පසුගිය අපේ්රල් මස පැවති ඊශ්රායල මහා මැතිවරණයෙන් පසුව පාර්ලිමේන්තු වැඩි ඡුන්දයක් සහිතව සභාග රජයක් පිහිටුවීමට අසමත් වූයෙන් නැවතත් ඡුන්දයකට යෑමට නෙතනියාහුට සිදුවී ඇත. නෙසෙට් නම් පාර්ලිමේන්තුව විසුරුවීම සඳහා පැවත ඡුන්දයේදී 74ට 75ක් සේ යෝජනාව සම්මත විය. එරට පාර්ලිමේන්තුවේ මන්ත්රී ආසන 120කි.
ආණ්ඩුවක් පිහිටුවීමට නම් ආසන 60ට වැඩි ප්රමාණයක කැමැත්ත අවශ්ය වේ. බෙන්ජමින් නෙතනියාහු (ඔහුගේ මිත්ර නාමය බිබී වේ.ගේ දක්ෂිණාංශික ලිකුඞ් පක්ෂයට දිනාගත හැකිවූයේ ආසන 35ක් පමණි. අනෙකුත් දක්ෂිණාංශික පක්ෂ සමග සභාග ආණ්ඩුවක් පිහිටුවීමට එරට ජනාධිපතිවරයා ආරාධනා කර තිබුණද ඔහුට එකතු කර ගත හැකි වූයේ ආසන 60ක් පමණ හිමි පක්ෂ පමණකි. හිටපු ආරක්ෂක ඇමති අවිදෝර් ලීබමන්ගේ ඊශ්රායල් බීටෙනි පක්ෂය දක්ෂිණාංශික පක්ෂයක් වුවද, බිබීගේ සභාගයට මූලධර්මවාදී පක්ෂ එකතුකර ගැනීමේදී දැමිය යුතු කොන්දේසි පිළිබඳව එකඟතාවකට පැමිණීමට නොහැකිවූ බැවින් ඔහුගේ පක්ෂය නෙතනියාහුට අහිමි විය. බිටෙනි පක්ෂයට ආසන 5ක් හිමිව තිබිණ. අපේ්රල් මහ මැතිවරණයෙන් පසුව අගමැති ලෙස 5 වැනි වතාවට දිවුරුම් දුන් 69 හැවිරිදි බෙන්ජමින් නෙතනියාහුට එම තනතුරේ රැුඳී සිටීමට හැකිවුණේ සති 6ක කාලයක් පමණි. ලබන ජුලි මාසය තෙක් තනතුරේ රැුඳී සිටීමට වාසනාව තිබුණේ නම් ඊශ්රායල රාජ්යය පිහිටුවීමෙන් පසු දීර්ඝතම පාලනය කළ තැනැත්තා හැටියට ඔහු ඉතිහාසයට එක් වන්නේය. ඊශ්රායල ඉතිහාසයේ කෙදිනකවත් කිසිම පක්ෂයක් ආසන 60කට වඩා ලබාගෙන නැත. එබැවින් දක්ෂිණාංශික වේවා, වාමාංශික වේවා, තිබුණු සෑම ආණ්ඩුවක්ම සභාග ආණ්ඩු විය. ඇමති තනතුරු ඇතුළු ආකර්ෂණීය තත්ත්වයන් දීමට පොරොන්දු වෙමින් විපක්ෂයේ මන්ත්රී කණ්ඩායම්වලට ආරාධනා කළද නව ආණ්ඩුවක් පිහිටුවීම සඳහා ආධාර කිරීමට ඉදිරිපත් වුණේ නැත.
ජනාධිපතිවරයාට වෙනත් නායකයකුට ආරාධනා කිරීමට ඇති ඉඩකඩ අහුරමින් නව මැතිවරණයක් සැප්තැම්බර් 17 දින පැවැත්වීමට ප්රකාශ කරන ලදි. ඊශ්රායල මැතිවරණ ක්රමය අනුව ඡුන්දය දෙනු ලබන්නේ පක්ෂයට මිස අපේක්ෂකයන්ට නොවේ. ලැබෙන ඡුන්ද ප්රමාණය අනුව සමානුපාතිකව පක්ෂ අතරේ ආසන බෙදී යන අතර ඒ සඳහා සුදුසුකම් ලැබීමේ කඩුල්ල පැනීමට සියයට 3.5ක ඡුන්ද ගත යුතුය. මැතිවරණයට කලින් නෙතනියාහුට එරෙහිව ¥ෂණ හා වංචා පිළිබඳ චෝදනා එරට නීතිපතිවරයා විසින් ගොනුකරනු ලැබ තිබුණනි. එම චෝදනා අංක 1000, 2000 සහ 4000 යනුවෙන් නම්කර තිබුණි. අංක 1000න් පැවසෙන්නේ නීතියට පිටුපෑම හා වංචා පිළිබඳ චෝදනායි. ඊශ්රායල් ජාතික හොලිවුඞ් සිනමා නිෂ්පාදකවරයකු වන ප්රකෝටිපති ආනොන් මිල්චන් සහ ප්රකෝටිපති ඕස්ටේ්රලියානුවකු වන ජේම්ස් පැකර් සමග ව්යාපාරික සහයෝගිතාව පවත්වාගෙන යමින් විශාල වාසි ලබාගත් බවයි.
