පසුගිය දිනවල කඩු යනු සිංහල දේශපේ්රමින් කිසිදා නොදුටු ආයුධ වර්ගයක් විය. කඩු යනු ලංකාවට ආගන්තුක ආයුධ විශේෂයක් බවට පත්වුණේ මුස්ලිම් විරෝධී දේශපේ්රමීන්ගේ විග්රහ ඇතුලේය. මෙතරම් කඩු මොකටදැයි ප්රශ්නයක් ඔවුන් ඇසීය. සිංහලයන්ව හා කතෝලිකයන්ව ජිහාද් ක්රමයට ඝාතනය කරන්නට යැයි උත්තරයද ඔවුන්ම දුන්නේය.
එස්.එෆ්. ලොකූ යන අන්වර්ථ නාමයෙන් සිටි අනුරාධපුරයේ මනුෂ්ය ඝාතන සැකකරුවෙකු පසු කාලයේදී ‘දේශපේ්රමී කෝලලෙක්‘ ලෙස ප්රසිද්ධ විය. කරාටේ ගුරුවරයෙකු හා අනුරාධපුරයේ රාත්රී සමාජශාලා හිමිකරුවෙකු වන වසන්ත සොයිසාව ආරවුලක් නිසා ඝාතනය කිරීම සම්බන්ධයෙන් ඔහු ඍජු සැකකරුවෙකු විය. පසුව ඔහු සමාජ මාධ්ය හරහා වීඩියෝ ප්රසිද්ධ කරමින් සිංහල ජාතියට ඇති ආලය ගැන කියන්නට උත්සාහ කළේය. අත්අඩංගුවේ සිට 2017 මාර්තු මාසයේදී ලොකූ නමැත්තා ඇප ලැබූ පසුව ඔහුගේ හිතවාදීන් පිරිසක් ප්රසිද්ධියේ හරසරින් ඔහුව පිළිගෙන තිබුණේ, ලොකූ ‘සිංහල දේශපේ්රමියෙකු‘ කියාය. ඉන්පසුව සමාජ මාධ්යවලට ඔහු වීඩියෝවක් එකතු කර තිබුණි.
‘මේක සිංහල රටක්. සුළු ජාතිකයන්ට අපේ දේවල් විකුණන්න හොඳ නෑ. මුස්ලිම් ජාතිය අපේ රට ආක්රමණය කරලා තියෙන්නෙ. පක්ෂ පාට භේදයක් නැතිව මගේ රට ආරක්ෂා කරගන්න ඕනෑ.‘ වැනි අදහස් ඒ වීඩියෝවේදී ඔහු කියා තිබුණේය. එහෙත් ඒ වීඩියෝවේදී එක් දෙයක් කීවේ නැත. වසන්තව ඝාතනය කර තිබුණේ කඩුවලින්ය. ඒ කඩු මුස්ලිම් ගෙදරකින් සොයාගත් ඒවා බව ඔහු කියා නැත. ඒ නිසා එස්.එෆ්. ලොකූ නම් ‘සිංහල දේශපේ්රමියා‘ සතුව කඩු තිබුණු බව පැහැදිළිය.
පසුගිය දිනවල කඩු යනු සිංහල දේශපේ්රමින් කිසිදා නොදුටු ආයුධ වර්ගයක් විය. කඩු යනු ලංකාවට ආගන්තුක ආයුධ විශේෂයක් බවට පත්වුණේ මුස්ලිම් විරෝධී දේශපේ්රමීන්ගේ විග්රහ ඇතුලේය. මෙතරම් කඩු මොකටදැයි ප්රශ්නයක් ඔවුන් ඇසීය. සිංහලයන්ව හා කතෝලිකයන්ව ජිහාද් ක්රමයට ඝාතනය කරන්නට යැයි උත්තරයද ඔවුන්ම දුන්නේය.
එකම එක මුස්ලිම් පල්ලියකින් කඩු තිබුණු බෑගයක් හමුවිය. තවත් පල්ලි දෙකක් ඇතුලෙන් නොව අසලින් කඩු හමුවිය. එහෙත් ලංකාවේ ඇති පල්ලි දහස් ගණනක කඩු තිබෙන බව මවා පෙන්වීමට එය ප්රමාණවත් විය.
