ජනතා විමුක්ති පෙරමුණ ඉදිරිපත් කර ඇති 20 වන සංශෝධන යෝජනාව පාර්ලිමේන්තුවට ඉදිරිපත් කිරීමට බලාපොරොත්තු වන බව, එහිදී තුනෙන් දෙකක අනුමැතිය ලබාදී තීන්දුව ගැනීමේ අයිතිය ජනතාවට දෙන්නැයි ඉල්ලමින් ප‍්‍රධාන පක්ෂ සමග සාකච්ඡුා කිරීමට බලාපොරොත්තු වන බව ජ.වි.පෙ. ජාතික සංවිධායක කේ.ඞී. ලාල්කාන්ත අනිද්දා සමග පැවසීය.
20 වන සංශෝධන යෝජනාව සඳහා ජනමත විචාරණයක් අවශ්‍ය බවට ශ්‍රේ‍්‍ර‍ෂ්ඨාධිකරණ තීන්දුව ලැබෙනු ඇතැයි ජ.වි.පෙ. බලාපොරොත්තුවෙන් සිටි බවත්, එවැනි තීන්දුවක් සඳහා ජනමත විචාරණයක් පැවැත්වීම අත්‍යවශ්‍ය බවත් ඔහු කීය. 20 ගැන තීන්දුව ගැනීමේ බලය පාර්ලිමේන්තුව මහජනතාවගෙන් උදුරා නොගත යුතු බවත්, තීන්දුව ගැනීමේ බලය මහජනතාවට ලබාදිය යුතු බවත් ජ.වි.පෙ. අදහස වන බව ඔහු පවසයි.
සැලසුම් කළ ආකාරයටම 20 වන සංශෝධනය පාර්ලිමේන්තුවේ න්‍යාය පත‍්‍රයට ඇතුළත් කිරීමට බලාපොරොත්තු වන බවත්, සිවිල් සංවිධාන සමඟද 20 වන සංශෝධන යෝජනාව පිළිබඳ සාකච්ඡුා කිරීමට බලාපොරොත්තු වන බවත් ඔහු කීය.
