ගෝඨාභය රාජපක්ෂව තම කණ්ඩායමේ ජනාධිපතිවරණ අපේක්ෂකයා ලෙස බාරගැනීමට ඒකාබද්ධ විපක්ෂයේ බොහෝ නායකයන් සූදානම්ව සිටින බව පසුගිය සති කිහිපයේදී ඒ පාර්ශ්වයේ මන්ත්රීවරුන් නිර්නාමිකව හා නිල වශයෙන් විවිධ මාධ්‍ය වෙත කර තිබුණු අදහස් දැක්වීම් වලින් පෙනී යන්නේය. අනිද්දා පසුගිය සතියේ වාර්තා කළ අන්දමින්ම, මහින්ද රාජපක්ෂද ගෝඨාභය රාජපක්ෂව මීළඟ ජනාධිපතිවරණ අපේක්ෂකයා ලෙස බාරගැනීමට එකඟ වී ඇත. ඒ අනුව ගෝඨාභය රාජපක්ෂට තමන්ගේ පුරවැසිභාවය පිළිබඳ ප‍්‍රශ්ණය විසඳාගත හැකි වුවහොත් මීළඟ ජනාධිපතිවරණ අපේක්ෂකයා බවට පත්විය හැකිය. තවමත් ගෝඨාභය රාජපක්ෂගේ පුරවැසිභාවයේ ප‍්‍රශ්ණය විසඳී නැත. ගෝඨාභය ඇමෙරිකානු පුරවැසියෙකි.
කෙසේ වෙතත් පුරවැසිභාවය පිළිබඳ ප‍්‍රශ්ණය තිබියදීම ගෝඨාභය රාජපක්ෂව මීළඟ ජනාධිපතිවරණ අපේක්ෂකත්වයට සූදානම් කිරීමට ඒකාබද්ධ විපක්ෂ පිළ එකඟ වී තිබේ. ඇතැම්විට ද්විත්ව පුරවැසියෙක් ලෙසම ජනාධිපතිවරණයට ඔහු විසින් නාමයෝජනා ඉදිරිපත් කිරීමටද ඉඩ තිබේ. ඒ කතාබහ ඉදිරියට තබාගත යුතුය.
දැනට පැහැදිළිව පෙනෙන කාරණය නම් මහින්ද රාජපක්ෂ විසින් ගෝඨාභය රාජපක්ෂව ජනාධිපතිවරණ අපේක්ෂකයා ලෙස පිළිගැනීමට අකැමැත්තෙන් වුව කැමති වී තිබෙන බවය. මහින්ද රාජපක්ෂ ගෝඨාභය රාජපක්ෂව අපේක්ෂකයා ලෙස පිළිගැනීමට අකමැති බව අපි කියන්නේ කෙසේදැයි කෙනෙකුට විමසිය හැකිය. පැහැදිළි උත්තරය පසුගිය කාලය තුළදී ඒකාබද්ධ විපක්ෂ කණ්ඩායම විසින්ම ලබාදී ඇත. ජනාධිපතිවරණ අපේක්ෂකත්වය ලබාගැනීම වෙනුවෙන් සංවිධාන නිර්මාණය කරගනිමින්, රැුස්වීම් පවත්වමින්, හොරගල් අවුලමින් ගෝඨාභය රාජපක්ෂ විසින් කාලය ගත කළ අන්දම පහුගිය කාලයේදී දකින්නට ලැබුණි. ගෝඨාභය රාජපක්ෂ ජනාධිපතිවරණ අපේක්ෂකත්වය ලැබීමේ වුවමනාවෙන් කටයුතු කරන අතරේ මහින්ද රාජපක්ෂ මෛත‍්‍රීපාල සිරිසේන සමඟ එකඟතාවයක් ඇතිකරගනිමින්, කුප‍්‍රකට ඔක්තෝබර් 26 කුමන්ත‍්‍රණය දියත් කිරීමද මහින්දගේ අකැමැත්තෙහි එක් ප‍්‍රකාශණයකි.
