ශ‍්‍රී ලංකා නිදහස් පක්ෂය ඉදිරි කාලය තුළදී විධායක ජනාධිපති ක‍්‍රමය අහෝසි කිරීම සඳහා වන 20 වන සංශෝධනයට පක්ෂව ඡුන්දය ලබා නොදෙන බව අනිද්දා සමඟ අදහස් දැක්වූ ශ‍්‍රීලනිපයේ ප‍්‍රබල ඇමතිවරයෙක් පැවසීය.
ශ‍්‍රීලනිප මධ්‍යම කාරක සභාව 20 වන සංශෝධනය පිළිබඳව සලකා බැලීම සඳහා කමිටුවක් පත් කර ඇතත් එම කමිටුව විධායක ජනාධිපති ක‍්‍රමය සම්පූර්ණයෙන් අහෝසි කිරීමට ශ‍්‍රීලනිපය එකඟ නැතැයි ප‍්‍රකාශ කරනු ඇති බවත්, එම අදහස සමඟ ශ‍්‍රීලනිපයේ නායකයන් මේ වන විට එකඟ වී ඇති බවත් එම ඇමතිවරයා කීය.
මීට පෙර ආණ්ඩුක‍්‍රම ව්‍යවස්ථා මෙහෙයුම් කමිටුවට ශ‍්‍රීලනිපය විසින් ඉදිරිපත් කළ යෝජනාවලිය හරහාද විධායක ජනාධිපති ක‍්‍රමය අහෝසි කිරීමට එකඟ නැතැයි ප‍්‍රකාශ කර තිබුණු බව එම ඇමතිවරයා පෙන්වාදුන්නේය. පළාත් සභා ක‍්‍රමය පවතින්නේ නම් ඍජු ඡුන්දයෙන් බලයට පත්වෙන විධායක ජනාධිපතිවරයෙකු සිටිය යුතු බව ශ‍්‍රීලනිපයේ අදහස බවද ඔහු කීවේය.
අනුරංග ජයසිංහ
