ජනාධිපතිවරයා පාර්ලිමේන්තු විශේෂ කාරක සභාව සමග ඇති කේන්තිය නිසා රටම අවුලකට ඇදදමමින් ඇමති මණ්ඩලය රැුස් කිරීම වුවමනාවෙන්ම පැහැර හරිමින් සිටියි. පසුගිය අඟහරුවාදාට නියමිතව තිබුණු සතිපතා ඇමති මණ්ඩල රැුස්වීමද කැඳවුණේ නැත.
තමා පෞද්ගලිකව අකමැති කිසියම් දෙයක් හෝ පුද්ගලයකු නිසා මෙවැනි රාජ්ය පාලනයට බලවත් සේ අදාළ වන පියවර නොගැනීම ජනාධිපතිතුමාගේ සාමාන්ය පරිචයයි. අපේ්රල් 21 වැනිදා ප්රහාරය සිදුවන තුරු ආරක්ෂක මණ්ඩලය නොකැඳවීමත්, එහි රැුස්වීම්වලට අගමැතිවරයාත්, පොලිස්පතිවරයාත් නොකැඳවීමත් එවැනි මෑත කාලීන උදාහරණය. එහෙත්, ඇමති මණ්ඩලය නොකැඳවීම ඊට වඩා භයානක ලෙස රටේ පැවැත්මට බලපාන කාරණයකි.
බෞද්ධ මහානායක හා අනෙකුත් නායකකාරකාදි හිමිවරුන්, කාදිනල්වරයා, අතුරලියේ රතන, ගල ගොඩඅත්තේ ඥානසාර වැනි රටේ සිදුවන දේවල් ගැන ‘මහත් අවදියෙන් ඉන්නා’ බව පෙන්වන පිරිස මේ භයානක තත්ත්වය තවමත් තේරුම් ගෙන නැද්ද? මංගල සමරවීරට පන්සල් එන්නට බැරි වන සේ ඊනියා සංඝ ආඥා පනවන භික්ෂූන් මේ තත්ත්වය තේරුම් ගෙන නැද්ද?
රට පත්වී ඇති අවුල ගැන අබමල් රේණුවක තරම්වත් කැක්කුමක් ඇත්තේ නම්, මේ සියලූ වර්ගයේ අය හා කණ්ඩායම් කළ යුත්තේ, මේ භයානක වරද නොකරන ලෙස ජනාධිපතිට දන්වා සිටීමය. ප්රවෘත්ති නිවේදන, ඒකාබද්ධ මාධ්ය හමු පවත්වමින් ජනාධිපතිවරයාට බලපෑම් කිරීමය. තමන්ගේ මහානායක පන්සල්වලට ජනාධිපති කැඳවා අවවාද කිරීමය. රතන හිමි, ජනාධිපතිගේ ක්රියාවට එරෙහිව යළිත් මාරාන්තික උපවාසයක් පටන්ගත හැකිය. ඥානසාර හිමි, ජනාධිපතිට එරෙහිව මහා පාගමනක් පටන්ගත යුතුය. කාදිනල්වරයා මාධ්ය හමුවක් තබා නොනැවතී ජනාධිපතිවරයා කැඳවා මේ ගැන බලපෑම් කළ යුතුය.
එසේ වූ විට පමණය, මේ නායකකාරකාදින් ජාතිවාදී ඇසකින් රටේ සිදුවන දේවල් බලන්නන් නොව, ඇත්ත වශයෙන්ම රටට වන විපත් ගැන උනන්දුමත් අය බව ජනතාවට වැටහෙනු ඇත්තේ.x
x අරුණ ජයවර්ධන