දැන් නම් මහින්ද රාජපක්ෂ හිටපු ජනාධිපතිවරයාට ගෝඨාභය රාජපක්ෂව මීළඟ ජනාධිපතිවරණ අපේක්ෂකයා ලෙස පිළිගැනීම හැර අන් කිසි විකල්පයක් නැත. මහින්ද රාජපක්ෂ මහතා විසින් පිළිගත්තද, නොගත්තද ගෝඨාභය රාජපක්ෂ ළඟට මහින්ද රාජපක්ෂගේ සුචච කීකරු අතවැසියන් එකිනෙකා ළංවෙමින් සිටින්නේය. මහින්ද රාජපක්ෂට ඇති සංකේත වටිනාකම හැර තවදුරටත් මහින්ද රාජපක්ෂ සමඟ දේශපාලන අනාගතයක් ගැන ඒ අතවැසියන් සිහින දකින්නේ නැත. උදය ගම්මන්පිල, විමල් වීරවංශ ඇතුළු නායකයන් මේ වෙද්දී ප‍්‍රසිද්ධියේ ගෝඨාභය රාජපක්ෂව ප‍්‍රවර්ධනය කිරීමේ කටයුත්තට බැස හමාරය. ඒ නිසාම මහින්ද රාජපක්ෂගේ තීරණ ඉහ මුදුනින් පිළිගන්නටත් ඒ කණ්ඩායම සූදානම් නැත. මියැදෙමින් සිටින සුනඛයෙකුගේ ඇෙÛන් මැක්කන් එකිනෙකා ඉවත්වෙන සේ, දුර්වල වෙමින් සිටින වහල් හිමියාගෙන් අලූත් වහල් හිමියෙක් කරා ඔවුන් මාරුවෙමින් සිටියි.
ඒ අනුව සිංහල ජාතිකවාදය නියෝජනය කරන එම කඳවුරේ නායකත්වය මහින්ද රාජපක්ෂගෙන් ගෝඨාභය රාජපක්ෂගේ අතට මාරුවෙමින් පවතින බව පෙනෙන්නට තිබෙන්නේය.
එය තහවුරු වෙන සිදුවීම්ද ඇත. මහින්ද රාජපක්ෂ විධායක ජනාධිපති ක‍්‍රමය අහෝසි කෙරෙන යෝජනාවකට සහයෝගය දැක්වීමේ සූදානමකින් සිටි බව ලියුම්කරුට ඒකාබද්ධ විපක්ෂයේ නායකයන්ගේ අදහස් දැක්වීම් මත පෙනීගිය කරුණකි. ඔහු 20 වැනි සංශෝධනයට සහයෝගය දැක්වීමේ ඉඩකඩක් වුව තිබුණි. ඔහුට නැවත අගමැතිධූරයට පත්වීමේ හැකියාව නිසා එවැන්නකට ඔහු එකඟ වීම සඳහා ඉඩකඩක් තිබුණු බව ප‍්‍රතික්ෂේප කළ නොහැකිය.
එසේ වුව මහින්ද රාජපක්ෂ මහතාගේ අතවැසියන් ලෙස ඇපකැපවී සිටි ඒකාබද්ධ විපක්ෂයේ මන්ත්රීවරුන් අතරින් බහුතරයක් මහින්ද රාජපක්ෂගේ යෝජනාවට ප‍්‍රසිද්ධියේ විරෝධය පළ කර තිබුණි. විමල් වීරවංශ විසින් මහින්ද පිළෙන් ඉවත්වෙන බවට තර්ජනය කර තිබුණි. නායකයාට එරෙහි විමට තරම් හයියක් මීට ටික කාලයකට පෙර කිසිවෙකුට තිබුණේ නැත. ඒ සිදුවීම්වලින් පෙනෙන අන්දමට සියලූ කාරණා පෙළගැසෙන්නේ මේ සියළු වහලූන් මහින්ද රාජපක්ෂ වෙනුවට ගෝඨාභය රාජපක්ෂගේ වහලූන් බවට පත්වීමේ මගකටය.
