සුමන්තිරන්
පක්ෂපාතීත්වයක් නොමැතිව යුද අපරාධ සම්බන්ධ නඩු විභාග කිරීම සඳහා ශ‍්‍රී ලංකා රජයට වුවමනාවක් ඇත්නම් අනිවාර්යයෙන්ම විදේශීය විනිශ්චයකාරවරුන් සම්බන්ධ කර ගැනීමට අවශ්‍ය බවත්, එසේ සම්බන්ධ කර නොගතහොත් තම පක්ෂය ඊට එකඟ නොවන බවත්
දෙමළ ජාතික සන්ධානයේ පාර්ලිමේන්තු මන්ත්රී එම්.ඒ. සුමන්තිරන් මාර්තු 27 වන දින ‘ගගන’ වෙබ් අඩවිය සමග කළ සම්මුඛ සාකච්ඡුාවකදී පවසා ඇත.
දඬුවම් දෙන ලෙස ඉල්ලා සිටින්නේ, ජාත්‍යන්තර යුද නීති උල්ලංඝනය කරමින් යුද්ධය මුවාවෙන් කළ ඝාතන හා ස්ත‍්‍රී දූෂණ පිළිබඳව යුක්තිය ඉටු විය යුතු නිසා බවත් ඔහු කියා ඇත.
ජාත්‍යන්තර නීතිය උල්ලංඝනය කරමින් කටයුතු කළ බවට සාක්ෂි ලැබී ඇති බවත් ඒ මහතා පවසා සිටියි. අතීතය අමතක කර දමා සමාව දෙන්නයැයි අග‍්‍රාමාත්‍ය රනිල් වික‍්‍රමසිංහ පැවසුවද එය තමා දකින්නේ විහිළුවක් ලෙස බවත්, එසේ සමාව දෙනවා නම් එය තීරණය කළ හැක්කේ නඩු විභාගයකින් අනතුරුව වරද කුමක්දැ’යි, වරදකරුවන් කවුරුදැ’යි දැනගත් පසුව බවත් ඔහු වැඩිදුරටත් පවසා ඇත. x
