එජනිස පාර්ලිමේන්තු මන්ත්රී
මහින්ද යාපා අබේවර්ධන
හැකි ඉක්මනින් ජනාධිපතිවරණයක් කැඳවන්න ඕනෑ බව ඒකාබද්ධ විපක්ෂයේ ඇතැම් නායකයන් කියා තිබුණා. ඒකාබද්ධ විපක්ෂය ඉක්මන් මැතිවරණයක් ඉල්ලනවාද?
මේ අරාජික තත්වය හා අවිනිශ්චිත දේශපාලන පරිසරය නැති කරන්න පුළුවන් වෙන්නේ මේ රටේ ජනතාවට ඡුන්දය දෙන්න අවස්ථාව ලැබුණොත්. අපි ඒක දැඩිව විශ්වාස කරනවා. ජනතාව තමන්ගේ අවස්ථාව ප‍්‍රයෝජනයට අරගෙන තීන්දුවක් ගනීවි. හැමදාම මොනවා හරි කියලා ජනතාවට ඒ අවස්ථාව නැති කරනවා. පහුගිය ජනවාරි පස්වැනිදා මැතිවරණයක් තියන්න උත්සාහ කළා. ඒත් උසාවි ගිහිල්ලා ඒක වැළැක්වුවා. ජනවාරි පස්වැනිදා මැතිවරණයක් තියලා මේ රටේ ව්‍යාකූල තත්වයට විසඳුමක් දුන්නා නම් අද මේ ගැටලූ කිසිදෙයක් වෙන්නෙ නැහැ. ත‍්‍රස්ත ප‍්‍රහාරය සිද්ධවෙන්නේත් නැහැ. ඒ නිසා මේ මහා විනාශයට එදා මැතිවරණයට විරුද්ධ වුණ සියලූදෙනාම වගකියන්න ඕනෑ.
එහෙත් එතැන ප‍්‍රශ්නය තිබුණේ ජනාධිපතිවරයාගේ තනි වුවමනාවට පාර්ලිමේන්තු මැතිවරණය පැවැත්වීම ව්‍යවස්ථාවට අනුකූලද නැද්ද කියන එක. එදා මැතිවරණයක් ඕනෑ නම් ව්‍යවස්ථානුකූලව ජනාධිපතිවරණයක් කැඳවන්න තිබුණා නේද?
ඒක හරි. පාර්ලිමේන්තු මැතිවරණය නැතිනම් ඕනෑ වෙලාවක ජනාධිපතිවරණය කැඳවන්න පුළුවන්. මම හිතන්නේ කරන්න පුළුවන් දේ හෝ කළ යුතුයි. පළාත් සභා ඡුන්දය තිබ්බාට රටේ පාලනය වෙනස් වෙන්නේ නැහැ. ඒක පෙරහුරුවක් විතරයි. ජනමතය මනින්න විතරයි ඒකෙන් පුළුවන්. ඒත් රටේ ඉරණම වෙනස් කරන තීරණයක් ගන්න පුළුවන් මැතිවරණයක් පවත්වන්න ඕනෑ. ජනාධිපතිවරයා මැතිවරණයක් ප‍්‍රකාශ කළේ හේතුවක් ඇතිව වෙන්න ඇති. ඔබත් මමත් දකින හේතුවට වඩා ප‍්‍රබල හේතුවක් ජනාධිපතිවරයාට තියෙන්න ඇති. රටේ පාලනය ගැන බරපතළ හැඟීමක් ජනාධිපතිවරයාට තියෙන්න ඇති. එතුමා අපේ රට ගැන හොඳ අවබෝධයකින් හිටපු නිසා තමයි ඔහු ඒකට පෙළඹුණේ. ඒත් ඒක ක‍්‍රියාත්මක කරන්න උසාවිය හරහා ඉඩ දුන්නේ නැහැනේ.
