ගෝඨාභය රාජපක්‍ෂ යම් හෙයකින් රටේ ජනාධිපති වුණොත් ලංකාව කෙබඳු රටක් බවට පත්වේද යන්න දැන් තබාම කිව හැකිය. ඒ ගෝඨාභය වටා එක්රොක්වී සිටින, එක්රොක් වන පිරිවර ගැන සලකා බැලීමෙනි.
ඊයේ පෙරේදා මාධ්‍ය සාකච්ඡුාවකදී බෙංගමුවේ නාලක, ඕමාරේ කස්සප වැනි අන්ත ජාතිවාදී භික්‍ෂූන් සමග එකට වාඩිවී අදහස් දැක්වූ මහාචාර්ය නලින් ද සිල්වා කිව්වේ, ලංකාව සිංහල බෞද්ධ රාජ්‍යයක් බවට පත්කිරීමේ හැකියාව ඇති එකම තැනැත්තා ගෝඨාභය බවයි. සුළු ජාතික ඡුන්ද පස්සේ යන මහින්ද හෝ බැසිල් රාජපක්‍ෂට එවැන්නක් කළ නොහැකි බව කී නලින් ද සිල්වා ලංකාව යළිත් සිංහල බෞද්ධ රාජ්‍යයක් බවට පත්කිරීම ගෝඨාභයගේ වගකීම බවත් කිවේය.
දැන් පැහැදිලිය. නලින් ද සිල්වා ගෝඨාභයගෙන් ඉල්ලන්නේ සිංහල බෞද්ධ රාජ්‍යයකි. ඒ රාජ්‍ය පාලනයේදී දෙමළ, මුස්ලිම් මිනිසුන්ට ඉඩක් නැත. පසුගියදා මාධ්‍ය හමුවකට එකතුවුණු ගෝඨාභය පිලේ උදය ගම්මන්පිලද කීවේ, මුස්ලිම් ළමා ජනගහනය වැඩිවෙමින් පවතින බවත් නුදුරු අනාගතයේදී එය සිංහල ළමා ජනගහනය ඉක්මවා යන බවත්ය. මේ විදියට සිංහල බෞද්ධ අන්තවාදීන් ගෝඨාභය වටා රොදබඳිමින් සිටින විට, ගෝඨාභය වැඩි ඇසුරක් පවත්වන්නේ හිටපු මිලිටරි නායකයන් සමඟය. සිතන්නේ මිලිටරි මනසකින්ය. වැඩ කරන්නේ අත්තනෝමතිකවය. අධිකාරී මනසකින් යුතුවය.
ඉතින් අන්තවාදී, මිලිටරිවාදී, අධිකාරිවාදී සහ සිංහල බෞද්ධ පාලනයක් මිස, ගෝඨාභය වැන්නකු ගෙන් තවත් බලාපොරොත්තු විය හැක්කේ කුමක්ද?
එහෙත් රිදී රේඛාව නම්, මේ සියලූ අන්තවාදීන් එක්ව ගෝඨාභය ජනාධිපතිවරණයේ නියත පරාජයක් දක්වා කැඳවාගෙන යන බව පෙනීමයි.x
x අරුණ ජයවර්ධන
Sri Lankans experienced good bad and ugly. Hope they will thank wise.