ආරක්ෂාව සම්බන්ධයෙන් රට තුළ ඇතිවී ඇති ව්යාකූල තත්වය හමුවේ පොලීසිය භාර අමාත්යවරයා ලෙස ෆීල්ඞ් මාෂල් සරත් ෆොන්සේකා පත්කළ යුතු බවට වූ යෝජනාවකට ජනාධිපතිවරයා මුලින් කැමැත්ත ප්රකාශ කර ඇතත් ෆොන්සේකා මහතා පාර්ලිමේන්තුවේ කළ ප්රකාශයෙන් පසු එම කැමැත්ත ඉවත් කරගෙන ඇත.
අප්රේල් 24 දින පාර්ලිමේන්තුව අමතමින් ෆීල්ඞ් මාෂල් සරත් ෆොන්සේකා ජාතික ආරක්ෂාව සම්බන්ධයෙන් දැඩි ප්රකාශයක් කරනු ලැබූ අතර එහිදී ජනාධිපතිවරයා, අගමැතිවරයා හා ආරක්ෂක රාජ්ය අමාත්යවරයාද විවේචනය කරනු ලැබීය.
එමෙන්ම මෙම ප්රහාරවල වගකීම තමන් ඇතුළු ආණ්ඩුව බාරගත යුතු බවද කීවේය. තවද ආරක්ෂාවට අදාල අමාත්යධුරවලට පුද්ගලයන් පත්කිරීමේදී හා තනතුරුවලට පුද්ගලයන් පත් කිරීමේදී ඒ සඳහා සුදුසුකම් ඇති පුද්ගලයන් පත්කළ යුතු බවටද අවධාරණය කළේය.
එසේම අග්රාමාත්ය රනිල් වික්රමසිංහ විවේචනය කරමින් ඔහු පැවසුවේ ප්රහාරය එල්ලවී පැය 48ක කාලයක් යන තෙක් ඔහුට අග්රාමාත්යවරයා හමුවීමට අවස්ථාවක් නොලැබුණ බවයි. ■