එහෙත් එදා මැතිවරණයට විරුද්ධ වූ අය අතර ආණ්ඩුක‍්‍රම ව්‍යවස්ථාව රැුකගැනීමේ අරමුණෙනුත් පිරිසක් හිටියා නේද?
මේක ප‍්‍රශ්නයක්. අමුඩය රකිනවාද, වැසිකිළි යනවාද කියනවා වගේ ප‍්‍රශ්නයක්. මම හිතන්නේ ඒ වෙලාවේ වැසිකිළි යන්නයි තිබුණේ.
පොදුජන පෙරමුණට මැතිවරණය ජයගැනීමට හැකිවේයැයි විශ්වාසද?
අපට ආණ්ඩුවක් ලැබේවිද කියලා දන්නේ නැහැ. ඒත් මේ ප‍්‍රශ්නයට අපි මුහුණදෙන්න ඕනෑ. ජනතාව තීන්දු කරයි අපට ආණ්ඩු බලය දෙයිද නැද්ද කියලා. ජනවරමක් තිබුණත් නැතත්, මේ ආණ්ඩුවට රට පාලනය කරන්න බෑ. මේ ආණ්ඩුව තීන්දු ගන්නේ නැතිව රට අගාධයකට ඇදලා දාලා තියෙනවා. ඒකයි ප‍්‍රශ්නය. මෛත‍්‍රීපාල සිරිසේන හා රනිල් වික‍්‍රමසිංහ දෙපාර්ශ්වයට එකට වැඩ කරන්න බැරි බවත් පේන්න තියෙනවා. පහුගිය ජනාධිපතිවරණය වෙලාවේ අපි පෙන්නුවා මේ එකතුව රටට මහා අපරාධයක් කියලා. මේකට හවුල්වෙන්න එපාය කියන ඉල්ලීම අපි කළා. විශේෂයෙන් මම ඒ ගැන කිව්වා. ඒත් මේ ආණ්ඩුව බලයට ආවා. අද අපි දකින්නේ ඒ එකතුවේ විපාක තමයි.
ඉක්මනින් ජනාධිපතිවරණයක් පැවැත්වුවොත් මෛත‍්‍රීපාල සිරිසේන අපේක්ෂකයා විය යුතුයි නේද? මෛත‍්‍රීපාල සිරිසේනට සහාය දෙන්න ඔබේ පිල සූදානම්ද?
ඒවා දැන්ම කියන්න බැහැ. මෛත‍්‍රීපාල ජනාධිපතිතුමා නෙවෙයි තවත් අය ඉදිරිපත් වෙයි. විවිධ නම් සඳහන් වෙනවානේ. දැන් චමල් රාජපක්ෂගේ නම ආවා. මෙච්චර කල් යෝජනා කළේ ගෝඨාභය රාජපක්ෂගේ නම. දැන් ගෝඨාභය අතහැරලා චමල්ගේ නම කියනවා. තව ටික දවසකින් තවත් කාගේ හරි නම යෝජනා කරයි. එහෙත් රටේ ජනතාව තීන්දු කරන්න ඕනෑ මේ රටට ආණ්ඩු කරන්න පුළුවන් මනුස්සයෙක්ව තෝරාගන්න. එච්චරයි වෙන්න ඕනෑ. ශක්තිමත්ව ආණ්ඩු කරන්නත්, රට පාලනය කරන්නත් පුළුවන් බව විශ්වාස කරන ඕනෑම මනුස්සයෙක්ට ජනතාව සහයෝගය දෙයි. දැන් ආදිවාසී නායක වන්නිලැත්තෝත් ජනාධිපතිවරණයට ඉදිරිපත් වෙන්නැයි ඉල්ලීම් බව කියනවා. ඒක තමයි තත්වය. ඇත්තටම ඉතින් ඕනෑ නම් වන්නිලැත්තන්ටත් ඉදිරිපත් වෙන්න පුළුවන්. ලක්ෂ්මන් කිරිඇල්ල ඇමතිතුමාටත් දැන් එන්න කියනවා. දැන් කාට හරි කියන්න පුළුවන්නේ ඕනෑ ගොනෙකුට ජනාධිපති පුටුවේ වාඩිවෙන්න පුළුවන් කියලා. ඒකයි දැන් තත්වෙ. අපේ රට වැටිලා තියෙන තැන ඒක තමයි.
