මේ වනවිට අතුරුදන්ව සිටින, පොලිස් විශේෂ කාර්ය බලකාය විසින් නීතිවිරෝධී ගිනිඅවි රැසක් අත්අඩංගුවට ගත් නිවසේ හිමිකරු වශයෙන් සැලකෙන අනුර ගමගේ නමැත්තා මහනුවර ප්රදේශය කේන්ද්ර කරගත් දේශපාලනඥයන් සමඟ සමීප ඇසුරක් පැවැත්වූ පුද්ගලයෙකු බව වාර්තා වෙයි.
අමාත්ය සරත් අමුණුගම, පාර්ලිමේන්තු මන්ත්රි දිලූම් අමුණුගම, පාර්ලිමේන්තු මන්ත්රී ලොහාන් රත්වත්තේ හා හිටපු මන්ත්රීවරයෙකු වූ මර්වින් සිල්වා සමඟ අනුර ගමගේ සමීප සම්බන්ධතා පැවැත්වූ බව වාර්තා වෙයි. ඔහු නිතරම දළඳා මාලිගාව අසල දේශපාලනඥයන් ඇතුළු ප්රභූන් සමඟ පෙනීසිටින පුද්ගලයෙකු බවත් මහනුවර අපගේ ආරංචි මාර්ග ප්රකාශ කරයි.
මාධ්යවලින් වාර්තා කළ ආකාරයට ඔහු නිල වශයෙන් කිසිම අමාත්යවරයෙකුගේ සම්බන්ධීකරණ ලේකම් තනතුරක් නොදරන බවද වැඩිදුරටත් වාර්තා විය.
ඔහුගේ නිවසෙහි තිබී මහනුවර දුෂණ මර්දන ඒකකය සහ පොලිස් විශේෂ කාර්ය බලකාය විසින් ගිනි අවි 3ක්, උණ්ඩ, කඩු සහ ව්යාජ වාහන අංක තහඩු කිහිපයක් සොයාගෙන ඇත.
මහනුවර විශේෂ බුද්ධි අංශයට ලැබුණු තොරතුරක් මත මෙම වැටලීම සිදු කර ඇති අතර එම අවස්ථාවේදී අදාළ පුද්ගලයා සහ ඔහුගේ පුත්රයා පලාගොස් ඇත. එම ස්ථානයේ සිටි වෙනත් පුද්ගලයන් හත් දෙනකු අත්අඩංගුවට ගෙන ඇත.
