x සමන් ගුණහේරත්
සියලූ සත්වයෝ ස්වභාව ධර්මය විසින් ලබා දෙන යම්කිසි කාලසීමාවක දී ලිංගික කටයුතුවල යෙදෙති. ඒ තම වර්ගයාගේ ප්රජනනය හෙවත් පැවැත්ම උදෙසාය. එහෙත් මානවයා නම් වූ සත්ත්වයා මේ ප්රාථමික නීතිය උල්ලංඝනය කර ඇත. උවමනා හා හිතෙන ඕනෑම වේලාවක ලිංගික කටයුතුවල යෙදීමේ හැකියාව ඔහුට ඇත. එසේම ඔහු ලිංගික කටයුතුවල යෙදෙන්නේ ප්රජනනය සදහා පමණක් නොව ආස්වාදය සදහා ද වීමය. එපමණක් ද නොවේ ඇතැම් ප්රයිමේටාවන් උග්ර පීඩනය යටතේ පමණක් සිදුකරන හා අනෙක් කිසිදු සත්වයෙකු නොකරන ස්වයං වින්දනය හා සමලිංගික චර්යාවන් ද ආස්වාදය පිණිසම මානවයා සතුය. එම නිසාම දෝ මානවයා ලිංගිකව බෝවන රෝග රැුසකින් පෙළෙයි. එයින් එච්අයිවී ්මගින් බෝවන ්ෂෘී (්ජුමසරුා ෂපපමබැ ෘැසෙජසැබජහ ීහබාරදපැ* මානවයා මරණයට පත් කරයි.
ඒඞ්ස් රෝගයෙන් මිය ගිය පළමු රෝගියා අමෙරිකාවේ කැලිෆෝනියා ප්රාන්තයේ සැන් ෆ්රැන්සිස්කෝ නගරයේ කෙන් හෝම් ය. ඒ 1980 අපේ්රල් 24 වෙනිදාය. එහෙත් පසු කලෙක 1959 කොන්ගෝවේ දී මියගිය පුද්ගලයකුගේ සංරක්ෂිත රුධිර සාම්පල පරීක්ෂා කිරීමේදී හෙළිදරව් වූයේ ඔහු ද මරණයට පත්වී ඇත්තේ ඒඞ්ස් රෝගයෙන් බවය. එහිදී අපට ගත හැකි නිගමනය වන්නේ මානව සමාජය නොදැන සිටියද එච්අයිවී මගින් මානව ජීවිත සෑහෙන කාලයක් තිස්සේ අනතුරට හා මරණයට ලක් කර තිබූ බවය.
ඒඞ්ස් රෝගය සමලිංගික පුරුෂයන් අතර පැතිරීම වැඩිය. ඒඞ්ස් ගැන අවබෝධ වූ මුල් වකවානුවේ පල්ලිය ප්රකාශ කළේ ඒඞ්ස් යනු අනියම් ලිංගික හැසිරීමට දෙවියන්වහන්සේ ලබාදුන් දඩුවමක් බවය. එහෙත් විෂම ලිංගිකයන් අතර ද ඒඞ්ස් පැතිරී ඇති බව අද අපි දනිමු. 2016 සංඛ්යා ලේඛනවලට අනුව ලොව පුරා මිලියන 36.7ක් එච්අයිවී ආසාදිතයෝය. 2017 වන විට මෙම සංඛ්යාව මිලියන 36.9ක් දක්වා මිලියන 0.2කින් වර්ධනය වී තිබිණ. මෙයින් මිලියන 1.8ක් වයස අවුරුදු 15ට වඩා අඩු දරුවන් වූ අතර වැඩිහිටි අයගෙන් හරි අඩකට මදක් වැඩි ප්රමාණයක් කාන්තාවෝය. 2016 දී මියගිය ඒඞ්ස් රෝගීන්ගේ සංඛ්යාව මිලියන 1කි. 2005 දී මෙම සංඛ්යාව මිලියන 1.9කි. මරණ සංඛ්යාව ක්රමිකව අඩුවීම හේතුවෙන් එච්අයිවී සදහා සාර්ථක ප්රතිකාර පද්ධතියක් ක්රියාත්මක වන බව මෙහිදී අපට අවබෝධ කර ගත හැක. ඒ 2015 දී නිල වශයෙන් ආරම්භ කරන ලද ්ය්්ඍඔ (්යසටයකහ ්ජඑසඩැ ්බඑස ඍැඑරදඩසරමි ඔයැර්චහ* ප්රතිකාර පද්ධතිය නිසාය. කනගාටුවෙන් වුවත් කිව යුත්තේ ඒඞ්ස් රෝගය වැළදීමෙන් පසු මරණය විනා වෙනත් විකල්පයක් නොමැති බවය.
