ඉතා සුළු ණයක් හෝ බැංකුවකින් ගැනීමට යෑමේදී සාමාන්‍ය පුද්ගලයෙකුට ජයගන්නට සිදුවන බාධක මෙතෙකැයි කිව නොහැකිය. බැංකු ණයකදී සාමාන්‍ය පුද්ගලයෙකුට මුහුණදෙන්නට සිදුවන දුෂ්කරතාවය සුලූපටු නැත.
ණය සඳහා ඇප යන්න ජයගත යුතු ප‍්‍රධාන බාධකයකි. දේපළ ඇපයක් නම් ලබාගන්නා ණයට වඩා වැඩි වටිනාකමක් එම දේපළට තිබිය යුතුය. පුද්ගලයා සම්බන්ධයෙන් හා පුද්ගල ඇප සම්බන්ධයෙන් පැනනඟින ගැටලූව ඊට අතිරේකවය. ණය ඉල්ලූම් කරන්නන්ගේ නම ක‍්‍රිබ් හෙවත් ණය තොරතුරු කාර්යාංශයේ සටහන් වී තිබුණහොත් ණය නම් ලබෙන්නේම නැත. ඇපකරුවන්ගේ නම් සම්බන්ධයෙන්ද තත්වය එසේමය. ඉන් නම ඉවත්වන තෙක් ඇපකරුවන් වලංගු නැත.
අදාල ණය ඉල්ලූම්කරුගේ හෝ ඇපකරුගේ නම ණය තොරතුරු කාර්යාංශයේ සටහන් වී ඇත්තේ ණයක් හෝ ඇපයක් සම්බන්ධ වගකීම අවසන් වීමෙන් පසු වුවද බැංකුවට එය අදාල නැත. නුසුදුසුකමට එය හේතුවේ. බොහෝවිට ණය තොරතුරු කාර්යාංශයේ ලේඛනවල අතීත තොරතුරු හරහට හිටී. නමුදු ඉහත කී ලෙසම ඒ සාමාන්‍ය පුද්ගලයන් සම්බන්ධයෙන් පමණය.
සුවිශේෂී පුද්ගලයන්ට හෙවත් ඉහළම පුද්ගලයන්ට මේ බාධා කිසිවක් නැත. රට වටේ කොහෙන් ණය රැුගෙන තිබුණත් ඔවුන්ට තව තව ණය ලැබේ. එහිදී ණය තොරතුරු කාර්යාංශ ලේඛණ අදාල වන්නේ නැත. දේපල ඇප පිළිබඳ කාරණයද අදාල වන්නේ නැත.
මේ කියන්නට යන්නේද එවැනි කතාවක් පිළිබඳවය. මේ කතාවේ හඳුනාගත හැකි සුවිශේෂී කරුණු දෙකක් තිබේ. එකක් දේපළ ඇපයයි. අනෙක දේශපාලන සබඳතාවයයි.
දයා කන්ස්ට‍්‍රක්ෂන් කී විට සමහරුන් එය දන්නවාට සැක නැත. අමාත්‍ය දයා ගමගේ හා නියෝජ්‍ය අමාත්‍ය අනෝමා ගමගේ සතු දයා සමූහයේ එක් ප‍්‍රධානතම සමාගමක් වන්නේ දයා කන්ස්ට‍්‍රක්ෂන් ප‍්‍රයිවෙට් ලිමිටඞ්ය. නමුදු දැන් එය ඒ නමින් හඳුන්වන්නේ නැත. දැන් එහි නම ඔලිම්පස් කන්ස්ට‍්‍රක්ෂන් ප‍්‍රයිවට් ලිමිටඞ්ය.
සමාගම් ලියාපදිංචි කිරීමේ දෙපාර්තමේන්තුවේ ඇති ලියවිලි අනුව එම නම් වෙනස්වීම සිදුවන්නේ 2013 වර්ෂයේ දෙසැම්බර් 17 වැනිදාය.
