ත්රස්ත විමර්ශන කොට්ඨාසය භාර නියෝජ්ය පොලිස්පති නාලක සිල්වා මහතාගේ උපාධිය සම්බන්ධයෙන් ලැබී ඇති පැමිණිල්ලක් හේතුවෙන් ඉන්දියාවේ බැංගලෝර්හි පිහිටි ද නැෂනල් ෆස්ට් ගේ්රඞ් කොලේජ් ආයතනයෙන් එම උපාධියට අදාල විස්තර ජාතික පොලිස් කොමිෂන් සභාව විසින් ඉල්ලා ඇත.
නියෝජ්ය පොලිස්පතිවරුන් වන රන්මල් කොඩිතුවක්කු, ප්රියන්ත විජේසූරිය, පොලිස් අධිකාරි නිහාල් තල්දුව සහ සහකාර පොලිස් අධිකාරි ප්රසන්න ද අල්විස් යන මහත්වරුන් නියෝජ්ය පොලිස්පති නාලක සිල්වා මහතාගේ අධ්යාපන සුදුසුකම් පිලිබඳව ගැටලූවක් සහ උස සම්බන්ධයෙන් ගැටලූවක් ඇතැයි පොලිස් කොමිසමට කළ ලිඛිත පැමිණිල්ලක් අනුව මෙම පරීක්ෂණය සිදු කෙරෙයි.
තවද නාලක සිල්වා මහතා පොලිස් දෙපාර්තමේන්තුවට එක්වන අවස්ථාවේදී ඔහු ඉදිරිපත් කළ අධ්යාපන සහතිකවල මුල් පිටපත් පොලිස් කොමිසම භාරයට ගෙන ඇත.
මේ පිළිබඳව කළ විමසුමකදී පොලිස් කොමිසමේ ඉහළ නිලධාරියෙකු ප්රකාශ කළේ එම විමර්ශනය කඩිනමින් නිමා කරන බවයි.
