මෙම වසරේ යල කන්නය වෙනුවෙන් රජයේ පොහොර සමාගම් දෙක මඟින් බෙදාහැරීම සඳහා කෘෂිකර්ම අමාත්‍යාංශය විසින් මිලදී ගත් ටි‍‍්‍රපල් සුපර් පොස්පේට් පොහොර තුළ ශී‍‍්‍ර ලංකාවේ භාවිතයට ඉඩ ලබාදෙන කැඞ්මියම් ප‍‍්‍රමාණය මෙන් දෙගුණයක ප‍‍්‍රමාණයක් තිබී ඇති බව රසායනාගාර පරීක්‍ෂණ මඟින් තහවුරු වී ඇතැයි වාර්තාවේ.
කාර්මික තාක්ෂණ ආයතනය, ශී‍‍්‍ර ලංකා ප‍‍්‍රමිති ආයතනය හා ජාතික පොහොර ලේකම් කාර්යාලය යන ආයතනවල රසායනාග ාරවලින් එම පොහොර තොගය පිළිබඳ කරන ලද පරීක්‍ෂණයේදී මේ කැඩිමියම් අධික බව තහවුරු වී ඇත. ශී‍‍්‍ර ලංකාව තුළ භාවිත කරන පොහොරවල බැරලෝහ වශයෙන් ගැනෙන කැඩිමියම් ප‍‍්‍රමාණය දශලක්ෂයකට කොටස් තුනක් වශයෙන් සඳහන් වන අතර එම පොහොර තොගයේ කැඩිමියම් ප‍‍්‍රමාණය දශලක්ෂයකට කොටස් හතක ප‍‍්‍රමාණයක තිබෙන බව හෙළි වී ඇත.
කැඞ්මියම් ප‍‍්‍රතිශතය ඉහළ එම පොහොර ගොවීන් විසින් යල කන්නය සඳහා භාවිත කර අවසන් බැවින් ඒ පිළිබඳව පියවරක් නොගෙන එම වාර්තා යට ගැසීමට කෘෂිකර්ම අමාත්‍යාංශය ජාතික පොහොර ලේකම් කාර්යාලයට බලපෑම් කරමින් සිටින බවද වැඩිදුරටත් වාර්තාවේ.
පොහොර තොගය මෙටි‍‍්‍රක් ටොන් 18000කින් සමන්විත වන අතර එය ලැබී ඇත්තේ පසුගිය මැයි මාසයේදීය. ඒ සඳහා මුදල් ගෙවීම එතැන් සිට දින 180ක කාලයකින් සිදුකිරීමට නියමිතය.
මෙම පොහොර මිලදී ගැනීමට අදාළ කැබිනට් මණ්ඩල අනුමැතිය මාර්තු 21 වැනිදා පැවති කැබිනට් මණ්ඩල රැුස්වීමේදී ලැබී ඇති අතර එයට ඉදිරිපත් කර ඇත්තේ හිටපු කෘෂිකර්ම අමාත්‍ය දුමින්ද දිසානායක විසින්ය. ඒ අනුව ටි‍‍්‍රපල් සුපර් පොස්පෙට් මෙටි‍‍්‍රක් ටොන් 18000ක් සැපයීමේ ටෙන්ඩරය දිනාගෙන ඇත්තේ ඇග‍්‍රි කොමඩිටීස් ඇන්ඞ් ෆයිනෑන්ස් සමාගමය. ටි‍‍්‍රපල් සුපර් පොස්පේට් මෙටි‍‍්‍රක් ටොන් එකක් සඳහා ඔවුන්ගේ මිල වී ඇත්තේ ඇමරිකානු ඩොලර් 333.5කි.
මේ සම්බන්ධයෙන් ජාතික පොහොර ලේකම් කාර්යාලයේ අධ්‍යක්‍ෂ අජිත් පුෂ්පකුමාරගෙන් අගෝස්තු 29 දින විමසූ විට පැවසුවේ ඒ පිළිබඳව සොයාබලා පිළිතුරු ලබාදෙන බවය. නැවතත් අගෝස්තු 30 දිනද ඔහුගෙන් ඒ පිළිබඳව විමසූ විට පසුව පිළිතුරක් ලබාදෙන බව පැවසුවද පුවත්පත මුද්‍රණයට යනතෙක් පිළිතුරු ලැබුණේ නැත.
කෘෂිකර්ම අමාත්‍යාංශ ලේකම්වරයාගෙන් මේ ගැන විමසූ විට ඔහුගේ පිළිතුර වූයේ එවැන්නක් ඔහුට වාර්තා වී නැති බවය.