ලංකාවේ මුස්ලිම් ජනගහනය ලක්ෂ 19කි. මුස්ලිම් නිවාස ලක්ෂයකට වැඩි ගණනක් පරීක්ෂාවට ලක් කර තිබුණි. පරීක්ෂාවට ලක් කළ නිවාස අතරින් නීතිවිරෝධී ආයුධ හමුවී ඇත්තේ මුස්ලිම් ජනගහනයට සාපේක්ෂව ඉතා අඩු නිවාස සංඛ්යාවකිනි. නිවැරදිම සංඛ්යා දත්ත තහවුරු කරගැනීමේ කටයුත්තෙහි අපි දැනටමත් යෙදෙන අතර, ඉදිරියේදී හරියටම පරීක්ෂා කළ නිවාස සංඛ්යාවත්, නීතිවිරෝධී ආයුධ හමුවූ නිවාස සංඛ්යාවත් කියන්නෙමු. කෙසේවෙතත් බැලූ බැල්මටම වැටලීම්වලින් ලැබුණු ප්රතිඵලය වන්නේ මුස්ලිම්වරුන්ගේ බහුතරය නිරායුධ බවය. ආරක්ෂක අංශ, දේශපාලන නායකයන් හා ජනමාධ්ය ඒ පණිවුඩය හරිහැටි සමාජගත කළේ නැත. කෙසේ වෙතත් නිවෙස්වලින් කඩු හමුවීමේ සිදුවීම් ඇත්තේ 100කට අඩු සංඛ්යාවකි. එයිනුදු කඩු තොග ගණන් හමුවුණේ ස්ථාන 10කට අඩු සංඛ්යාවකිනි. අනෙක් තැන්වල තිබුණේ කඩු එකක් හෝ දෙකක්ය.
අපගේ අදහස නම් වෙනත් ඕනෑ ජනවර්ගයකට අයත් නිවෙස් පිරික්සුවොත් ඔය තරමටම කඩු සොයාගත හැකි බවය. කඩු යනු ලංකාවට ආගන්තුක ආයුධයක් නොවේ. ඒ බව තහවුරු කරනු පිණිස මෑත කාලයේ ලංකාවේ කඩු සම්බන්ධ සිදුවීම්, අපරාධ පිළිබඳව මාධ්යවලින් වාර්තා කළ පුවත් කිහිපයක් යළි සිහිපත් කරන්නට සිතුවෙමු. අපේ්රල් 21 වැනිදාට පෙර දවස් විස්සක මව්බිම පුවත්පත් කිහිපයක් අතට ගත්තොත් කඩු, කිණිසි, තුවක්කු, වෙඩිබෙහෙත්, අත්බෝම්බ ඇතුළු ආයුධත් ඒවායින් කර ඇති අපරාධ ගැනත් රස කරමින් ලියූ ප්රවෘත්ති ඕනෑ තරම් දැකගත හැකිය. කඩු අතැති සිංහලයන් ගැන සිදුවීම් බොහොමයක් අතරින් කිහිපයක් මෙසේය.
කොළඹ වේල්ල වීදියේ වෙඩි තැබීමකට සැකපිට 2019 පෙබරවාරි 18 වැනිදා දිසානායක චනිදු චනිල්ක සංකල්ප නම් 24 හැවිරිදි තරුණ පාතාල ක්රියාකාරිකයෙක්ව අත්අඩංගුවට ගෙන තිබුණි. ඔහු සතුව තිබී කඩුවක්ද අත්අඩංගුවට ගෙන තිබුණි.
පාලිත රංගේබණ්ඩාර අමාත්යවරයාගේ පුත්රයා 2018 ජුනි මාසයේදී බීමත්ව වාහනය පදවා නිවසකට අලාභහානි කර තිබුණි. එම සිදුවීමට අදාල ප්රකාශවල එම වාහනයේ කඩු හා පොලූ තිබුණේයැයි සාක්ෂියක් සටහන්ව තිබී ඇත.
