අගමැති රනිල් වික‍්‍රමසිංහ මහතා ජනාධිපති අපේක්ෂකයා ලෙස ඉදිරිපත් කොට ජනාධිපති මෛත‍්‍රීපාල සිරිසේන මහතා අගමැති අපේක්ෂකයා ලෙස ඉදිරිපත් කිරීම පිළිබඳව යෝජනාවක් මේ වන විට සාකච්ඡුාවෙමින් පවතින බව අනිද්දා සමඟ අදහස් දැක්වූ එජාප ඇමතිවරයෙක් පැවසිය.
එසේ වුවහොත් ජනාධිපතිවරණය කලින් කැඳවිය නොහැකි බවද පළාත් සභා මැතිවරණය ක්ෂණිකව කැඳවා ශ‍්‍රීලනිපය සහ එජාපය එක්ව එම මැතිවරණයට තරග කළ යුතු බවද ඔහු කීය.
රනිල් වික‍්‍රමසිංහ සහ මෛත‍්‍රීපාල සිරිසේන දෙපාර්ශ්වය මැතිවරණය පිළිබඳ එකඟතාවකට ගෙන ඒම සඳහා සාකච්ඡුා පවත්වන තවත් ආණ්ඩුවේ ප‍්‍රබල ඇමතිවරයෙකු අනිද්දා සමඟ ප‍්‍රකාශ කළේ රනිල් වික‍්‍රමසිංහ මහතා තමන් මීළඟ ජනාධිපතිවරණයට ඉදිරිපත් විය යුතු බවට හා ඉන් තමන්ට ජයග‍්‍රහණය කළ හැකි බවට දැඩි විශ්වාසයෙන් කටයුතු කරන බවය.
අනිද්දා සමඟ නිර්නාමිකව අදහස් දැක්වූ ශ‍්‍රීලනිපයේ ප‍්‍රබල ඇමතිවරයෙකු ප‍්‍රකාශ කළේ, ඉදිරි ජනාධිපතිවරණයේදී තනිව තරග කිරීමේ හැකියාවක් නොමැති නිසා මෛත‍්‍රීපාල සිරිසේන මහතා ප‍්‍රමුඛ ශ‍්‍රීලනිප නායකයන් ඉදිරි මැතිවරණවලදී තවත් පක්ෂයක් සමඟ හවුලේ තරග කිරීමට කැමැත්තෙන් සිටින බවයි. මේ වෙද්දී මහින්ද රාජපක්ෂ මහතා සමග එකතුවීමේ හැකියාවක් මෛත‍්‍රීපාල සිරිසේන පාර්ශ්වයට නොමැති නිසා එජාපය සමඟ එකට තරග කිරීම අවසාන විකල්පය ලෙස තෝරාගෙන තිබෙන බවයි.
ශ‍්‍රීලනිපය පාර්ශ්වයෙන් ජනාධිපතිවරණය කලින් පැවැත්වීමට යෝජනා කර ඇති බව එම ඇමතිවරයා කීය. එහෙත් ව්‍යස්ථාව අනුව ජනාධිපතිවරණය කලින් පවත්වන්නේ නම් ධුරයේ සිටින ජනාධිපතිවරයා අනිවාර්යයෙන්ම දෙවැනි ධුර කාලයක් සඳහා ජනාධිපතිවරණයට ඉදිරිපත් විය යුතු බවද ඔහු පෙන්වාදුන්නේය. එයට බාධාවක් වී ඇත්තේ එක්සත් ජාතික පක්ෂයේ සහයෝගය මෛත‍්‍රීපාල සිරිසේන මහතාට තවත් ජනාධිපතිවරණයකදී ලබාගත නොහැකි වේයැයි එජාප නායකයන් විසින් පෙන්වාදීම බව එම ඇමතිවරයා කීය.
පළාත් සභා මැතිවරණය පැවැත්වීමට අදාල ගැටලූ නිරාකරණය නොකිරීමට හේතුව ඉදිරි මැතිවරණ සම්බන්ධයෙන් එජාපයත් ශ‍්‍රීලනිපයත් කටයුතු කරන්නේ කෙසේද යන්න පිළිබඳව පක්ෂ දෙක අතර මෙතෙක් පැහැදිලි එකඟතාවකට පැමිණීමට නොහැකි වීම නිසා බව ආණ්ඩුවේ අභ්‍යන්තර ආරංචි මාර්ග පවසයි.
ඉදිරි ජනාධිපතිවරණයේ අපේක්ෂකයන් කවුද යන්න පිළිබඳව පක්ෂ දෙකට එකඟතාවකට පැමිණීමට නොහැකි වීම මේ සඳහා ප‍්‍රබලම හේතුව වී ඇත.
කේ.සංජීව /තරිඳු උඩුවරගෙදර
