නායක රැුස්වීමේදී විහිළුවට අපේක්ෂකයෝ පස්දෙනෙකුගේ නම් කියලා තිබුණා. වෙල්ගමත් ඒ අතරේ ඉන්නවානේ. ගෝඨාභය රාජපක්ෂ මහතා හැරුණාම වෙන කාගේවත් නම යෝජනා කරලා නැහැ.
එහෙත් ගෝඨාභය රාජපක්ෂගේ පුරවැසිභාවය ගැන ප‍්‍රශ්නයක් තියෙනවා නේද?
ඕක යූඇන්පීයට තියෙන ප‍්‍රශ්නයක්නේ. අපට නම් එහෙම කිසිම ප‍්‍රශ්නයක් නැහැ. ගෝඨාභය රාජපක්ෂ මහතාට අපේ‍්‍රල් මාසයේදී ඇමෙරිකානු ආණ්ඩුවෙන් ඇමෙරිකානු පුරවැසිභාවය ඉවත් කරගත් බව ලිඛිතව දැනුම්දීලා තියෙනවා. එතුමා පහුගිය දවස්වල සිංගප්පූරුවට ගිහිල්ලා ආවේත් ලංකාවේ ගුවන් බලපත‍්‍රයකින්. ඒ ගැන කිසිම ගැටලූවක් නැහැ.
ඇමෙරිකන් පුරවැසියෙක් තම පුරවැසිභාවය අයින් කරගන්න බව දන්වලා ලියකියවිලි බාරදුන්නාම ගුවන් බලපත‍්‍රය ඇමෙරිකන් රජයෙන් ගන්න බව ඇත්ත. එහෙත් සම්පූර්ණයෙන් පුරවැසිභාවයෙන් ඉවත් කිරීම දීර්ඝ ක‍්‍රියාවලියක් නේද?
මේවාට අදාල දින වකවානු ගැන මම කියන්න ලෑස්ති නැහැ. ලියකියවිලි ගැන කියන්නත් ඕනෑ නැහැ. ඒවා කියන්න ඕනෑත් නැහැනේ. ජනාධිපතිවරණය ආවාම මැතිවරණ කොමිෂන් එකෙන් අපේක්ෂකත්වය ගන්නට අවශ්‍ය නිත්‍යානුකූල පසුබිම තිබුණාම හරිනේ. ඒවා ගැන සැක තියාගන්න එපා.
මීට කලින් ඔබේ කණ්ඩායමේ අය නිල වශයෙන් කීවේ තමන් ශ‍්‍රීලනිප සාමාජිකයන් කියලයි. ඒ මන්ත‍්‍රීධූර නැතිවීමේ අවදානම නිසා. දැන් ඔබේ කණ්ඩායම ඉන්නේ පොහොට්ටුවේද?
ඒක පැහැදිළියි. අපි දැනටමත් පොහොට්ටුව එක්ක තමයි කටයුතු කරමින් ඉන්නේ. අපි ඉන්නේ ඒ කණ්ඩායමේ.
ඒ අනුව එජනිස මහලේකම්ට ඔබේ කණ්ඩායමේ මන්ත‍්‍රීධූර අහෝසි කරන්න පුලූවන් නේද?
නැහැ. අපි ඊළඟ ජනාධිපතිවරණයට ශ‍්‍රීලනිපය එක්කත් කටයුතු කරනවා. ඒ නිසා අපි ශ‍්‍රීලනිපය එක්කත් ඉන්නවා. අපි හැමෝම එක කඳවුරක ඉන්න කණ්ඩායම්. අපව වෙන් කරන්නට හේතු හොයන්න ඕනෑ නැහැ.
ඔබ එසේ කීවත්, ඔබේ කණ්ඩායමේ සමහරු ශ‍්‍රීලනිපය එක්ක එකතුවෙනවාට කැමති නැහැ නේද?
කිහිපදෙනෙක් ඔයවගේ කරුණු මතු කරනවා. ඒත් අපි ඒ වගේ කතාකරන්න ඕනෑ නැහැ. අපි මේ වෙලාවේ කල්පනා කරන්නේ ඡුන්දය දිනන හැටි. අපට පොල් ලෙල්ලත් ඡුන්දයට වැදගත්. ඒ නිසා අපි අනිවාර්යයෙන්ම ශ‍්‍රීලනිපයත් ශ‍්‍රීලපොපෙත් එකතු වෙන්න ඕනෑ. එකට ඡුන්දයට යන්න ඕනෑ. අපි එක කඳවුරක් ලෙස කටයුතු කරලා යූඇන්පීය පරදවන්න ඕනෑ.
