මේ වසරේ පැවැත්වීමට නියමිත ජනාධිපතිවරණය ශ්රී ලංකාවේ අපූරු ජාතික මැතිවරණයක් වීමට නියමිත ය. ඒ, ශ්රී ලංකා පොදුජන පෙරමුණ ප්රමුඛ සන්ධානයේ අපේක්ෂකයා වශයෙන් ගෝඨාභය රාජපක්ෂ ඉදිරිපත් වීමට ඇති හැකියාව නිසා ය. ඒ අපේක්ෂාවෙන් යුතුව, රාජපක්ෂ කඳවුර ගෝඨාභය රාජපක්ෂ ඔසවා තැබීමට මේ වන විට තදින්ම යුහුසුළුව සිටී. ඔහුගේ ඇමරිකානු පුරවැසි භාවය එකී අපේක්ෂකත්වය ඉදිරියේ ඇති බාධකයක් වෙතත්, රාජපක්ෂ කඳවුරට සම්බන්ධ ව්යාපාරිකයෙකුගේ ඉංග්රීසි පුවත්පතක් පසුගිය සතියේ වාර්තා කර තිබුණු පරිදි, ඔහුගේ ඇමරිකානු පුරවැසි භාවය අත්හැරීම සඳහා වන අයදුම්පතක් පසුගිය මාර්තු 6 වැනි දා ගෝඨාභය රාජපක්ෂ විසින් කොළඹ ඇමරිකානු තානාපති කාර්යාලයට භාර දී තිබේ.
රාජපක්ෂ පවුලට ඉතා සමීප පුද්ගලයෙකු සංස්කාරකත්වය දරණ තවත් සිංහල පුවත්පතක් පසුගිය සතියේ වාර්තා කොට තිබුණු පරිදි, පවුලේ වෙනත් සාමාජිකයන් සමග දීර්ඝ වශයෙන් සාකච්ඡුා කිරීමෙන් පසුව මහින්ද රාජපක්ෂ ශ්රී ලංකා පොදුජන පෙරමුණේ ජනාධිපති අපේක්ෂකයා වශයෙන් ගෝඨාභය රාජපක්ෂ නම් කිරීමට තීරණය කර තිබේ. ශ්රී ලංකා පොදුජන පෙරමුණේ ‘දේශපාලන මණ්ඩලය’ සමන්විත වන්නේ රාජපක්ෂ පවුලේ උදවියගෙන්ම මිස වෙන කිසිවෙකුගෙන් නොවන නිසා, පක්ෂයේ සාමාන්ය සාමාජිකත්වය එම තීරණය පොදුවේ පිළිගෙන තිබේ. ඔහුගේ අපේක්ෂකත්වයට කලින් විරෝධය පෑ වාසුදේව නානායක්කාරත් ඒ අතර වෙයි.
ඇමරිකානු පුරවැසි භාවය ඉල්ලා අස්කර ගැනීමේ අයදුම්පතක් ඉදිරිපත් කළ පමණින්, හිටපු ආරක්ෂක ලේකම්වරයාගේ ඇමරිකානු පුරවැසි භාවය අවලංගු කර ගැනීම, මේ වසරේ පැවැත්වෙන ජනාධිපතිවරණයට කලින් සාර්ථක කර ගැනීමට හැකි වෙතැයි කිව නොහේ. ඔහුගේ අයදුම් පත ඇමරිකානු ආණ්ඩුවේ විමර්ශනයට ලක්වන්නේය. ඔවුන්ගේ තීරණය අවසාන තීරණය වනු ඇත. ගෝඨාභයගේ අයදුම්පත ප්රතික්ෂේප කරන ලෙස ඉල්ලා කෙරෙන බලවත් බලපෑම් දැනටමත් ඇමරිකාව තුළ ක්රියාත්මක වෙමින් තිබේ.
