මෛත‍්‍රීපාල සිරිසේන සහ මහින්ද රාජපක්ෂ යන පාර්ශ්වයන් එක්ව ආණ්ඩුවක් පිහිටුවීමට උත්සාහ කිරීම නිසා කළකිරීමට පත් දුමින්ද දිසානායක ඇතුලූ ශ‍්‍රීලනිප මන්ත්රීවරුන් කණ්ඩායමක් ඉදිරි කාලයේදී පාර්ලිමේන්තුවේ ස්වාධීන මන්ත්රීවරුන් ලෙස කටයුතු කිරීමේ හෝ එක්සත් ජාතික පක්ෂ විසින් පිහිටවනු ලබන ආණ්ඩුවකට සහයෝගය ලබා දෙනු ඇතැයි විශාල බියක් මෛත‍්‍රි මහින්ද පාර්ශවවලට ඇති වි තිබේ.
හිටපු අමාත්‍ය දුමින්ද දිසානායක ප‍්‍රමුඛ කණ්ඩායමක් මෙම එකතුවීමට විරෝධය පළ කිරිම හා ඔක්තෝම්බර් 28 වැනිදා අමාත්‍ය මණ්ඩලය දිවුරුම් දුන් අවස්ථාවට දුමින්ද දිසානායක සහභාගි නොවීම ඇතුලූ කරුණු කිහිපයක් මේ සදහා හේතුවී ඇත. අමාත්‍ය මණ්ඩලය දිවුරුම් දීමට පෙර ජනාධිපති මෛත‍්‍රීපාල සිරිසේන විසින් කුමන අමාත්‍යධූරයක් අවශ්‍යදැයි දුමින්ද දිසානායක මන්ත‍්‍රීවරයාගෙන් විමසා ඇතත් තමන්ට අමාත්‍යධූරයක් අවශ්‍ය නැති බව දුමින්ද දිසානායක මන්ත‍්‍රිවරයා එම අවස්ථාවේදී ප‍්‍රකාශ කර ඇත. කෙසේ වෙතත් දුමින්ද දිසානායකට අමාත්‍ය ධූරයක් ලබාදී ආණ්ඩුවේ රඳවාගැනීම සඳහා බැසිල් රාජපක්ෂ ඔහුගේ කොළඹ පිහිටි නිවසටම ගොස් සාකච්ඡුා කර ඇති අතර එහිදී දුමින්ද දිසානායක විසින් කොන්දේසි රාශියක් ඉදිරිපත් කළ බවද වාර්තා වෙයි.
ඊට අමතරව ඔක්තෝම්බර් 31 වැනිදා ජනාධිපති මෛත‍්‍රීපාල සිරිසේනගේ ප‍්‍රධානත්වයෙන් ජනාධිපති ලේකම් කාර්යාලයේ පැවති ශ‍්‍රීලනිප ආසන සංවිධායකවරුන්ගේ රැුස්වීමටද දුමින්ද දිසානායක ප‍්‍රමුඛ ශ‍්‍රීලනිප ප‍්‍රබලයන් පිරිසක් සහභාගී වී නැත. කෙසේ වෙතත් එම රැුස්වීමේදී ජනාධිපති මෛත‍්‍රීපාල සිරිසේන විසින් ප‍්‍රකාශ කර ඇත්තේ ශ‍්‍රීලනිප ප‍්‍රබලයන් පිරිසක් ස්වාධීන මන්ත්රීවරුන් බවට පත්වීමේ සූදානමකින් සිටින බවයි. ඉන්පසුව එජාපය සමඟ ඔවුන් ආණ්ඩුවක් නිර්මාණය කිරීමට සූදානමින් සිටින බව තමන්ට දැනගන්නට ඇතැයි ජනාධිපතිවරයා ප‍්‍රකාශ කර ඇත. එසේ වුවහොත් තමන් මොහොතක්වත් ජනාධිපති පුටුවේ රැුඳී නොසිටින බවත්, වීදි සටන් තමන්ට හුරු බවත් ජනාධිපතිවරයා ප‍්‍රකාශ කර ඇත. එම රැස්වීමේදීම ශ‍්‍රීලනිපයේ ආසන සංවිධායකවරයෙකු විසින් මහින්ද රාජපක්ෂ සමඟ එක්වීමේ තීරණයට එරෙහිව අදහස් පළ කර ඇති බවද වාර්තා වෙයි.
මේ වනවිට මහින්ද රාජපක්ෂ පිලේ සිටින පිරිසක්ද මෛත‍්‍රීපාල සිරිසේන ජනාධිපතිවරයා සමඟ එක්වීමට ගත් තීරණයට ඇකැමැත්තෙන් සිටින බව වාර්තා වෙයි. කුමාර වෙල්ගම, ප‍්‍රසන්න රණතුංග, රංජිත් සොයිසා වැනි මන්ත්රීවරුන් මෙම කුමන්ත‍්‍රණ ක‍්‍රියාදාමයෙන් පසුව ඉදිරියට නොපැමිණෙන්නේ ඒ නිසා බව වාර්තා වෙයි. එමෙන්ම පොළොන්නරු දිස්ත‍්‍රික් පාර්ලිමේන්තු මන්ත්රී රොෂාන් රණසිංහ විදේශගත වී ඇත්තේද එම නොකැමැත්ත නිසා බව වාර්තා වෙයි. තවද තමා බලාපොරොත්තු වූ මුදල් හෝ අධ්‍යාපන යන අමාත්‍යංශ දෙකෙන් එකක්වත් නොලැබීම නිසා බන්දුල ගුණවර්ධන මන්ත‍්‍රීවරයාද සිත් වේදනාවෙන් විදේශගත වී ඇතැයි වාර්තා වෙයි.
