අධිකරණයට අපහාස කිරීම සම්බන්ධයෙන් වරදකරු වී වසර හයක සිරදඬුවමක් විඳිමින් සිටින ගලගොඩඅත්තේ ඥානසාර හිමියන්ට ජනාධිපති සමාව ලබාදීමට අධිකරණ අමාත්‍ය තලතා අතුකෝරලගේ අනුමැතිය සහිත වාර්තාවක් අවශ්‍ය වන අතර එම ඇමතිවරිය අදාළ අනුමැතිය ජනාධිපතිවරයාට ලබාදී ඇති බව දැනගන්නට ලැබේ.
මැයි 18 වැනි දා ජනාධිපති සිරිසේන සහ ඒ හිමියන් අතර පැයකට ආසන්න සාකච්ඡුාවක් වැලිකඩ බන්ධනාගාරයේදි සිදුවී ඇති අතර එහි ප‍්‍රතිඵලයක් ලෙස ජනාධිපතිවරයා ඒ හිමියන්ට සමාව ලබාදීමේ තීරණය ගෙන ඇති බව දැනගන්නට ලැබේ. මෙම තීරණය සමග පසුගිය මැයි 21 වැනිදා ජනාධිපති ලේකම්වරයා බන්ධනාගාර මූලස්ථානය, අධිකරණ අමාත්‍යාංශය, නීතිපති දෙපාර්තමේන්තුව ආදි ස්ථානවලින් වාර්තා කැඳවා ඇති බවද දැනගන්නට ලැබේ. ඒ අනුව එම සමාව ලබාදීම අනුමත කරමින් අදාළ වාර්තා එම ආයතන ප‍්‍රධානීන් ජනාධිපති ලේකම්වරයා වෙත යොමුකර ඇතැයි නිල නොවන ආරංචි මාර්ගවලින් දැනගන්නට ලැබෙයි. එම සමාව ලබාදීමට අදාළ ලියවිල්ලට ජනාධිපතිවරයා අත්සන් තබා ඇතැයි දැනගන්නට ඇත.
අධිකරණ අමාත්‍ය තලතා අතුකෝරල ජනාධිපතිවරයා සමග පසුගියදා චීනයේ නිල සංචාරයකද නිරත වූවාය. මෙම අනුමැතිය ලබාදීම පිළිබඳව කරුණු දැනගැනීමට ඇය ඇමතූවත් ප‍්‍රතිචාරයක් නොලැබුණි. ඉන්පසු අදාළ අමාත්‍යාංශයේ ලේකම්වරයා ඇමතූ අතර ඔහු නැවත මේ ලියුම්කරු අමතන බව පවසමින් ¥රකථන සම්බන්ධතාව විසන්ධි කළේය.
මැයි 23වැනි දා දහවල් කාලය වනවිටත් ඥානසාර හිමියන් නිදහස් කිරීම පිළිබඳ නිල නිවේදනය නිකුත් කර නොතිබුණි. මේ පිළිබඳව වැලිකඩ බන්ධනාගාරයේ උසස් නිලධාරියෙකු ඇමතූ විට ඔහුද ප‍්‍රකාශ කළේ නිදහස් කිරීමට අදාළ ලිපිය තවමත් ලැබී නැති බවය. බන්ධනාගාර කොමසාරිස්වරයා අධිකරණ අමාත්‍යාංශයට සාකච්ඡුාවක් සඳහා ගොස් තිබෙන නිසා ඔහු එම ලිපිය රැුගෙන පැමිණිය හැකි බවද ඔහු ප‍්‍රකාශ කළේය. මේ අතර බොදුබල සේනා සංවිධානයේ විතාරන්දෙණියේ නන්ද හිමියන් මාධ්‍ය වෙත ප‍්‍රකාශ කර තිබුණේ සමාව දීමට අදාළ ලිපියට ජනාධිපතිවරයා අත්සන් තබා ඇති බවය. ඒ අනුව මැයි 23 වැනි දින සවස් කාලය වනවිට එහිමියන් නිදහස් කරනු ඇති බවය. x
නිල නිවේදනය නිකුත් කර නොතිබුණි. මේ පිළිබඳව වැලිකඩ බන්ධනාගාරයේ උසස් නිලධාරියෙකු ඇමතූ විට ඔහුද ප‍්‍රකාශ කළේ නිදහස් කිරීමට අදාළ ලිපිය තවමත් ලැබී නැති බවය. බන්ධනාගාර කොමසාරිස්වරයා අධිකරණ අමාත්‍යාංශයට සාකච්ඡුාවක් සඳහා ගොස් තිබෙන නිසා ඔහු එම ලිපිය රැුගෙන පැමිණිය හැකි බවද ඔහු ප‍්‍රකාශ කළේය. මේ අතර බොදුබල සේනා සංවිධානයේ විතාරන්දෙණියේ නන්ද හිමියන් මාධ්‍ය වෙත ප‍්‍රකාශ කර තිබුණේ සමාව දීමට අදාළ ලිපියට ජනාධිපතිවරයා අත්සන් තබා ඇති බවය. ඒ අනුව මැයි 23 වැනි දින සවස් කාලය වනවිට එහිමියන් නිදහස් කරනු ඇති බවය. x
මංජු කස්තුරිආරච්චි