හිටපු ආරක්ෂක අමාත්යාංශ ලේකම්වරයා කල්යල් ඇතිව සිය අභිමතාර්ථ සාධනය කර ගැනීමට සමත් වුවහොත්, ශ්රී ලංකා පොදුජන පෙරමුණ පෙරටු කරගත් සන්ධානයේ ජනාධිපති අපේක්ෂකයා ඔහු වීමට බොහෝ කොට ඉඩ තිබේ. තම අයදුම්පතේ සාර්ථකත්වය සම්බන්ධයෙන් ‘සැක කිරීමට’ හේතුවක් නැතැයි ඔහු කියා ඇතත්, එම කාරණය තවම පවතින්නේ අවිනිශ්චිතව ය. ඊළඟ මාසයේ ඔහු පෞද්ගලික කාරණයක් සඳහා ඇමරිකාවට යාමට නියමිත ය. එහිදී, තමන්ගේ පුරවැසි භාවය ඉදිරි මාස දෙකක කාලය තුළ ඉවත් කර ගැනීම අරභයා ඇමරිකානු බලධාරීන් සමග සාකච්ඡුා කිරීමට නියමිත බව ඔහුට සමීප ආරංචි මාර්ග පවසයි.
එක්සත් ජාතික පක්ෂය
ගෝඨාභය රාජපක්ෂ ඉදිරි ජනාධිපතිවරණයට ඉදිරිපත් වීමට ඇති ඉඩකඩ ගැන පසුගිය 21 වැනි බ්රහස්පතින්දා පැවති එක්සත් ජාතික පක්ෂයේ ක්රියාකාරී කමිටුවේදීත් සාකච්ඡුාවට ලක්විය. එක්සත් ජාතික පක්ෂ ජ්යෙෂ්ඨයන්ගෙන් බොහෝ දෙනාගේ මතය වන්නේ පොදුජන පෙරමුණේ අපේක්ෂකත්වය ඔහුට ලැබෙන බව ය. එහෙත්, සජිත් පේ්රමදාස, මංගල සමරවීර සහ නවීන් දිසානායක වැනි පිරිස් කියන්නේ, ශී්ර ලංකා පොදුජන පෙරමුණේ වෙනත් ඕනෑම අපේක්ෂකයෙකු පරාජය කරනවාට වඩා පහසුවෙන් ගෝඨාභය රාජපක්ෂව පරාජය කළ හැකි බවයි. ඒ කෙසේ වෙතත්, ශක්තිමත් සිංහල බෞද්ධ ඡුන්ද පදනමක් කෙරෙහි විශ්වාසය තබා සිටින ගෝඨාභය රාජපක්ෂත් සැලකිය යුතු චරිතයක් බව අමතක කළ යුතු නැත. ඔහු දැනටමත්, ඕනෑම වියදමක් දරා රටේ දේශපාලන ස්ථාවරත්වය ස්ථාපිත කළ හැකි ‘දැඩි විනයධරයෙකු’ පිළිබඳ චිත්රයක් තමා වටා ගොඩනගාගෙන තිබේ. යකඩ හස්තයකින් රට පාලනය කිරීමට තමා තුළ ඇති කැමැත්ත ඔහු වසංගන්නේ නැත. ආරක්ෂක අමාත්යාංශ ලේකම්වරයා වශයෙන් වසර දහයක ඔහුගේ කෙරුවාව දෙස බැලීමේදීත්, රටේ ජනාධිපතිවරයා වශයෙන් ඔහු අති-ජාතිකවාදී විය හැකි බවත්, ආණ්ඩුවෙන් හෝ ආණ්ඩුවෙන් පිටස්තර වෙනස් අදහස්වලට කිසි ඉඩක් නොතබන අධිකාරීවාදී පාලකයෙකු විය හැකි බවත්, පැහැදිලි වෙයි.
ආරක්ෂක අමාත්යාංශ ලේකම්වරයා වශයෙන් ගෝඨාභය රාජපක්ෂගේ කැරැට්ටුව සම්බන්ධයෙන් බරපතල ප්රශ්නාර්ථ ගණනාවක් තිබේ. සුදුවෑන්වලින් පැහැරගෙන යාම්, අනීතික ඝාතන සහ මාධ්යවේදීන්ට කළ පහරදීම් සිදුවූයේ ඔහුගේ ඇල්ම බැල්ම යටතේ ය. එසේම මහ පරිමාණ ¥ෂණ සිදුවීම් කිහිපයකටත් ඔහුගේ නම ගෑවී තිබේ. මිග් යානා ගනුදෙනුව සහ ඞී. ඒ. රාජපක්ෂ කෞතුකාගාරයක් මහජන මුදලින් හම්බන්තොට ඉදිකිරීම ආදිය ඒ අතර වෙයි. මේ දෙවැනුව කී සිද්ධිය දැන් විශේෂ මහාධිකරණය ඉදිරියේ විභාගයට ගැනෙමින් තිබේ. එබැවින් ඔහුගේ ජනාධිපති අපේක්ෂකත්වය ප්රශ්න රාශියකට තුඩුදෙන කාරණයක් වනු ඇත.