මෙම සමාගමේ වත්මන් කොටස් හිමිකාරීත්වය නිල වශයෙන් ඇත්තේ දයා ගමගේ හා අනෝමා ගමගේ අමාත්‍යවරුන්ගේ පුත් වන චමින්ද්‍ර කිලූට්ටුවව ගමගේ හා දියණිය වන ප‍්‍රමෝද්‍යා මංජරී කිලූට්ටුව ගමගේටය. ඒ 2016.06.20 දින සිදුකර ඇති අවසන් යාවත්කාලීන කිරීම අනුවය. 2018.11.21 දින සිදුකරන වෙනස්කිරීම් අනුව එහි අධ්‍යක්ෂ මණ්ඩලය වන්නේ චාමින්ද කිලූට්ටුව ගමගේ, ප‍්‍රමෝද්‍යා මංජරී කිලූට්ටුව ගමගේ හා අශෝක හේමචන්ද්‍රය.
දයා කන්ස්ට‍්‍රක්ෂන් ආරම්භ කරන්නේ 1989 වර්ෂයේදීය. එහි ආරම්භක අධ්‍යක්ෂවරුන් වන්නේ දයා ගමගේ හා අනෝමා ගමගේය. පසුව ඔවුන් දෙදෙනා අධ්‍යක්ෂධූරවලින් ඉවත් වන්නේ පාර්ලිමේන්තු මන්ත්රීවරුන් වීම නිසා රජය සමඟ එම සමාගම ගණුදෙනු කිරීමේදී එය වැරැුද්දක් වීම සැලකිල්ලට ගෙන විය යුතුය. එහෙත් දයා සමූහයට හා ඔවුන්ගේ දරුවන්ට එහි ඇති කොටස් අයිතිය ඉවත් වන්නේ නැත. ගෝඨාභය රාජපක්ෂ නාගරික සංවර්ධන අධිකාරිය අයත් අමාත්‍යාංශයේ ලේකම්වරයාව සිටින කාලයේ කොළඹ පදික වේදිකාවල ලොක්ගල් ඇල්ලීමේ කොන්ත‍්‍රාත්තු මේ ඉදිකිරීම් සමාගම සිදුකළේය.
දයා ගමගේ හා අනෝමා ගමගේ ඔලිම්පස් කන්ස්ට‍්‍රක්ෂන්හි අධ්‍යක්ෂ ධූරවලින් ඉවත්වූවාට පසුව හෝ කොටස් අයිතියෙන් ඉවත් වූවාට ¥දරුවන් නිසා හා දයා සමූහය නිසා ඔවුන්ට එය ඇති සම්බන්ධය නැති වන්නේ නැත. ඔලිම්පස් කන්ස්ට‍්‍රක්ෂන් යනු දයා සමූහයේ ඇති එක් සමාගමකි. දයා සමූහයේ වෙබ් අඩවිය නිරීක්ෂණය කළවිට එහි ප‍්‍රධාන විධායක නිලධාරීන් දෙදෙනා වශයෙන් අදද සඳහන් වන්නේ දයා ගමගේ හා අනෝමා ගමගේ යන අමාත්‍යවරුන්ය.
යළි කිව යුතු මූලික කතාවට පැමිණියහොත් මේ දයා කන්ස්ට‍්‍රක්ෂන් හෙවත් ඔලිම්පස් කන්ස්ට‍්‍රක්ෂන් ප‍්‍රයිවට් ලිමිටඞ් සමාගම රුපියල් මිලියන 350ක ණයක් එච්ඞීඑෆ්සී හෙවත් නිවාස සංවර්ධන මූල්‍ය සංස්ථා බැංකුවෙන් ඉල්ලූම් කර ඇත. එම බැංකුව රාජ්‍ය බැංකුවකි. දැන් එම බැංකුව තිබෙන්නේ එජාප නියෝජ්‍ය නායක සජිත් පේ‍්‍රමදාසට අයත් නිවාස, ඉදිකිරීම් හා සංස්කෘතික කටයුතු අමාත්‍යාංශය යටතේය.