ඒත් ඔවුන් කියන්නේ ශ‍්‍රීලනිපය එක්ක එකතුවුණොත් පොහොට්ටුවට තියෙන ඡුන්දත් නැතිවේවි කියලයි…
මෙහෙමයි, ශ‍්‍රීලනිපය වෙනම අපේක්ෂකයෙක් ඉදිරිපත් කළොත් ඒක ප‍්‍රශ්නයක්. ඒක අවාසියක් වෙන්න පුලූවන්. ශ‍්‍රීලනිපය ඉදිරිපත් කරන අපේක්ෂකයෙකුට අපි සහයෝගය දක්වනවා කියන්නේත් කරන්න අසීරු දෙයක්. ඒකෙනුත් ඡුන්දය දිනන්න අවස්ථාව අඩුයි. ඒක ගැන තමයි ඔය කියනවා ඇත්තේ. ශ‍්‍රීලනිපයේ අපේක්ෂකයෙක්ට අපි සහාය දුන් පළියට දිනන්න මේ වෙලාවේ ප‍්‍රායෝගිකව අමාරුයි. ඒ නිසා අපේ අපේක්ෂකයා වන ගෝඨාභය රාජපක්ෂ සමඟ ශ‍්‍රීලනිපයත් එකතු වුණොත් සැක නැතිවම ඡුන්දය දිනන්න පුලූවන්. අපිත් එක්ක පක්ෂ ගණනාවක් ඉන්නවානේ. අපි පොදු කඳවුරක් විදියට කටයුතු කරන්න ඕනෑ.
පළාත් සභා ඡුන්දය ජනාධිපතිවරණයට කලින් පැවැත්වීමේ ඉඩක් ගැනත් කතාවෙනවා නේද?
ඒක වෙන්නේ නැහැ. ඔය ගැන කතාකරලාත් වැඩක් නැහැ. පළාත් සභා ඡුන්දය කල් දාලා දැන් බොරුවට ඒ ගැන කතාකරලා වැඩක් නැහැනේ. දැන් ජනාධිපතිවරණයට කාලය ඇවිත්. අපි බලාපොරොත්තු වෙන්නේ ජනාධිපතිවරණයක්. රටේ මිනිස්සු බලාපොරොත්තු වෙන්නේත් ජනාධිපතිවරණයක්.
පොදුජන පෙරමුණට දෙමළ, මුස්ලිම් ඡුන්ද ලබාගැනීමට අසීරු වීම ජනාධිපතිවරණයකදී අවාසියක් ලෙස දකිනවාද?
අපි ඉදිරිපත් කරන්නේ පොදු අපේක්ෂකයෙක්වනේ. අපිත් එක්ක සන්ධානගත වෙලා ඉන්න දෙමළ, මුස්ලිම් පක්ෂ තියෙනවා. අපි වටේටත් විශාල දෙමළ, මුස්ලිම් සහෝදර ජනතාවක් ඉන්නවා. ඒ නිසා ඔය ගණිත සූත‍්‍ර වලින් වැඩක් වෙන්නේ නැහැ.
එහෙත් ගෝඨාභය රාජපක්ෂ පුද්ගලයෙකු විදියට දෙමළ, මුස්ලිම් ජනතාව අතර ආදරය දිනාගෙන නැහැ නේද?
ඇයි බැරිවෙන්නේ. රටේ මිනිස්සුන්ට මේ වෙලාවේ අංක එකට අවශ්‍ය වෙලා තියෙන්නේ මොනවද. ඔවුන්ට ඕනෑ ජාතික ආරක්ෂාව. මේ වෙලාවේ ලොකුම ප‍්‍රශ්නය ඒක. ඒක විසඳන්න පුලූවන් කෙනෙක්ට තමයි මිනිස්සු ඡුන්දය දෙන්නේ. ඊළඟට මිනිස්සුන්ට ඕනෑ රටේ තියෙන ප‍්‍රශ්න ටික විසඳන්න පුලූවන් නායකයෙක්. හොරකම් නොකරන, විනයගරුකව වැඩ කරන නායකයෙක් තමයි ඕනෑ. අපි හිතන විදියට ඒකට ගෝඨාභය තරම් සුදුස්සෙක් නැහැ. ඒ වර්ගයේ කෙනෙක් අනෙක් පැත්තේ ඉන්නවාද.
ඔබ එසේ කීවත්, ගෝඨාභය රාජපක්ෂ මහතාට එරෙහිව දැනටමත් ¥ෂණ නඩුවක් විභාග වෙනවා නේද?
ඕවා පරණ උපක‍්‍රමනේ. මුල ඉඳන්ම ගෝඨාභයට නඩු දැම්මා. ඊට පස්සේ ගෝඨාභය ළඟ ඉන්න අයට නඩු දැම්මා. මටත් දැම්මානේ. ඒ දේශපාලන නඩුවලින් අපව නවත්වන්න බැහැ. අපි නඩුවලට බයත් නැහැ. මොන නඩුව දැම්මත්, මොනවා කළත් අපි ගෝඨාභය රාජපක්ෂව ඡුන්දයට ඉදිරිපත් කරනවා. ඔය බොරු චෝදනා ජනතාව විශ්වාස කරන්නේත් නැහැ.
ඉදිරියේදී ඔබේ කණ්ඩායමේ මැතිවරණ ව්‍යාපාරය සිද්ධවෙන්නේ කොහොමද?
අපි මැතිවරණ ව්‍යාපාරය ලෑස්ති කරලයි තියෙන්නේ. සැලසුම් හදලා තියෙනවා. ඒ ගැන ලංකාවට ආපු ගෝඨාභය රාජපක්ෂ මහතා එක්ක සාකච්ඡුා කරනවා. ඊළඟට අපි කරන්නේ අපේ සන්ධානයේ සියළු පක්ෂ එකතුවෙලා කමිටුවක් හදන එකයි. අගෝස්තු 11 වැනිදායින් ආරම්භ වෙන්නේ ඒ මැතිවරණ ව්‍යාපාරය තමයි.