පරාජය වූ රාජපක්ෂ පාලනය තුළ විශේෂ කාර්ය භාරයක් ඉෂ්ට කළ ගෝඨාභය රාජපක්ෂට ‘සරිලන’ අපේක්ෂකයෙකු තමන්ගේ පැත්තෙන් ඉදිරිපත් කළ යුතු බවට අදහසක් එක්සත් ජාතික පක්ෂයේ ඇතැම් කණ්ඩායම් තුළ තිබේ. පොදු අදහස වන්නේ, සම්ප්රදායික රාජපක්ෂ ඡුන්ද පදනම කඩා දැමිය හැකි ජනප්රිය ජාතිකවාදී චරිතයක් එක්සත් ජාතික පක්ෂයෙන් ඉදිරිපත් කළ යුතු බව ය. ඒ අදහසේ අරුමෝසම් ගතියක් ඇතත්, ඒ සූදුව භාර ගැනීමට හැකියාවක් එක්සත් ජාතික පක්ෂයට තිබේද යන්න ප්රශ්නයකි. විශේෂයෙන්, මෛත්රීපාල සිරිසේන සමග සිදු කළ යහපාලනික අත්හදාබැලීමේ තිත්ත ගතියත් තවම ඇති තත්වය තුළ එය ප්රශ්නයකි.
එක්සත් ජාතික පක්ෂයේ පරමාදර්ශී ජනාධිපති අපේක්ෂකයා, රාජපක්ෂලා ඉදිරිපත් කරන වැඩපිළිවෙලට ‘ඉඳුරා වෙනස්’, එක්තරා ආකාරයක ‘පැකේජයක්’ ඉදිරිපත් කළ යුතුව තිබේ. ඒ මගින්, රාජපක්ෂ මාදිලියේ ආණ්ඩුවක් හරහා රට ගමන් කරනු ඇත්තේ අවුලකට බව ඡුන්දදායකයාට අවබෝධ කරවන ගතියක් ඒ ‘පැකේජය’ තුළ තිබිය යුතුය. සියලූ ජාතීන්ගේ සහ ආගමික ප්රජාවන්ගේ අයිතීන් ආරක්ෂා කර දිය හැකි බවට වන අතීත චර්යාවක් එක්සත් ජාතික පක්ෂ අපේක්ෂකයා සතුව තිබිය යුතු අතර, මොන විදිහකින්වත් ඔහු අති-ජාතිකවාදියෙකු නොවිය යුතුය.
එසේම, ගෝඨාභය රාජපක්ෂගේ පුද්ගල ස්වභාවයට ප්රතිපක්ෂව, එක්සත් ජාතික පක්ෂයේ ජනාධිපති අපේක්ෂකයා පාර්ලිමේන්තු ප්රජාතන්ත්රවාදය කෙරෙහි නොසැලෙන විශ්වාසයක් ඇති පුද්ගලයෙකු විය යුතුය. ඔහු හෝ ඇය මුහුකුරා ගිය පුද්ගලයෙකු විය යුතුය. පහසුවෙන් නොනැමෙන, කෙලින් සිටිය හැකි පුද්ගලයෙකු විය යුතුය. විවිධ අදහස් දරණ මිනිසුන් සමග කටයුතු කළ හැකි පුද්ගලයෙකු විය යුතුය. ඒ සියල්ල සමග, තිරසාර සංයුක්ත සමාජ ආර්ථික සංවර්ධනයක් පිළිබඳ දීර්ඝ කාලීන දැක්මක් සහිත පුද්ගලයෙකු විය යුතුය. රට සඳහා වන එවැනි දැක්මක් පැහැදිලිව රට ඉදිරියේ තැබිය හැකි පුද්ගලයෙකු මිස, ගැලරියට කතා කරන, සියල්ලන්ගේ සිත්සතන් පිනවීමට බලන ලාභ ජනප්රියවාදී පුද්ගලයෙකු නොවිය යුතුය.