එච්අයිවී මානව ශරීරයට ඇතුල් වී වසර 9-11 අතර කාලයක් නිහඩව ගත කරයි. මේ කාලය තුළ මෙම වෛරසය මැඩ පැවැත්වීම හා පාලනය කිරීමට ්ය්්ඍඔ සමත්ය. මෙම ඖෂධයෙන් 47%ක් භාවිත වන්නේ මධ්යම හා අඩු ආදායම් රටවලය. ඒ අනුව ලෝකයේ එච්අයිවී ආසාදිතයන් 53%ක්, ධනවත් රටවල ජීවත්වන අතර, 47%ක ප්රමාණයක් ජීවත් වන්නේ මධ්යම හා අඩු ආදායම් රටවලය. මෙම රටවල නූගත්කම හා දිළිදුකම හේතු කොට ගෙන විශාල දුර්මත ප්රමාණයක් සමාජගතවී ඇත. එයින් විශාලතම දුර්මතය වන්නේ පුරුෂ සමලිංගිකයන් අතර පමණක් රෝගය පැතිරෙන බවය. මෙය සම්පූර්ණයෙන්ම වැරදි හා අවිද්යාත්මකය. පුරුෂ සමලිං ගිකයන් අතර එච්අයිවී පැතිරීම වැඩි බව සත්යයක් නමුත් විසම ලිංගිකයන් අතර මෙන්ම කාන්තා සමලිංගිකයන් අතරද ඒඞ්ස් පැතිරේ. එසේම රුධිර පාරවිලයනය මෙන්ම එන්නත් කටු භාවිත කිරීම මගින් ද වෛරසය සම්පේ්රෂණය විය හැකිය. ආගමික පුදපූජා, දේව කන්නලව්, බලි, තොවිල්, යාග, යන්තර හා සාම්ප්රදායික වෙදකම් මගින් එච්අයිවී පැතිරීම හෝ ඒඞ්ස් රෝගය වැළදීම වැළැක්විය නොහැකිය. එහෙත් සංවිධානාත්මක කපටින් මහජනයා මුලා කරමින් ඒඞ්ස් රෝගයට ප්රතිකාර කර සුව කරන බව ප්රචාරය කිරීම මෙවැනි රටවල ජයටම සිදුවේ. එමගින් සිදුවන්නේ වෛරසය තවදුරටත් පැතිරීමය. කන්යාවක සමග ලිංගිකව එක්වීමෙන් ඒඞ්ස් සුව වන බවට ලොව පුරා ඇති මතය සම්පූර්ණයෙන් මිථ්යාවකි.
මෙය අතිශයෙන් හානිකරය. බටහිර ධනවත් එච්අයිවී ආසාදිතයෝ හා ඒඞ්ස් රෝගීහු දිළිදු රටවලට පැමිණ තැරැුව්කරුවන් ලවා මුදල් ගෙවා ළාබාල කන්යාවන් සමග ලිංගිකව එක්වෙති. ඔවුන් සුව නොවනවා පමණක් නොව දිළිදු රටක අහිංසක දැරියකට ද එච්අයිවී ලබා දීම මෙහිදී සිදුවේ. එසේම ඒඞ්ස් රෝගියතු සමග හෝ එච්අයිවී ආසාදිතයකු සමග මිත්රධර්මයෙන් ඇසුරු කිරීම මගින් රෝගය බෝ නොවේ.
ඔහු සමග එකට ආහාරපාන ගැනීමෙන් හෝ ඔහු භාවිත කළ උපකරණ භාවිත කිරීමෙන් හෝ රෝගය බෝ නොවේ. එසේම පොදු වැසිකිළි භාවිතාව මගින්ද රෝගය පැතිරෙන්නේ නැත.