චමල් රාජපක්ෂගේ නම යෝජනා වී තිබෙන බව ඔබ කීවා. ඒ මොන පදනමෙන් ආ යෝජනාවක්ද?
ඒ මොන පදනමෙන්ද කියලා මම දන්නේ නැහැ. වන්නිලැත්තන්ගේ නම යෝජනා කරපු පදනම මොකක්ද. ඔය වගේ තමයි. නම් යෝජනා වෙනවා. එක එක්කෙනා හිතන හැටි. ඒවාට හේතු මොනවද කියලා හොයලා වැඩක් නැහැ. නම් එනවා. ඒකනේ, දැන් කිරිඇල්ල මහත්තයාටත් හිතිලා තියෙන්නේ.
මේ ජනාධිපතිවරණ අපේක්ෂකයන්ගේ නම් යෝජනා වීම ඔබ දකින්නේ විහිළුවක් විදියටද?
පැහැදිළිවම මේක බරපතළ විහිළුවක්. ඒත් මේක විහිළුවක් කළේ මෙතැනට පත්වෙච්ච දුර්වල නායකයන්. ඉතින්, ඒ ගැන මොනාවත් කියන්න බැහැ. මේ අය ජනතාවගේ සීයට 50කට වැඩි ඡුන්දයෙන් පත්වුණ අයනේ. සිරිමාවෝ බණ්ඩාරනායක මැතිනියත් මේ ව්‍යවස්ථාව වෙනස් කළා. ඒක කළේ අධිරාජ්‍යවාදයට එදා ඉඳන්ම විරුද්ධ වූ උග‍්‍ර වාමාංශිකයන් වූ කොල්වින් ආර් ද සිල්වා, ඇන්ඇම් පෙරේරා වැනි උග‍්‍ර වාමාංශික නායකයන් එක්ක එකතුවෙලා. ඒ අයගේ පසුබිම බලන්නකෝ. ඔවුන් උගතුන්. අධිරාජ්‍ය විරෝධීන්. ඔවුන් තෝරාගත්තේ පාර්ලිමේන්තු ක‍්‍රමය. ඔවුන් තමන්ට කලින් රට ගැන හිතුවා. ඒ මිනිස්සුන්ගේ ශ්‍රේෂ්ඨත්වය ගැන අපි අදත් කතාකරන්නේ ඔවුන් තෝරාගත් ආණ්ඩුක‍්‍රමය හින්දා. ? දවල් මහන්සිවෙලා මිනිස්සු වෙනුවෙන් තමයි ඔවුන් ව්‍යවස්ථාවක් හැදුවේ. ඒක අපි වෙනස් කළානේ. ඔවුන්ගේ ව්‍යවස්ථාවේ පදනම පාර්ලිමේන්තු ක‍්‍රමය, කොට්ඨාස මැතිවරණ ක‍්‍රමය. ඔවුන් පත්කළේ නාමික ජනාධිපතිවරයෙක්ව. යම් බලතල නාමික ජනාධිපතිවරයාට දුන්නා. ඔවුන් එදා ඒ තීන්දුව ගත්තේ රටට ඒක සුදුසු බව විශ්වාස කරපු හින්දා. අද තියෙන ව්‍යවස්ථාව හදලා තියෙන්නේ රටටත් නොවෙයි, අනාගතයටත් නෙවෙයි, මට මොකද වෙන්නේ කියන අදහස මත පදනම්ව. ඒක තමයි මේ ව්‍යවස්ථාව හදපු අය කීවේ ගෑනු පිරිමි කරන්න විතරයි මට බැරි කියලා. මේ පුද්ගල බලය වෙනුවෙන් හදපු ව්‍යවස්ථාවක්. අර උගතුන් මහන්සිවෙලා හදපු ව්‍යවස්ථාව පෞද්ගලික සුඛවිහරණය වෙනුවෙන් වෙනස් කරගත්තා. ඒ මානසිකත්වය තමයි රටේ කඩාවැටීමට හේතුව.
