පවතින දේශපාලන අර්බුදය හමුවේ දරුණුම වින්දිතයන් බවට සිටින්නේ දෙමළ ජනයා බව ශ්‍රී ලංකාව තුළ කටයුතු කරන මහකොමසාරිස්වරුන් හා තානාපතිවරුන් සමග නොවැම්බර් 20 දින අරලියගහ මන්දිරයේ පැවති සාකච්ඡාවකදී ආර්. සම්බන්ධන් මහතා ප්‍රකාශ කර ඇත. ඒ මහතා පවසා ඇත්තේ මෙරට සුළුතරයක් වන දෙමළ ජනතාවගේ ප්‍රශ්න විසඳාගැනීමට ඇති ඉඩකඩ දිනෙන් දින අර්බුදයක් කරා යන බවත් මහින්ද රාජපක්ෂ මහතාට එරෙහිව පාර්ලිමේන්තු මන්ත්‍රිවරුන් 122කගේ ඡන්දයෙන් විශ්වාසභංග දෙකක් සම්මත කරගත් බවත්ය. පැයකට ආසන්න කාලයක් පැවැති මෙම සාකච්ඡාව සඳහා ඇමරිකානු එක්සත් ජනපදය, මහා බි්‍රතාන්‍යය, ඉන්දියාව, නෝර්වේ, ස්විට්සර්ලන්තය, කැනඩාව, කොරියාව, බංග්ලාදේශය ඇතුළු රටවල් 16ක නියෝජිතයන් සහභාගි වී ඇත.
යුරෝපා සංගමය සහ එක්සත් ජාතීන්ගේ සංවිධානය නියෝජනය කරන නිලධාරීන්ද සහභාගි වී ඇති අතර විපක්ෂ නායක ආර්. සම්බන්ධන්, එම්.ඒ. සුමන්තිරන් සහ අඩෛක්කලනාදන් ඇතුළු දේශපාලනඥයන් පිරිසක් ඊට සහභාගි වී ඇත.■
