ශ‍්‍රී ලංකාවේ මානව හිමිකම් තත්වය සම්බන්ධයෙන් තමන් ඉදිරිපත් කළ වාර්තාව හා තමන්ගේ අදහස් පළකිරීම් සම්බන්ධයෙන්, ජිනීවාහි සිට පැමිණි උතුරු පළාත් ආණ්ඩුකාර සුරේන් රාඝවන් ලංකාවේදී කර ඇති ප‍්‍රකාශය කරුණු විකෘති කරමින් හා වැරදි අර්ථකථනයක් ලබාදෙමින් කර ඇති එකක් බව එක්සත් ජාතීන්ගේ මානව හිමිකම් මහා කොමසාරිස් මිචෙල් බැචලේ මහත්මිය නිවේදනයක් නිකුත් කරමින් සඳහන් කර ඇත.
ඇය ශ‍්‍රී ලංකාව සම්බන්ධයෙන් ඉදිරිපත් කළ වාර්තාවේ හා ප‍්‍රකාශවල වැරදි සහ අඩුපාඩු රැුසක් තිබූ බව උතුරු පළාත් ආණ්ඩුකාරවරයා මාධ්‍යයට අදහස් දක්වමින් ප‍්‍රකාශ කර තිබුණි. ආණ්ඩුකාරවරයාගේ එම ප‍්‍රකාශ නිවැරදි නොවන බවත්, එක්කෝ මාධ්‍ය විසින් එම ප‍්‍රකාශ වැරදි ලෙස අර්ථකථනය කර ඇති බවත් එහි දැක්වේ.
තමන් සහ ශ‍්‍රී ලංකා නියෝජිත පිරිස අතර සිදු කළ සාකච්ඡුාව උඩුයටිකුරු කිරීම සම්බන්ධයෙන් තමන්ට දැඩි කලකිරීමක් ඇති බවද ඇය සඳහන් කර ඇත.
මානව හිමිකම් කවුන්සිලයේ යෝජනා 30/1 (2015* සහ 34/1 (2017* ක‍්‍රියාත්මක කිරීම සඳහා ශ‍්‍රී ලංකා රජය සහ ජනතාව වෙත සහාය වීමට ඇය සහ ඇගේ කාර්යාලය කැපවී සිටින බවත්, මානව හිමිකම් කවුන්සිලයේ තවත් යෝජනාවක් වන 40/1 මඟින් මීට සිව්වසරකට පෙර පිළිගත්, කළයුතු කැපවීම් සම්පූර්ණයෙන්ම ඉටු කිරීමට තවත් වසර 2ක කාලයක් ලබා දී ඇති බවත් එහි සඳහන් කර ඇත. x
