මිනිසුන් විස්සකට අධික පිරිසක් මරුමුවට පත්කරමින් හා සියයකට අධික පිරිසක් අතුරුදන් කරමින් පසුගිය ජූලි 23 වැනි ලා ඕසයේ වේල්ලක් පුපුරා ගියේ ඒ පිළිබඳව ජාත්යන්තර මාධ්ය අවධානය දිනා ගනිමින්ය. එම ඛේදවාචකය ශී්ර ලංකාවේ මාධ්යයටද ප්රවෘත්තියක් විය.
ජල විදුලිබලාගාරයක් සඳහා එම වේල්ල ඉදිකරමින් තිබී ඇති අතර එහි ඉදිකිරීම් අවසන් අදියරේ පැවත ඇත. අධික වැස්ස වේලල බිඳීයෑමට හේතුව බවද වේල්ල බිඳීයෑම වැළැක්වීම සඳහා ඉදිකිරීම් සමාගම ගත් උත්සාහයන් ව්යර්ථ වූ බවද විදෙස් මාධ්ය වාර්තා කර ඇත. එමෙන්ම විදෙස් මාධ්ය වැඩිදුරටත් සඳහන් කර තිබුණේ වේලල ඉදිකිරීම්වල ප්රමිතියේ ප්රශ්න තිබූ බවයි.
ලා ඕසයේ ප්රධාන විදේශ විනිමය උපයන මාර්ගයක් වශයෙන් ජල විදුලිය සඳහන් වන අතර පුපුරා ගිය වේල්ලට අදාළ ජල විදුලි බලාගාරයෙන් නිපදවන ජලවිදුලියෙන් 90%ක ප්රමාණයක් අවට රටවලට විකිණීමට අදහස්කර තිබී ඇත.
මෙම වේල්ලේ ඉදිකිරීම් සමාගම වශයෙන් විදෙස් මාධ්ය සඳහන් කර ඇත්තේ දකුණු කොරියාවේ SK ඉංජිනියරින් ඇන්ඞ් කන්ස්ට්රක්ෂන් සමාගමයි. අනිද්දා පුවත්පත එම දකුණු කොරියානු සමාගමද ඇතුළත් හෙළිදරව්වක් පසුගිය ජුලි 15 වැනිදා පළ කරනු ලැබීය. ඒ ‘ස්විස් චැලෙන්ජ් ජනපතිගේ අලූත් ටෙන්ඩර් සෙල්ලම’ යනුවෙන්ය.
අපගේ හෙළිදරව්වේ සාරංශය වූයේ ඉහත දකුණු කොරියානු සමාගමට ශී්ර ලංකාවේ විදුලිබලාගාරවලට අවශ්ය ස්වාභාවික ගෑස් සැපයීම සඳහා ශී්ර ලංකාව අවට මුහුදේ පාවෙන ස්වාභාවික ගෑස් පර්යන්තයක් ඉදිකිරීම සඳහා ජනාධිපතිවරයා විසින් කැබිනට් මණ්ඩල පති්රකාවක් ඉදිරිපත් කරනු ලැබ ඇති බවය. එමෙන්ම එම සමාගම ගැනම ඉහත කරුණම සඳහන් කරමින් අමාත්ය රංජිත් සියඹලාපිටිය හා අමාත්ය සරත් අමුණුගම ඒකාබද්ධව ඉන් පසුවද කැබිනට් පති්රකාවක් ඉදිරිපත් කර ඇති බවය.
කොරියානු සමාගමේ යෝජනාවක් අනුව එම කැබිනට් මණ්ඩල පති්රකා සකස් වී ඇති බවද කොරියානු සමාගමට එම ව්යාපෘතිය ලබාගත හැකි වන පරිදි ස්විස් චැලෙන්ජ් නමැති අලූත් ක්රමවේදයකට එම ව්යාපෘතිය සඳහා ටෙන්ඩර් කැඳවීමට කැබිනට් පති්රකා ම`ගින් යෝජනා කර ඇති බවද අපි හෙළිදරව් කළෙමු.
අමාත්යවරුන් දෙදෙනාගේ කැබිනට් පති්රකාවේ ජනාධිපතිවරයාගේ යෝජනාව ගැන සඳහන් කර ඇත්තේ මෙසේය. ‘‘මෙහිදී කොරියානු රජයේ සමාගමක් වනSK E&S සමාගම අතිගරු ජනාධිපතිතුමන්ට ඉදිරිපත් කර ඇති යෝජනාව පිළිබඳව සැලකිල්ල යොමු කිරීම වඩාත් යෝග්ය බව තීරණය කරන ලදි.’’
චීන සමාගම්වලට මෙන්ම එම කොරියානු සමාගමටද තිබී තිබුණේ ශී්ර ලංකාවේ අනාගත අවශ්යතා පිළිබඳව හා ජනාධිපතිවරුන්ගේ සිතැඟි හ`දුනාග ැනීම පිළිබඳ පරචිත්ත විජානනයකි. ජනාධිපතිවරුන් හමු වී එවැනි යෝජනා සමාගම් සිදුකරන්නේ එබැවිනි. එවැනි යෝජනා පිටුපස ඇති රහස් පිළිබඳව දන්නේ නම් යෝජනා කරන පාර්ශ්වය හා යෝජනා බාරගන්නා පාර්ශ්වයන් පමණය.
ලා ඕසයේ දී මෙන් එම කොරියානු සමාගම් ඉදිකිරීම් දුර්වල වීම හේතුවෙන් වේලි බිඳී ජලය ගලා ගොස් ශී්ර ලංකාවේ මිනිසුන් මියයෑමට හෝ අතුරුදන්වීමට ඉඩ නැති බව කිව හැකිය. ඒ ඉදිකරනු ලබන්නේ ජල විදුලි බලාගාරයක වේලලක් නොවන නිසාය. එහෙත් ද්රවිකෘත ස්වාභාවික ගෑස් වායුවක් බවට පත්කිරීමේ කි්රයාවලියේදී ගෑස් පර්යන්තය තුළ මොන මොන අඩුපාඩු මතුවී මොන මොන විනාශයන් සිදුවේදැයි දැන්ම කිව හැකි නොවෙතත් ලා ඕස් අත්දැකීම මගින් ඒ පිළිබඳව සැකයක් නම් අපට උපදවාගත හැකිය.
