බස්නාහිර පළාත් ප්‍රධාන ඇමති ඉසුර දේවප්‍රිය උදාහරණයට ගනිමින් වෙනත් පාසල්වලටද දේශපාලනඥයන්ගේ නම් භාවිත කිරීමේ උත්සාහයක් පවතින බව ලංකා ගුරු සංගමයේ ලේකම් ජෝසප් ස්ටාලින් අනිද්දාට පැවසීය.
ජීවත්ව සිටින කිසිදු පුද්ගලයෙකුගේ නමක් පාසලකට හෝ පාසල් ගොඩනැගිල්ලකට නම් නොකරන ලෙසට අධ්‍යාපන අමාත්‍යාංශය චක්‍රලේඛයක් නිකුත් කර ඇතත් බුළුගහමුල්ල ශ්‍රී විජය විද්‍යාලයේ සහ කිරිඳිවෙල සංඝමිත්තා විද්‍යාලයේ එසේ නම් වෙනස් කිරීමේ සූදානමක් ඇති බව ඒ මහතා පැවසීය.
කෝට්ටේ, මාදිවෙල රාහුල විද්‍යාලයේ නම ඉසුර විද්‍යාලය ලෙස නම් කිරීම පිළිබඳව අනිද්දා කළ විමසීමකදී බස්නාහිර පළාත් ප්‍රධාන අමාත්‍ය ඉසුර දේවප්‍රිය පවසා සිටියේ අදාළ පාසලේ නම වෙනස් කිරීම තමන් කළ දෙයක් නොව එම පාසලේ ආදි ශිෂ්‍යයන් හා දෙමාපියන් කරන ලද්දක් බවත් සමාජ මාධ්‍යවල සිටිනා පුද්ගලයන් කරුණු කාරණා නොදැන කතා කරන බවත් ය. ■