දයා ගමගේ ප‍්‍රාථමික කර්මාන්ත හා සමාජ සවිබල ගැන්වීමේ ඇමතිය. අනෝමා ගමගේ ඛණිජ සම්පත් සංවර්ධන නියෝජ්‍ය ඇමතිය. මෙය ආණ්ඩුව හොබවන පාලක පක්ෂයේ අමාත්‍යවරුන්ට සම්බන්ධ සමාගමක් ආණ්ඩුවේ බැංකුවකින් ණයක් ගැනීමකි. එය බැඳියාවන් අතර ගැටුමක් බවට කිසිදු සැකයක් නැත.
අනෙක් කරුණ වන්නේ මෙම ණය මුදල සඳහා තැබීමට යන ඇපයය. එය අලව්ව කැකුළවෙල වත්ත නමැති ඉඩමකි. අක්කර 28ක් පමණ වූ එම ඉඩම මෙම ණය ගණුදෙනුව සඳහා තක්සේරු කිරිමේදී ලැබී ඇති වටිනාකම වන්නේ රුපියල් මිලියන 79කි. රුපියල් මිලියන 350ක ණය මුදල ලබාගැනීමට යන්නේ රුපියල් මිලියන 79ක දේපළක් ඇපයට තබාය. පුද්ගලික ඇපකරුවන් දෙදෙනා වන්නේ දයා හා අනෝමා ගමගේ අමාත්‍යවරුන්ගේ පුතා වන චමින්ද්‍ර ගමගේ හා දුව වන මංජරී ගමගේය.
ඉහත විග‍්‍රහ කළ ලෙසටම සාමාන්‍ය පුද්ගලයෙකුට නම් මේ ආකාරයට ණය ලැබෙන්නේ නැති බව අමුතුවෙන් කිව යුතු නැත.
ඔලිම්පස් ක්න්ස්ට‍්‍රක්ෂන්ට ණය තොරතුරු කාර්යාංශයේ හොඳ වාර්තාවක්ද නැති බව පෙනී යයි. සමාගම් මැදුරේ ඇති එම සමාගමට අයත් ලිපිගොනුව පිරික්සන විට පෙනී යන්නේ රාජ්‍ය හා පෞද්ගලික අංශයේ සෑම ප‍්‍රධාන බැංකුවකින්ම පාහේ එම සමාගම ණය පහසුකම් ලබාගෙන ඇති බවයි. එය පිරී ඇත්තේ බැංකු සමඟ ඇති කරගත් ණය ගිවිසුම්වලින්ය.
මේ ණය මුදල තවම නිකුත් කර නැති බව එච්ඞීඑෆ්සී බැංකුවේ සභාපති ආර්.එච්. නීවක්කල මහතා අප කළ විමසීමේදී පැවසීය. ඔහු පවසන්නේ එම ණය ඉල්ලූම සලකා බලමින් පවතින බවය. රුපියල් මිලියන 50ක මුදලක් නිකුත් කර තිබෙන්නේදැයි කළ විමසීමේදී බැංකුවේ සභාපතිවරයා පවසන්නේ එය මෙම ණය ඉල්ලූමට සම්බන්ධ එකක් නොවන බවය. එය එම සමාගමේ ස්ථීර තැන්පතුවක් මත ලබාදුන් ණයක් බවය.
එහෙත් එච්ඞීඑෆ්සී බැංකුවේ අපගේ ආරංචිමාර්ග තහවුරු කරන්නේ ඔලිම්පස් කන්ස්ට‍්‍රක්ෂන් ස්ථීර තැන්පතුවක් අනුව නොව බිම්පුත් ෆිනෑන්ස් ස්ථීර තැන්පතුවක් අනුව එම ණය පහසුකම ලබාදී ඇති බවය. ( බිම්පුත් ෆිනෑන්ස් යනුද දයා සමූහයට අයත් සමාගමකි. *
ඔලිම්පස් කන්ස්ට‍්‍රක්ෂන්
ණය සලකා බැලීම කිනම් තීරණයකින් අවසන් වේදැයි අප බලා සිටිමු.