‘මහින්ද රාජපක්ෂගේ අනුප‍්‍රාප්තිකයා’,ිමහින්ද චින්තනය ඉදිරියට ගෙනයන බාල සහෝදරයා’ වැනි ලේබල් කිසිවක් බාරගැනීමට ගෝඨාභය රාජපක්ෂ සූදානම් නැති බව පැහැදිළි කාරණයකි. වියත්මඟ, එළිය වැනි සංවිධාන වලින්ිනව දහමක්’ දේශනා කරන්නෙක් බවට ගෝඨාභය රාජපක්ෂ පත්ව සිටින්නේය. මහින්ද රාජපක්ෂත් ඇතුළුිදේශපාලඥයන්ට’ එරෙහිිවිද්වත් වෘත්තිකයන් පෙරටු කරගත්’ නායකයෙකු ලෙස පෙනී සිටින්නට ගෝඨාභය රාජපක්ෂ කැමතිය. 70 වසරක් තිස්සේ රට ගොඩගන්නට නොහැකි වූිදේශපාලඥයන්’ වෙනුවට රටිනවීනත්වය’ කරා ගෙන යනිවෘත්තිකයෙකු’ ලෙස ගෝඨාභය රාජපක්ෂව ලේබල් කර තිබෙන්නේය.
ගෝඨාභය රාජපක්ෂ අලූත් දහමක් දේශණා කරන බව පෙන්වනවා පමණක් නොවේ. ඔහුගේ ව්‍යාපාරයෙහි බාහිර පෙනුමද මහින්ද රාජක්ෂගේ දේශපාලන ව්‍යාපාරයට වඩා වෙනස්ය. මහින්ද රාජපක්ෂ මෙන් සුදු ඇඳීම වෙනුවට කෝට් එක ඇඳීමට ගෝඨාභය රාජපක්ෂ කැමතිය. ඒ අනුව ගෝඨාභය රාජපක්ෂ විසින් ලංකාවේ දේශපාලනයටිඅලූත්’ විජ්ජාවක් පෙන්වන්නට සූදානම් වෙන බව මවා පෙන්වන්නේය.
මේි අලූත්’ පෙනුමට මහින්ද රාජපක්ෂ විරෝධී සිංහලයන් අතරින්ද යම් පිරිසක් එකඟත්වය පළකරන බව පෙනෙන්නට තිබේ. ගෝඨාභය රාජපක්ෂගේ ව්‍යාපාරයෙහි මතුපිටින් පෙනෙනිදේශපාලඥයන්ට එරෙහි විද්වතුන්ගේ හා වෘත්තිකයන්ගේ’ ප‍්‍රවේශය ගැන ඔවුන් ආසක්ත වී සිටියි.
මේ සටහන ඒ ප‍්‍රතිපත්ති ගැන එකින් එක ගැඹුරෙන් විමසන්නට නොවේ. ඒ ප‍්‍රතිපත්තිය ඇත්තටම අලූත් ප‍්‍රතිපත්තියක්දැයි කල්පනා කළ යුතු බව යෝජනා කරන්නටය. ගෝඨාභය රාජපක්ෂගේ ව්‍යාපාරයෙහි මතුපිටින් තිබෙන දවටනය මිස, අභ්‍යන්තරයේ වෙනසක් තිබෙනවාදැයි කල්පනා කළ යුතුය.
ඇත්තෙන්ම ගෝඨාභය රාජපක්ෂ වටා සිටින්නේද මහින්ද රාජපක්ෂ සමඟ සිටි ජාතිකවාදී බලවේගමය. සුදු ඇඳගත්තවුන්ට සාපේක්ෂව සූට් ඇඳගත්තවුන් වැඩි පිරිසක් ඉදිරි පේළියේ සිටීම පමණක් වෙනසකට ඇත. එළිය හා වියත් මඟ සමුළුවල කතාකරන්නේද දේශීයත්වය, සංස්කෘතිය, දේශපේ‍්‍රමය ගැන මහින්ද රාජපක්ෂ යුගයේ තිබුණු අදහස්මය. පසුගාමී ගෝත‍්‍රික අදහස්ම එම රැුස්වීම්වලදී කතාබහට ලක්ව තිබෙන්නේය.
අලූත් දවටන, අලූත් වර්ණ, අලූත් හැඩතල සමඟ ගෝඨාභය රාජපක්ෂ නම් අලූත් බෝතලයේ තිබෙන්නේද මහින්ද රාජපක්ෂ නම් පරණ බෝතලයේ තිබුණු වයින්ම බව සිහිතබාගත යුතුය. ඒ නිසා නවීනත්වය ගැන සිහින දකින අය ගෝඨාභයගෙන් ඒ නවීනත්වය බලාපොරොත්තු වන්නේනම් තව මොහොතක් ඒ ගැන කල්පනා කළ යුතුය.
අනුරංග ජයසිංහ
