පුද්ගලයන් දෙදෙනෙකු පැහැරගෙන ගොස් අතුරුදන් කිරීමට අදාළ සිද්ධියකට සැකපිට අත්අඩංගුවට ගැනීමට සිටින නාවික හමුදා නිලධාරීන් දෙදෙනෙකු අත්අඩංගුවට ගැනීම රජයේ ඉහළම පුද්ගලයෙකුගේ ඍජු බලපෑම නිසා වැළකී ගොස් ඇතැයි රහස් පොලිස් ආරංචි මාර්ගවලින් දැනගන්නට ලැබේ. මෙලෙස අත්අඩංගුවට ගැනීමට නොහැකි වී ඇත්තේ නාවික හමුදාවේ සක්රිය සේවයේ නියුතු රියර් අද්මිරාල්වරයෙකු වන ආනන්ද ගුරුගේ සහ ලූතිනන් කමාන්ඩර් සම්පත් දයානන්ද යන අයයි. හිටපු නාවික හමුදාපතිවරයෙකුගේ උපදෙස් අනුව වර්තමාන ආණ්ඩුවේ ඉහළම පුද්ගලයෙකු මොවුන් අත්අඩංගුවට ගැනීම වළකා ඇත.
මුලින්ම 2017 ජනවාරි 27 වැනිදා මෙම පුද්ගලයන් අත්අඩංගුවට ගතයුතු යැයි පොලිසිය අධිකරණයට දන්වා ඇත. ඒ සඳහා නාවික හමුදාව තවමත් අවස්ථාව ලබා දී නැත. මෙම තත්ත්වය තුළ පුද්ගලයන් අතුරුදන් වීම පිළිබඳ පරීක්ෂණ මේ වනවිට අඩාල වී ඇත. මීට අමතරව තරුණයන් 11 දෙනෙකු පැහැර ගැනීමට අදාළ සිද්ධියේ ප්රධාන සැකකරුවන්ටද සේවා උසස්වීම් සහ දිරිදීමනා ලැබෙන බව වාර්තා වෙන අතර මෙම සිද්ධිවලට අදාළව සාක්ෂි ලබාදෙන ලූතිනන් කමාන්ඩර් වෙළගෙදර, ලූතිනන් කමාන්ඩර් ලක්සිරි වැනි නිලධාරීන්ට නාවික හමුදාව තුළින් කෙනෙහිලිකම් සිද්ධවෙන බවද වාර්තා වෙයි.