ඔවුන්ගෙන් නිතර ලබාගත් තෑගි අතර, ඉතා වටිනා සුරුට්ටු, මිල අධික ෂැම්පේන් ආදිය වේ. එම තෑගි බෑගයක් අමෙරිකානු ඩොලර් 2,64,000ක් පමණ වෙතැයි කියවේ. අංක 2000 චෝදනාවෙන් පැවසෙන්නේ ‘යෙඩියොත් ආරොනොත් මීඩියා ගෲප්’ නම් ජනමාධ්ය ජාලය විසින් නෙතනියාහුගේ මැතිවරණ ව්යාපාරයට සාධනීය ප්රචාරයක් ලබාදීමත් ඒ වෙනුවෙන් ‘ඊශ්රාෙයෙල් හායොම්’ මාධ්ය ආයතනයට අවාසි ඇතිවන සේ පනතක් සම්මත කිරීමට සහයෝගය ලබාදීමට කටයතු කරමින් යෙඩියොත් ආරොනොත් හිමිකරු ආර්මන් මෝසස්ට ¥ෂිත හා නීත්යනුකුල බවෙන් තොරව වාසි ලබාදීමත්ය. අංක 4000 චෝදනාව වන්නේ ‘බිසෙක්’ නමැති එරට විශාලතම ටෙලිකොමියුනිකේෂන් සමාගමේ මෙහෙයුම් අධ්යක්ෂ සොල් එලොවිච්ට සහාය දීමෙන් අල්ලස් ලබාගැනීම හා විශ්වාස භංග කිරීම පිළිබඳ චෝදනාය. මේ චෝදනාවලට තමන් නිර්දෝෂීයැයි නෙතනියාහු ප්රකාශ කළත් ඉදිරි නඩුවලදී ඇත්ත නැත්ත හෙළිවනු ඇත.
1996දී ප්රථම වරට අගමැති තනතුරට පත්වන නෙතනියාහු එතෙක් පත්වු ළාබාලම අගමැතිවරයාය. ඔහු අත්දැකීම් විරල පුද්ගලයකු හැටියට එවක විවේචනයට ලක්විය. 1968දී බෙරුට් ගුවන් තොටුපොළට, කොමාන්ඩෝ බලකායේ කැප්ටන්වරයකු ලෙස පහරදීම මෙහෙයවීම ඔහුගේ හමුදා ජීවිතයේ වැදගත් අවස්ථාවක් විය. 1973 මැද පෙරදිග යුද්ධයටද ඔහු සහභාගි විය. 1976දී උගන්ඩාවේ එන්ටැබේහිදී පැහැරගන්නා ලද ගුවන් යානයේ ප්රාණ ඇපකරුවන් බේරාගැනීමේ සටනේදී බිබීගේ සොහොයුරු ජොනතන් මියගියේය. ඔහු අදත් එරට වීරයකු සේ සැලකේ. 1982දී සොයුරු ජොනතන්ගේ නමින් ත්රස්ත විරෝධී අධ්යයන ආයතනයක් ආරම්භ කරන ලදි.
2015දී බරක් ඔබාමා ඉරානයේ න්යෂ්ටික අවි පිළිබඳව අත්සන් කරන ලද ගිවිසුම ඉතා තදින් විවේචනය කිරීමට නෙතනියාහු පසුබට වුණේ නැත. ඩොනල්ඞ් ට්රම්ප්ගේ ජයග්රහණයත් සමග ඊශ්රායල-අමෙරිකා සම්බන්ධතා නැවතත් ශක්තිමත් විය. ඉරානයට න්යෂ්ටික අවි නිෂ්පාදනය දියුණු කරගැනීමට ඉඩ හැරීම ගැන නෙතනියාහු නිරන්තරයෙන්ම විරුද්ධ විය. එමෙන්ම ජාත්යන්තරයට අනතුරු ඇඟවූයේය. ජනාධිපති ට්රම්ප්, 2015දී බරක් ඔබාමා ඉරානය සමග අත්සන කළ ගිවිසුම අවලංගු කළේය. මුළු අරාබි ලෝකයම කුපිත කරමින් ඊශ්රායලයේ අගනුවර ජෙරුසලම සේ පිළිගත්තේය. 1965 ඊශ්රායල් අරාබි යුද්ධයේදී ජෙරුසලමේ නැගෙනහිර කොටස ඊශ්රායලය අල්ලාගත්තේය. පලස්තීනුවන්ගේ අගනුවර වූ ජෙරුසලමෙන් ඊශ්රායලය ඉවත්කර ගැනීම සඳහා පලස්තීනුවෝ් දිගින් දිගටම උද්ඝෝෂණය කරති. ට්රම්ප් බලයට පත්වී වසරකින්, 1967 යුද්ධයේදී ඊශ්රායලය අල්ලාගත් සිරියානු ගෝලාන් කඳුකරයේ අයිතිය ඊශ්රායලයට බව පිළිගත්තේය. හැමදාමත් ආමෙරිකාව ඊශ්රායලය රැුකගැනීමට ඉදිරියට පැමිණයේය. අමෙරිකාවේ මූූල්ය වාණිජ හා ආර්ථික මර්මස්ථාන ග්රහණය කරගෙන සිටින්නේ යුදෙව්වන්ය. එබැවින් අමෙරිකාවේ බලයට එන හැම නායකයකුටම යුදෙව්වන්ගේ බලපෑමෙන් ඈත් වී සිටිය නොහැක. අනෙක් අතට රුසියාව (පැරණි සෝවියට් දේශය මැද පෙරදිග මෙහෙයවීමේ නාස් ලණුව අල්ලා ගැනීමට හැම විටම අපේක්ෂාවෙන් සිටින විට මැද පෙරදිග තම බලය ප්රසාරණය කර ගැනීම සඳහා අමෙරිකාව ඊශ්රායලය ග්රහණයේ තබාගනී.x
x සී.ඒ. ජගත් චන්ද්ර
