පසුගිය ඔක්තෝබර් 21 දින සියඹලාන්ඩුව පොලිසිය විසින් අත්අඩංගුවට ගත් ටී56 පතරොම් 2958 හා සැකකරු සම්බන්ධයෙන් වැඩිදුර විමර්ශන සිදුකිරීමේදී ඊට සම්බන්ධ යුද හමුදා මේජර්වරයකු ඇතුළු යුද හමුදාවේ තවත් දෙදෙනෙකු අත්අඩංගුවට ගෙන ඇත. අත්අඩංගුවට ගත් යුද හමුදා මේජර්වරයා කුලියාපිටියේ පදිංචි ශිරන්ත සංජීව නැමැත්තෙකු බව පොලිස් මාධ්‍ය ප‍‍්‍රකාශක කාර්යාලය පවසයි.
එම කාර්යාලය නිකුත් කළ නිවේදයේ වැඩිදුරටත් සඳහන් වන්නේ මීට සම්බන්ධ ලාන්ස් කෝප‍‍්‍රල් අකිල සම්පත් හා සාමන්‍ය සෙබළ නලින්ද මදුසංක යන අය මෙම පතරොම් තොගය කඳවුරෙන් පිට කිරීම පිළිබඳව සැකකරන බවයි. එමෙන්ම සැකකාර හමුදා නිලධාරියා පදිංචි හමුදා නිවස්නේ පිටුපස ටී56 උණ්ඩ බහාලන පතරොම් පෙට්ටි 4ක්ද හමුවී ඇත.
ධම්මික පි‍්‍රයදර්ශන
