පිස්තෝල දෙකක්, ඊට යොදන උණ්ඩ හා අත්බෝම්බයක් සමග ගම්පහ මුලස්ථාන පොලිසිය විසින් දෙසැම්බර් 16 වැනිදා අත්අඩංගුවට ගත් කැළුම් ක්‍රිෂාන්ත පසුගිය පළාත් පාලන මැතිවරණයේ ශ්‍රී ලංකා නිදහස් පක්‍ෂයෙන් තරග වැදුණු අපේක්‍ෂකයෙකු බව අනාවරණය වෙයි. මොහු එම මැතිවරණයේදී මිනුවන්ගොඩ ආසනයෙන් මාතම්මන කොට්ඨාසයට තරග වැදී ඇත. කලක් හමුදා සේවයේ නිරතව ඇති මොහු ඉන් ඉවත්ව මෙම මැතිවරණයට තරග කර තිබේ. එමෙන්ම මිනිමැරුම් හා අපරාධ චෝදනා එල්ලවී ඇති පුද්ගලයන් හා හමුදාවේ ඇතැම් ඉහළ නිලධාරීන් සමග සබදතා පැවැත්වූ බවට තොරතුරු අනාවරණය වේ. දැනට මොහු විවිධ පළාත්වල අපරාධකරුවන්ට ආයුධ සැපයීමේ ජවාරමක නිතර වන්නට ඇතැයි සැක කෙරේ.■
ධම්මික ප්‍රියදර්ශන