2018 ජුනි 18 වැනිදා කතරගම කොබවක ධම්මින්ද හිමිට වෙඩි තැබීම ගැන සැකපිට අත්අඩංගුවට ගෙන තිබූ කතරගම දේවාලයක කපුවෙක්ව සිටි අසේල බණ්ඩාර නැමැත්තාගේ නිවසේ පතොරම් 10ක්, කිණිසි දෙකක් හා කඩු දෙකක් තිබුණු බව පොලිස් මාධ්ය ප්රකාශකවරයා කියා තිබුණි. ඒ නිවෙසේම දර මඩුවක තිබී එම කපුවාගේ තුවක්කුවත් හමුවී තිබුණි.
අනුරාධපුර වල්ලිකුලම් ප්රදේශයේදී සුජීව නම් ව්යාපාරිකයෙක්ව ඝාතනය කර තිබුණේ 2018 ජුලි මාසයේදීය. ඒ සිදුවීම මාධ්යවලින් විශාල කතාබහකට ලක්ව තිබූ අතර අද මුස්ලිම් ජාතිකයන් ළඟ කඩු ඇතැයි හඬනඟන ලංකා සී නිව්ස් වෙබ් අඩවියේ තිබුණු ප්රවෘත්තියක සටහන් කර තිබුණේ එම ව්යාපාරිකයා පුල්ලයාර් චමින්ද නම් තැනැත්තෙකුගේ අත කඩුවකින් කපා වෙන්කර ඇති බවත්, තවත් පුද්ගලයන් කිහිපදෙනෙක්වම කඩුවලින් කපා ඝාතනය කර ඇති බවත්ය.
2018 අගෝස්තු මාසයේදී මල්වත්තේ මංජු නමැති මැරයා කඩු දෙකක් සමඟ අත්අඩංගුවට ගෙන තිබුණි. මල්වත්තේ මංජු හා සරත් ෆොන්සේකා හිටපු අමාත්යවරයා අතර සම්බන්ධයක් ඇති බවට චෝදනා පවා එල්ලවූ නිසා ඒ සිදුවීම කතාබහට ලක්විය. මේ සිදුවීම් සියල්ලෙහිම ඉන්නේ සිංහල ජාතිකයන්ය.
මහනුවර පුෂ්පදාන මාවතේදී 2018 අගෝස්තු 21 වැනිදා පාන්දු ගිනි අවි 3ක්, උණ්ඩ, කඩු, ව්යාජ වාහන අංක තහඩු හා මාංචු කුට්ටමක් සොයාගෙන තිබුණි. මෙසේ අත්අඩංගුවට ගත් පුද්ගලයන් අතරින් කෙනෙක් ඇමතිවරයෙකුගේ සම්බන්ධීකරණ ලේකම්වරයෙකු බව කියැවුණි.
2017 අපේ්රල් 12 වැනිදා යුධ හමුදාවෙන් පලාවිත් කොල්ලකෑම්වල යෙදුණු බව කියන පුද්ගලයෙක්ව ජීව අත්බෝම්බයක් හා කඩු දෙකක් සමඟ මුන්දලම පොලීසිය අත්අඩංගුවට ගෙන තිබුණි. ඔහු ප්රදේශයම බියට පත්කළ භයානක අපරාධකරුවෙකු යැයි ප්රසිද්ධ වී සිටියේය.
හැඳල නිමලමරිය මාවතේ රන්දීර් රොද්රිගු නම් එජාප පළාත් සභා මන්ත්රීවරයාගේ නිවෙස 2017 ඔක්තෝබර් 23 වැනිදා වැටලීමේදී ගිනිඅවි උණ්ඩ, පුපුරන ද්රව්ය, කඩු, කිණිසි ආදිය හමුවූ බව මාධ්ය වාර්තා කර තිබුණි.
2012 ජුනි 01 වැනිදා පානදුර කළුදෑවල පදිංචිව සිටි 17 හැවිරිදි තරුණයෙකුගේ අත කඩු පහරකින් වෙන්ව තිබුණි. ඉන්පසුව දීර්ඝ සැත්කමකින් පසුව එම තරුණයාගේ අත නැවත බද්ධ කර තිබුණු නිසා එය ලංකාවේ සෞඛ්ය සේවය ලද ජයග්රහණයක් ලෙස කතාබහට ලක්විය.