පහුගිය ජනාධිපතිවරුන් කිහිපදෙනාම කටයුතු කරද්දී ඒ මානසිකත්වයෙන් වැඩ කළ බව පේනවා නේද?
පැහැදිලිවම. අදත් ඒක කරන්න ගිහිල්ලා තමයි මේ ඇනගෙන තියෙන්නේ. අර පුටුවේ ඉඳගන්න අය හැමදේම පාලනය කරන්න යනවා. හැමදේම තමන්ට ඕනෑ විදියට කරන්න යනවා. පාර්ලිමේන්තුවත් පාලනය කරන්න යනවා. දැන් තත්වය නම් තවත් බරපතළයි. මොකද අගමැති පුටුවේ ඉන්නේ රනිල් වික‍්‍රමසිංහ වගේ කපටියෙක්. ඔහුත් උත්සාහ කරනවා හැමදේම තමන්ට ඕනෑ විදියට හසුරුවන්න. ඉතින්, ඒක නෙවෙයිද අද අවුල. මම නම් හිතන්නේ මේ හැමදේම වැඩක් නැහැ. අපි විධායක ජනාධිපති ක‍්‍රමය අහෝසි කරන්න ඕනෑ. අඩු තරමේ 1972 ජනරජ ව්‍යවස්ථාව අකුරක් නෑර නැවත සම්මත කරගත්තත් ඒක රටට හොඳයි කියලයි මම හිතන්නේ.
කෙසේ වෙතත් ජනාධිපතිවරණය ළඟ එන පසුබිමක ඔබේ පක්ෂය අපේක්ෂකයා කවුදැයි තීන්දු කළ යුතුයි නේද?
ජනාධිපතිවරණය එන්න එපැයි. දැන් නම් අපට සැකයක් තියෙන්නේ ඒකටත් මොනවා හරි කටුවක් ගහයිද කියලායි. සාමාන්‍යයෙන් ජනාධිපතිවරණයට නම් නීත්‍යනුකූලව තියන්න ඕනෑ දිනයක් තියෙනවා. මේ අවුරුද්දේ අග ජනාධිපතිවරණය ප‍්‍රකාශයට පත් කරන්න ඕනෑ. කොහොම වුණත් ඒක අස්සෙන් වුණත් වෙට්ටු දාන්න ඉඩ තියෙනවා. ජනාධිපතිවරණය ප‍්‍රකාශයට පත්කරන්න කලින් අන්තිම මොහොතේ අපේ අපේක්ෂකයාව නම් කරනු ඇති.
ප‍්‍රසන්න රණතුංග මන්ත‍්‍රීවරයා කියා තියෙනවා මහින්ද රාජපක්ෂ ජනාධිපතිවරයා කීවත්, මෛත‍්‍රීපාල සිරිසේනට නම් සහාය නොදෙන බව..
ඒ ඒ අය මොන තීන්දුවල ඉන්නවාද කියලා අපි දන්නේ නැහැ. මෛත‍්‍රීපාල සිරිසේන ජනාධිපතිතුමා මොන තීන්දුවක ඉන්නවාද කියලාත් අපි දන්නේ නැහැ. ඒ වෙලාවට තමයි ඒ ගැන බලන්න ඕනෑ. මම නම් කියන්නේ කවුරු ඉදිරිපත් වුණත් කමක් නැහැ, පොහොට්ටුවෙන් එන්න ඕනෑ.
එහෙත් ශ‍්‍රීලනිපය කියන්නේ ඒ විදියට පොහොට්ටුවේ කොටසක් වෙන්න බැරි බවයි. ඔවුන්ට ජනාධිපති හෝ අගමැති අපේක්ෂකත්වයත්, සැලකිය යුතු නියෝජනයකුත් ඕනෑ බවයි. එයට එකඟ නැද්ද?
