කෘෂිකර්ම අමාත්‍යාංශය මීට පෙර පවත්වාගෙන ගිය බත්තරමුල්ල රජමල්වත්ත පාරේ ගොවිජන මන්දිරයේ තිබූ එම අමාත්‍යාංශයට අයත් ලිපිගොනු දහසකට ආසන්න සංඛ්‍යාවක් සැප්තැම්බර් 18 දින ගිනි තබා ඇතැයි වාර්තාවේ.
එම අමාත්‍යාංශයේ ඉහළ නියෝගයක් අනුව නව අමාත්‍යාංශ ගොඩනැගිල්ලේ සේවය කරන සේවකයන් පිරිසක් විසින් ගොස් එම ලිපිගොනු ගිනි තැබීම සිදුකර ඇත. කෘෂිකර්ම අමාත්‍යාංශය රාජගිරියේ පිහිටි කුලී ගොඩනැගිල්ලට පැමිණීමේදී ගොවිජන මන්දිරයේ තිබූ සියලූ ලිපිගොනු රැුගෙන ඒම සිදුනොකළ අතර එම ලිපිගොනු පසුව රැුගෙන ඒමට සැලසුම් කර තිබුණි.
මේ ආකාරයට ගිනි තබා විනාශ කළ ලිපිගොනු අතර කෘෂිකර්ම අමාත්‍යාංශය සම්බන්ධයෙන් පසුගිය කාලයේ ආන්දෝලනයට ලක්වූ ගනුදෙනුවලට අදාළ ලිපිගොනුද ඇතැයි එම අමාත්‍යංශ සේවකයෝ සැක පහළ කරති.
මේ සම්බන්ධයෙන් එම අමාත්‍යාංශ ලේකම් බී. විජේරත්නගෙන් කළ විමසීමකදී ඔහු ප‍‍්‍රකාශ කළේ අදාළ ලිපිගොනු ගිනි තැබීම සිදුකර ඇත්තේ කමිටුවක් පත්කර එයින් ලැබුණ නිර්දේශ මත බවත් අමාත්‍යාංශයට අත්‍යවශ්‍ය ලිපිගොනු ආරක්ෂාකාරීව තිබෙන බවත්ය.