2012 ඔක්තෝබර් 25 වැනිදා ගාල්ලේ ව්යාපාරිකයෙකු වූ කුමාර සෙනෙවිරත්නව හෙවත් දංගෙදර කුමාරව ගාල්ල ඩික්සන් හන්දිය මැද්දේ කපා මරා දැමුවේ කඩු දෙකක් හා මුගුරක් රැුගෙන ආ සිව්දෙනෙක්ය. මේ සිව්දෙනාගෙන් එක් අයෙක්වත් මුස්ලිම් ජාතිකයන් නොවේ. පෝනි සුරංග, ෂයිනි, රත්ගම පැතුමා, බංගලියද්දේ ජානක යන අන්වර්ථ නාමවලින් හැඳින්වූ පාතාල මැරයන්ය.
මීගමුවේ සිට හලාවත දෙසට යද්දී හමුවෙන වයික්කාල ප්රදේශයේ කම්මල් ගණනාවක් ඇත. ඒවායේ ඉදිරිපිට පිහි ආදිය විකුණන්නට තබා ඇති අයුරු හලාවත පාරේ යන එන අය දැක ඇතිවාට සැක නැත. 2018 මැද භාගයේදී ඒ කම්මල්කරුවන් ගැන විශේෂංග ලිපියක් සඳහා ඔවුන්ව සම්මුඛ සාකච්ඡුාවලට ලක් කරන්නට ගිය අපට අපූරු කාරණාවක් දැනගත හැකි විය. ඔවුන් පාරේ යන එන අයට පිහි විකිණීමෙන් ආදායමක් ලැබුවද, ඔවුන්ගේ එක් විශේෂ ආදායම් මාර්ගයක් වන්නේ ඇණවුම්වලට කඩු හා කිණිසි ආදිය විකිණීමයි. ඔවුන් කී ලෙස මීගමුව ආශ්රිතව බොහෝ දෙනෙක් තම නිවෙස්වල තබාගැනීමට කඩු තනවාගනියි. එක් පැත්තක මුවහත ඇති මිල අඩුම කඩුවක් රුපියල් 15,000ක් පමණ වෙයි. එක් තැනක ඇණවුමක් මත තනා තිබුණු කඩු දෙකක් ඡුායාරූපයට නැගීමටද අපට හැකිවිය. කඩු තැනීම නීතිවිරෝධී වුව ඔවුන් කඩු නිර්මාණය කිරීමට හෝ ළඟ තබාගැනීමට එකල බියක් නොදැක්වීය. ඒ කඩු සොයා අත්අඩංගුවට ගනු ඇතැයි බියක් ඔවුන්ට නොතිබුණු නිසාය. වඩාත් අවංක වුණොත් ලියුම්කරුගේ නිවසේද පැරණි කඩුවක් තිබුණු අතර එය මල බැඳී දිරායෑම නිසා මෑත කාලයේදී විසිකර තිබුණි.
කඩු ආදිය නීතිවිරෝධී ආයුධ වන නිසා ඒවා තබාගත් අය සම්බන්ධයෙන් නියමිත නීතිය ක්රියාත්මක කිරීම ගැටලූවක් නොවේ. මෙවැනි ආයුධ බොහෝවිට පවුල් ආරවුලක ඝාතනයක් සඳහා පාවිච්චි වෙයි. එක් ජනවර්ගයක නොව, හැම ජනවර්ගයකටම අයිති නිවෙස් මෙලෙස එකවර සෝදිසි කළොත් තවත් ආයුධ සොයාගත හැකිවනු ඇත. එහෙත් කඩුව යනු ත්රස්තවාදීන්ගේ ආයුධයක් නොවේ. එහෙත් ගිනිපෙනෙල්ලෙන් පහරකෑ පසු කණාමැදිරි එළිය පෙන්වා බිය කිරීම අසීරු නොවන බව බිය පතුරුවනු කැමති ලංකාවේ මාධ්ය දැන සිටි නිසා කඩුවෙන් ත්රස්තවාදයක් පෙන්වීමට ජනමාධ්යවලට හැකිවිය.
