ජනතා විමුක්ති පෙරමුණ ඉදිරි ජනාධිපතිවරණයේදී සිය පක්ෂයෙන් අපේක්ෂකයෙකු ඉදිරිපත් නොකර, පක්ෂයට පිටින් සිවිල් සමාජය නියෝජනය කරන පොදු අපේක්ෂකයෙකු ඉදිරිපත් කිරීමට සැලසුම් කර ඇතැයි ජවිපෙ ආරංචිමාර්ග පවසයි.
ඒ අනුව මීළඟ ජනාධිපතිවරණයට ඉදිරිපත් කිරීමට සුදුසු ජනප්රිය, සිවිල් චරිතයක් පිළිබඳ ජවිපෙ හා ජවිපෙ සමඟ සමීපව කටයුතු කරන සිවිල් ක්රියාකාරිකයන් සාකච්ඡුා කරමින් සිටින බවද වාර්තා වෙයි. බලාපොරොත්තු වූ ආකාරයේ පුද්ගලයෙකු ජවිපෙ අපේක්ෂකයා ලෙස ඉදිරිපත් වීමට කැමැත්ත පළ කළහොත් එම අපේක්ෂකයා ඉදිරිපත් කරන බවත්, එවැනි පුද්ගලයෙකු සොයාගත නොහැකි වුවහොත් පමණක් ජවිපෙ සාමාජිකයෙකු අපේක්ෂකත්වයට ඉදිරිපත් කරන බවත් එම ආරංචිමාර්ග පැවසීය.
අපේක්ෂකයා ලෙස කවුරු ඉදිරිපත් වුවත් එම අපේක්ෂකයා ජනතා විමුක්ති පෙරමුණු නාමයෙන් නොව, පොදු සන්ධාන නාමයකින් පොදු අපේක්ෂකයෙකු ලෙස ඉදිරිපත් කිරීමට බලාපොරොත්තු වන බවද දැනගන්නට තිබේ.
අනිද්දා සමග සම්මුඛ සාකච්ඡුාවකදී මේ පිළිබඳව අදහස් දක්වමින් ජවිපෙ පාර්ලිමේන්තු මන්ත්රී බිමල් රත්නායක ප්රකාශ කළේ ජුලි 14 වැනිදා තම පක්ෂය හා පක්ෂය සමග කටයුතු කරන සිවිල් සංවිධාන ඒකාබද්ධ වී මහජන මධ්යස්ථානයක් පිහිටුවන බවත් එම මධ්යස්ථානයෙන් ජනාධිපතිවරණ අපේක්ෂකයා කවුදැයි තීන්දු කරනු ඇති බවත්ය. ජවිපෙ තනිවම නොව, එම මධ්යස්ථානය නියෝජනය කරමින්, ඉදිරි මැතිවරණවලදී කටයුතු කරන බවද වැඩිදුරටත් ඔහු කීය.
