ඉදිරි ජනාධිපතිවරණයට අපේක්ෂකයන් ලෙස ඉදිරිපත් වීමට බලාපොරොත්තු වන ගෝඨාභය රාජපක්ෂට මෙන්ම වත්මන් ජනාධිපති මෛත්‍රීපාල සිරිසේනටද තමන්ගේ සහයෝගය හිමිවන බව විපක්ෂ නායක මහින්ද රාජපක්ෂ ඒකාබද්ධ විපක්ෂයේ පක්ෂ නායකයන් හමුවේ පවසා ඇත.
ගෝඨාභය රාජපක්ෂ ජනාධිපතිවරණ අපේක්ෂකයා ලෙස තෝරාගෙන ඇති බවට ගෝඨාභය රාජපක්ෂ ඇතුළු කණ්ඩායමක් ගෙනයන ප්‍රචාරය පිළිබඳව අදහස් දක්වමින් මහින්ද රාජපක්ෂ
එසේ කියා ඇත. ඒ, ජනවාරි 29 වැනිදා මහින්ද රාජපක්ෂගේ නිල නිවසේදී ඒකාබද්ධ විපක්ෂයේ පක්ෂ නායකයන් අතර පැවති රැස්වීමේදීය.
ජනාධිපතිවරණ අපේක්ෂකත්වය පිළිබඳව ‘අනිද්දා’ කළ විමසීමකදී අදහස් දක්වමින් පාර්ලිමේන්තු මන්ත්‍රීවරුන් වන කුමාර වෙල්ගම හා වාසුදේව නානායක්කාර මහත්වරුන් ප්‍රකාශ කළේ ජනාධිපතිවරණ අපේක්ෂකත්වය තමන්ට ලබාදීම සඳහා මහින්ද රාජපක්ෂ එකඟ වූ බව ගෝඨාභය රාජපක්ෂ ප්‍රකාශ කළද, මහින්ද රාජපක්ෂ තම කණ්ඩායමට එවැන්නක් ප්‍රකාශ කර නොමැති බවය.■
මහින්දට ගෝඨා විශේෂ නැහැ
- Advertisement -