මේ අතර, එක්සත් ජාතික පක්ෂය සමග මොන ආරාවුල් තිබුණත්, ජනාධිපති මෛත්රීපාල සිරිසේන, එක්සත් ජාතික පක්ෂ නායකත්ව මට්ටමේ සැඟවුණු ‘සිරිසේන නිකායක්’ වගා දිගා කර ගැනීමටත් මේ වන විට සමත්ව සිටින බව පෙනේ. ජනාධිපතිවරයාව මුරුංගා අත්තේ තබා වර්ණනා කරන්නේ ඔවුන් ය. නිල කැබිනට් මණ්ඩලයේ තීරණ පවා වෙනස් කෙරෙන ජනාධිපතිවරයාගේ ක්රියාවන්ට ප්රශ්න කිරීමකින් තොරව සහාය පළකරන්නේ ඔවුන් ය.
මේ අසාමාන්ය සුහද සන්ධානය පසුපස නියත වශයෙන්ම ඇත්තේ ව්යාපාරික පුරුකකි. ඒ, තිරය පසුපස සිට නූල් සූත්තර අටවන ධන කුවේරයන්ගේ බලපෑමයි. එවැනි ධන කුවේරයන් ජනාධිපති සිරිසේන සමගත් මේ කියන එක්සත් ජාතික පක්ෂයේ ‘සිරිසේන නිකාය’ සමගත් කිට්ටුවෙන් කටයුතු කරන බව සහ ඒ දෙපාර්ශ්වය කෙරෙහිම දැඩි බලපෑම් කරන බව නොරහසකි. ඒ අනුව, එක්සත් ජාතික පක්ෂයේ ඉදිරි ජනාධිපති අපේක්ෂකයා ඒ ‘සිරිසේන නිකායේ’ කෙනෙකු ද නොවිය යුතුය. එවැනි මෝඩ සූදුවකට ගියොත්, අවස්ථාවෙන් ප්රයෝජන ගනිමින් තම බලය තහවුරු කර ගැනීමට බලන කුප්රකට ව්යාපාරිකයන්ගේ සහ ජාවාරම්කාර තැරැුව්කරුවන්ගේ කෙළිබඩුවක් බවට එක්සත් ජාතික පක්ෂය පත්වීම නොවැළැක්විය හැකිය. එය, රාජපක්ෂ පවුලේ කිසි සමාජිකයෙකුට වඩා එක්සත් ජාතික පක්ෂය කෙරෙහි වින කටින කාරණයක් වනු නොඅනුමානයි.
මේ නිසා ස්වකීය ජනාධිපති අපේක්ෂකයා පිළිබඳ තීරණයක් ගැනීමේදී එය බුද්ධිමත් තීරණයක් වන බවට වගබලා ගැනීම පක්ෂයේ වගකීමකි. පක්ෂයේ සාමූහික ‘හැඟීම්බර මොළයට’, ජනකාන්ත-ජාතිකවාදියෙකු ඉදිරිපත් කිරීම ආකර්ශණීය විය හැකි වෙතත්, අවසාන තීරණය පැමිණිය යුත්තේ පක්ෂයේ ‘තාර්කික මොළයෙනි’. එය, මේ මැතිවරණයෙන් අනාගතයට ඇති කළ හැකි අතිශය වැදගත්කම පරිස්සමින් පරීක්ෂාවට ගෙන එළැඹෙන තීරණයක් විය යුත්තේය.
රසික ජයකොඩි
2019 මාර්තු 25 වැනි දා ‘කලම්බු ටෙලිග්රාෆ්’ වෙබ් අඩවියේ පළවූ
Gota’s Presidential Candidacy & UNP’s ‘Sirisena Nikaya’
නැමැති ලිපියේ සිංහල පරිවර්තනය
‘යහපාලනය ලංකා’ අනුග්රහයෙනි.