අපි වෙන්දේසිකාරයෝ නෙවෙයි. පොදුජන පෙරමුණ වෙන්දේසිවලට යන්නේ නැහැ. අපට ජනමතය වෙන්දේසි කරන්න බෑ. අපි අපේ පක්ෂයත් වෙන්දේසි කරන්නේ නැහැ. ශ‍්‍රී ලංකා පොදුජන පෙරමුණ කරන්න ඕනෑ අපේ ප‍්‍රතිපත්ති ක‍්‍රියාත්මක කිරීමේ රාජකාරියයි. අපි විශ්වාස කරන්නේ අපට තනිවම දිනන්න පුළුවන් කියලයි. ඕනෑ කෙනෙක්ට පුළුවන් අපිත් එක්ක එකතුවෙන්න. එකතු වුණත් නැතත් අපි ඡුන්දයට යනවා. හැබැයි අපි තරග කරන්නේ පොහොට්ටුවෙන්. අපට උදව් කරන්න ඕනෑ කෙනෙකුට පුළුවන්. රටට ආදරෙයි නම් අපිත් එක්ක එකතුවෙන්න කියලා තමයි අපි කියන්නේ.
ගෝඨාභය රාජපක්ෂ මහතා ජනාධිපතිවරණයට ඉදිරිපත් වෙන්න මේ තරම් කැමැත්ත ප‍්‍රකාශ කරලාත්, ඒකට පොදුජන පෙරමුණ නිල වශයෙන් එකඟ නොවෙන්නේ ඇයි?
ගෝඨාභය මහත්තයාත් සුදුසු කෙනෙක්. ඒ ගැන කතාවක් නෑ. මේ රට විතරක් නෙවෙයි, වෙන රටක් වුණත් පාලනය කරන්න පුළුවන් කෙනෙක්. ඒත් අපි දේශපාලන තීන්දුව ගන්නේ දේශපාලන වාතාවරණය මතුවුණාට පස්සේ. සියලූ කාරණා සලකා බලලායි.
ඇතැම් අය මිලිටරි නායකයෙක් රටට සුදුසු බව යෝජනා කරනවා නේද?
ඒවා මොන බොරු කතාද? රටට ඕනෑ තීරණයක් ගන්න පුළුවන් නායකයෙක්. හරියට තීන්දුවක් අරගෙන ඒක ක‍්‍රියාත්මක කරන්න පුළුවන් මනුස්සයෙක් ඕනෑ. ඒ තීන්දු බුද්ධිමත් තීන්දු වෙන්න ඕනෑ. ඒකයි වෙන්න ඕනෑ. පහුගිය කාලයේ සිද්ධවුණේ උදේ ගන්න තීරණය හවස් වෙද්දී වෙනස්වීමනේ. තීන්දු ගන්න බැරි නම් නායකත්වයක් නෑ.
ඔබ කලින් කීවා පොදුජන පෙරමුණ කරන්න ඕනෑ ප‍්‍රතිපත්ති ක‍්‍රියාත්මක කිරීම කියලා. අප පොදුජන පෙරමුණේ ප‍්‍රතිපත්ති මාලාවක් දැක නැහැ. ඇත්තටම පොදුජන පෙරමුණේ ප‍්‍රතිපත්ති මොනවද?
අපි ප‍්‍රතිපත්තියක් හදාගන්න ඕනෑ. අපි තාම ළාබාල පක්ෂයක්. අපි දැන් කමිටු පත් කරලා, යෝජනා අරගෙන ප‍්‍රතිපත්ති හදාගෙන යනවා. අපේ ප‍්‍රතිපත්තිය අපව මුල් කරගත්ත එකක් නෙවෙයි, රට මුල් කරගත්ත එකක් කියලා දැනට කියන්න පුළුවන්. x