සංඛ්යා ලේඛන දෙස සැලකිල්ලෙන් බැලීමේදී සුන්නත් කරන ලද පුරුෂයන් අතර එච්අයිවී පැතිරීම අඩුය. මෙය ආගමික කටයුත්තක් ලෙස ලෝකය තීන්දු කිරීම හේතු කොට බොහෝ පුරුෂයෝ සුන්නත් කිරීමෙන් වළකිතිි. උපත් පාලන කොපු භාවිත කරමින් අනාරක්ෂිත ලිංගික සම්බන්ධතා පැවැත්වීම එච්අයිවී පැතිරීම අඩු කරන නමුත් පල්ලිය මේ සදහා විරෝධය දැක්වීමෙන් එම ප්රචාරණ කටයුතු සීමා සහිත කිරීමට සිදුවී ඇත. රෝග කාරකය මානව දේහයට ඇතුල්වීමෙන් පසු රෝගය ඇතිවීම දක්වා වූ කාලය අවුරුදු 3 සිට 20 දක්වා විය හැකිය. සාමාන්යයෙන් එයට අවුරුදු 8ක් පමණ ගතවේ. මෙම කාලය තුළදී මාංශ පේශි වේදනාව, බර අඩුවීම, වරින් වර උණ ඇතිවීම සිදුවේ. මෙම අවස්ථාව තව ඉදිරියට යෑමෙන් ඒඞ්ස් රෝගය පුද්ගලයාට වැළදේ. ඒඞ්ස් වැළඳීමට පෙර වූ අවස්ථාවලදී ්ය්්ඍඔ ප්රතිකාර පද්ධතිය වෛද්යවරයකු ගේ අනුදැනුම මත ලබා ගැනීමෙන් ඒඞ්ස් පාලනය කරගත හැකිය. නිසි පරිදි ඖෂධ භාවිතය මගින් රෝගය පාලනය වීම මෙන්ම සම්පේ්රෂණයද අවම කරයි.
දියුණු රටවල වයස අවුරුදු 15-65 අතර සෑම අයකුම එච්අයිවී සදහා වූ රුධිර පරීක්ෂණයට වසරකට වරක් භාජනය විය යුතුය. ලෝකයේ වැඩිම එච්අයිවී රැුඒඞ්ස් ආසාදිතයන් වෙසෙන්නේ අප්රිකාවේ උපසහරාන් කලාපයේය. එහි ජනගහනයෙන් මිලියන 22.9ක් එච්අයිවී ආසාදිතයන් වන අතර ඒඞ්ස් රෝගීන් මිලියන 1.2ක් 2010දී මරණයට පත්වී තිබිණිි. දකුණු සහ ගිනිකොණ දිග ආසියාව දෙවැනියට එච්අයිවී ආසාදිතයන් බහුල ප්රදේශය වෙයි. මිලියන 4ක ජනතාව මේ ප්රදේශයේ එච්අයිවී ආසාදිතයන් වනවිට සමස්ත ඉන්දියාවේ මිලියන 2.4ක් ආසාදිතයෝ් වෙති. එක්සත් ජනපදයේ දළ වශයෙන් මිලියන 1.2ක් පුද්ගලයෝ් ද, එක්සත් රාජධානියේ මිලියන 1ට වඩා මඳක් වැඩි පුද්ගලයෝ ද එච්අයිවී ආසාදිතයෝය. රෝගීන් අඩුම රටවල් අතරට මැදපෙරදිග, උතුරු අප්රිකාව, නැගෙනහිර ආසියාව, මධ්යම හා බටහිර යුරෝපය අයත් වෙයි.
ලිංගික සේවා සපයන්නන් මගින් රෝගය පැතිරෙන බව රහසක් නොවේ. මෙරට ස්ත්රීන් 40,000- 50,000ක් හා පුරුෂයන් 10,000ක් පමණ එවැනි සේවාවන් සපයන්නන් යැයි ගණන් බලා තිබේ. මේ අය නිරන්තරයෙන් එච්අයිවී තර්ජනයට මුහුණ දෙන්නන් වන අතර ඔවුහු එච්අයිවී පතුරවන්නෝ ද වෙති. එමනිසා මේ ලිං ගික සේවා සපයන්නන් දෙපාර්ශ්වයම මාස තුනකට වරක් හෝ වෛද්ය නිර්දේශ මත එච්අයිවී ආසාදනය ස`දහා රුධිර පරීක්ෂාවක් කර ගැනීම සුදුසුය. එසේම යමෙකු අනාරක්ෂිත ලිංගික එක්වීමකින් සති 4කට පසු වෛද්ය උපදෙස් පැතීම ද යහපත් සමාජ යුතුකමකි.x
