විකල්ප ප‍්‍රතිපත්ති කේන්ද්‍රය මඟින් සංවිධානය කරනු ලබන UNFARAMED ඡායාරූප ප‍්‍රදර්ශනය පේරාදෙණිය විශ්වවිද්‍යලයේ ප‍්‍රදර්ශනය කිරීම එම විශ්වවිද්‍යාලයේ ශිෂ්‍යයන්ගේ විරෝධය නිසා අත්හිටුවා ඇතැයි වාර්තා වෙයි.
ඔක්තෝම්බර් 16 සිට 18 දක්වා එම ඡුායාරූප ප‍්‍රදර්ශනය පෙරාදෙණිය විශ්වවිද්‍යාලයේදී පැවැත්වීමට නියමිතව තිබී ඇත්තේ පේරාදෙනිය විශ්වවිද්‍යාලයේ 2018 ශිෂ්‍ය සාහිත්‍ය උලෙළට සමගාමීවය. ඊට පෙර දිනයේ ඒ පිළිබඳව කතා කිරීමට අවශ්‍ය බව සංවිධාකයන්ට දැනුම් දී ඇති ශිෂ්‍යයින් එම සාකච්ඡුාවේදී අදාළ ප‍්‍රදර්ශනය නොපවත්වන ලෙස විරෝධය දක්වමින් ප‍්‍රකාශ කර ඇත.
අනිද්දා කළ විමසීමකදී එම ප‍්‍රදර්ශනයේ සංවිධාන කටයුතු බාරව සිටි විකල්ප වෙබ් අඩවියේ සංස්කාරක සම්පත් සමරකොන් පැවසුවේ ප‍්‍රදර්ශනයට නියමිත බහුතර ඡුායාරූප එල්ටීටීඊයට සම්බන්ධ බවටත්, මෙය සංවිධානය කරන්නේ රාජ්‍ය නොවන සංවිධානයක් බැවිනුත්, ප‍්‍රගීත් එක්නැළිගොඩ වැනි අතුරුදහන්කළ යුතු අයගේ ඡායාරූප ප‍්‍රදර්ශනයේ තිබෙන බැවිනුත් තම විශ්වවිද්‍යාලයේ මෙම ප‍්‍රදර්ශනය කිසිසේත්ම පෙන්විය නොහැකි බව ශිෂ්‍යයන් විසින් පැවසූ බවයි.
