හිටපු අමාත්‍ය, ශ‍්‍රීලනිප ජ්‍යෙෂ්ඨ සාමාජික ඒ.එච්.එම්. ෆවුසි
දැන් මම අමාත්‍යවරයෙක් නෙවෙයි. ඒත් මම 1994 ඉඳලාම කැබිනට් මණ්ඩලයේ හිටපු මුස්ලිම් ඇමතිවරයෙක්. ලංකාවේ මෑත ඉතිහාසය පුරාම කැබිනට් මණ්ඩලයේ මුස්ලිම් ජාතික ඇමතිවරු හිටියා. මහින්ද මහත්තයා තවත් ජ්‍යෙෂ්ඨයන් ගණනක් සමඟ මාවත් කපන්න පටන්ගත්තා. මාව පහළට දැම්මා. මගේ ආසන සංවිධායකකම දෙකට බෙදලා පිටින් ගෙනාපු කෙනෙක්ව දැම්මා. ඊට පස්සේ මෛත‍්‍රීපාල සිරිසේන මහතා ජනාධිපති වුණාමත් මට තැනක් දුන්නෙ නැහැ. මම එයාට ඡුන්දෙදී සපෝට් කළේ නැහැ කියන තරහට. දැන් මට ඇමතිකමක් නැහැ. ඒත් මම ජුනි 03 වැනිදා ආණ්ඩුවේ මුස්ලිම් දේශපාලඥයන්ගේ සහභාගීත්වයෙන් පැවැත්වූ මාධ්‍ය සාකච්ඡුාවට ගියා.
මොකද මම හිතුවා රට වෙනුවෙන් එතැනට ඉදිරිපත් වෙන්න ඕනෑ කියලා. එතැන හිටපු ජ්‍යෙෂ්ඨම දේශපාලඥයා මම. ලංකාව විශාල ජාතිවාදී ප‍්‍රවාහයකට යමින් තිබෙනවා. ඒකට විරුද්ධ වෙන්න ඕනෑ.
රිෂාඞ් බදියුදීන් අමාත්‍යවරයාට චෝදනා ඉදිරිපත් කරලා ඔහුට ඉල්ලා අස්වෙන්න කියලා කණ්ඩායමක් කීවා. ඔවුන් කියන්නේ ඒ චෝදනාවලට සාක්ෂි තියෙනවා කියලා. ඒත් ඒ සාක්ෂි මොනවාදැයි දන්නේ නැහැ. අනෙකුත් මුස්ලිම් නායකයන් යෝජනා කළේ රිෂාඞ් තනියෙන්ම ඉවත් වෙන්න ඕනෑ නැහැ, සියලූදෙනා එක්ව ඉවත් වෙන්න ඕනෑ බව. ඒ නිසා තනියෙන් ඉල්ලා අස් නොවී රට වෙනුවෙන් මුස්ලිම් ඇමතිවරුන් කණ්ඩායමක් ලෙස ඉවත්වෙන්න තීරණය කළා. ඉල්ලා අස් නොවුණානම් රට ගිනිතියයයි. අහිංසක මුස්ලිම් මිනිස්සුන්ව ඝාතනය කරන තැනට පවා පත්වේවි. ඒකෙන් දැවැන්ත ඛේදවාචක ඇතිවේවි. ඒ නිසා රට ආරක්ෂා කරන්න ඕනෑ බව විශ්වාස කරමින් තමයි මුස්ලිම් නායකයන් ඉල්ලා අස්වෙන්න තීරණය කළේ.
දැන් මුස්ලිම් නායකයන්ට එකදිගට චෝදනා එල්ල කරනවා. සාක්ෂි නැතත් ඒ හැම චෝදනාවලටම මාධ්‍යවල ඉඩ ලැබෙනවා. පාර්ලිමේන්තුවේදීත් චෝදනා එල්ලවෙනවා. ඒ චෝදනා එල්ලකරපු හැමෝටම පරීක්ෂණ මෙහෙයවීම සඳහා අවශ්‍ය තොරතුරු දීපල්ලා කියලා අපි ඉල්ලනවා. මේවාට සම්බන්ධ කවුද කියලා හෙළි කරපල්ලා කියලා අපි ඉල්ලනවා.
රිෂාඞ් බදියුදීන්ට අද චෝදනා කරනවානේ. එයා විතරක් ඉල්ලා අස්වෙලා, එයාට තියෙන චෝදනාවලින් නිදහස් වුණොත් ඊළඟට හකීම්ට චෝදනා කරාවි. හකීම් ඉල්ලා අස්වෙනතුරු උද්ඝෝෂණ කරාවි. ඉන්පස්සේ තවත් මුස්ලිම් ඇමතිවරයෙක්ට චෝදනා කරාවි. මේ විදියට ඊළඟ ඡුන්දයක් එනතුරුම කෑගසාවි. රට ගිනිතියාවි. ඒ හින්දා තමයි ඔක්කෝම එකපාර අයින් වෙන්න හිතුවේ.
මම අවුරුදු 59ක් දේශපාලනයේ ඉන්නවා. ශ‍්‍රීලනිපයේ අවුරුදු 45ක් හිටියා. මේ වෙද්දී ශ‍්‍රීලනිපය තියෙන තත්වය හරි නැහැ. ඔවුන් ජාතිවාදය පැත්තට යමින් තියෙනවා. මම මේ ගැන නායක මෛත‍්‍රීපාල සිරිසේනට කිව්වා. ඔය ගමන අවසන් කරන්න කියලා ඉල්ලූවා. මීට කලින් යූඇන්පීයත් එක්ක රණ්ඩු වෙනකොට මම කිව්වා රණ්ඩු නොවී, යහපාලන ගමනට නායකත්වය දෙන්න කියලා. ජාතිවාදය අවසන් කරන්න කියලා. එහෙම නොවුණොත් අනාථ වේවි කියලා මම කිව්වා. මහින්ද රාජපක්ෂව විශ්වාස කරන්න එපා කියලා කිව්වා. ඒ කඳවුරේ ජනාධිපතිවරයාට ඉඩක් නැති බව පෙන්නුවා. ඒත් ඒක ඇහුවේ නැහැ. දැන් එයාට දෙපැත්තෙන් එකපැත්තක්වත් නෑ. හිටගන්න තැනක් නැහැ. එයා තනිවෙලා.
දැන් මුස්ලිම් නායකයන් කළයුත්තේ එක දෙයයි. ඊළඟ ඡුන්දයේදී මේ ජාතිවාදය පරාජය කරන්නට එකා වගේ හිටගන්න ඕනෑ. ජාතිවාදයට විරුද්ධ කණ්ඩායමකට සහාය දෙන්න ඕනෑ. දැන් මහින්ද රාජපක්ෂලා හිතන්නේ සුළුතර ජනවර්ගවල ඡුන්ද නැතිව සිංහල බෞද්ධයන්ගේ ඡුන්දවලින් සීයට අනූවක් අරගෙන ඡුන්දය දිනන්න පුලූවන් කියලායි. එයාලා මුස්ලිම් අයට විතරක් නෙවෙයි, දෙමළ ජනතාවට විරුද්ධවත් ජාතිවාදයට පතුරුවනවා. ඒ නිසා ප්රජාතන්ත්රවාදය විශ්වාස කරන, ජාතිවාදී නැති බලවේගයකට අපි ඊළඟ ඡුන්දයේදී සහයෝගය දෙන්න ඕනෑ. x
