ඇමති සරත් ෆොන්සේකා සහ පාතාලයෝ සිනමාපටය මේ දිනවල දිගහැරෙමින් තිබේ. ‘පෑලියගොඩ ක‍්‍රිස්ටෝ සහ නයනජිත්ට සහාය දෙන ඇමති’ යන සිරස්තලය යටතේ 2018.07.16 දින හේමන්ත කහවලගේ නමින් නෙත් නිව්ස් වෙබ් අඩවියේ පළවූ ප‍්‍රවෘත්තියත් සමග මෙම සිනමාපටය තිරගත වීම ඇරඹුණි. දැන් එය බොක්ස් ඔෆිස් වාර්තා තබමින් තිරගත වේ. මෙම ප‍්‍රවෘත්තියත් සමග අදාළ ඇමතිවරයා ප‍්‍රවෘත්තිය ලියූ මාධ්‍යවේදියාට දුරකථනයෙන් බැන තර්ජනය කර අදාළ පුවත වෙබ් අඩවියෙන් ගලවා දමන්නැයි නියම කළ බවට තොරතුරු තිබෙන බව 2018.07.23 දින නිදහස් මාධ්‍ය ව්‍යාපාරයද මාධ්‍ය නිවේදනයක් නිකුත්කරමින් ප‍්‍රකාශ කළේය. මෙම ඇමතිවරයා පාර්ලිමේන්තුව තුළද ඉන් පිටත ද මාධ්‍ය හමු පවත්වමින්ද නොයෙකුත් අවලාද මෙම මාධ්‍යවේදීන්ට සහ අදාළ මාධ්‍ය ආයතනවලට එල්ලකරමින් බනිමින් තර්ජනය කරමින් සිටින මොහොතක මෙලෙස මෙම පුවත පිළිබදව තොරතුරු ලියන්නට සිතුවෙමු.
පසුගිය ජූලි 03 වැනිදා කේරළ ගංජා සමග අත්අඩංගුවට පත්වූ ගිහාන් සඳරුවන් මුදා හැරීමට පෑලියගොඩ පොලීසියට අමාත්‍ය සරත් ෆොන්සේකා බලපෑම් කර ඇතැයි යන සිද්ධියත් සමග මෙම ආන්දෝලනය කරළියට පැමිණියේය. මෙහිදී අමාත්‍යවරයා කෙළින්ම පෑලියගොඩ පොලීසියටද ඉන් අනතුරුව විෂයභාර අමාත්‍යවරයාටද කතාකර මෙම අත්අඩංගුවට ගැනීම් පිළිබඳව පවසා ඇතැයි දැනගන්නට ලැබෙයි. පොලිසිය අසරණයන් අසාධාරණ ලෙස අත්අඩංගුවට ගන්නා බවත් එවැනි අවස්ථාවලදී මැදිහත් වන්නට වෙන බවත් දිනක් මාධ්‍ය හමුවකදී සරත් ෆොන්සේකා පැවසුවා මතකය. ඒ මේ සිද්ධිය අරබයා වන්නට බැරි නැත. කෙසේ හෝ මේ පුද්ගලයන් කේරළ ගංජා ප‍්‍රවාහනය ජාවාරම කළාදැයි අප ටක්කයටම කියන්නට දන්නේ නැත. එහෙත් මේ පුද්ගලයා අත්අඩංගුවට පත්වූ විට ඔහු බේරාගැනීමට මෙම ඇමතිවරයා කටයුතු කළ බව නම් සත්‍යයක්ය.
මේ සමග මාධ්‍යට හෙළිවූ තොරතුරු මොනවාද? අප සොයා බැලිය යුතුය. කේරළ ගංජා සහ මත්කුඩු ජාවාරමට සම්බන්ධයැයි කියන අරුණ අත්තනායක නොහොත් පොලිස් නමින් හඳුන්වන පුද්ගලයෙකු අමාත්‍යවරයාගේ ආරක්ෂක අංශයට සම්බන්ධව සිටින බව මෙම නෙත් පුවතින් වාර්තා කර තිබූ අතර එහිම ඔවුන් ප‍්‍රකාශ කර තිබුණේ කේරළ ගංජා ජාවාරමේ නිරත ප‍‍්‍රබලයන් ලෙස සැලකෙන පෑලියගොඩ ක‍්‍රිස්ටෝ සහ නයනජිත්ට මෙම අමාත්‍යවරයාගේ උදව් උපකාර ලැබෙන බවය. මේ සිව් දෙනාම ප්රබල පාතාල ක‍්‍රියාකාරීකයෙකු ලෙස සැලකෙන මල්වත්තේ මංජු නමැත්තාගේ ගෝලයන් බවද එහිදී වාර්තා කර තිබිණ. ඒ ඔවුන් සරත් ෆොන්සේකා අමාත්‍යවරයා සමග සිටින ඡුායාරූපද සමගින්ය. ඉන් අනතුරුව මෙම පුවතම 2018.07.19 ‘ප්රබල ඇමතිගේ පාතාල රැුකවලූන් ගැන තවත් තොරතුරු හෙළිවෙයි’ නමින් යාවත්කාලීන කරන නෙත් නිව්ස් වෙබ් අඩවිය සරත් ෆොන්සේකා අමාත්‍යවරයා සමග සම්බන්ධතා පවත්වන පාතාලයට සම්බන්ධ බවට නම් ලැබූ තවත් පුද්ගලයන් රැුසක් පිළිබඳව ඡුායාරූප සමග වාර්තාවක් පළකර ඇත.
මෙහිදී ඉසුරු අත්තනායක නැතිනම් වරුණ නම් පෑලියගොඩ පොලිස් ස්ථානයේ කාලයක් සේවය කළ නිලධාරියෙකු පිළිබඳව තොරතුරු හෙළිකරමින් වෙබ් අඩවිය ප‍්‍රකාශ කරන්නේ මෙම හිටපු පොලිස් නිලධාරියා ප‍්‍රමුඛ පාතාල සාමාජිකයන් ලෙස සැලකෙන පෑලියගොඩ ගිහාන් ශාමිල් සඳරුවන් සහ බැරල් සංඛ යන දෙදෙනා සමග සමීප සම්බන්ධතා පවත්වා ඇති බවය. මංජුල චමින්ද ඇල්වෙල නොහොත් මල්වත්ත මංජු නම් පුද්ගලයෙකු පිළිබඳව තොරතුරු ඉදිරිපත් කරමින් ඔවුන් තවදුරටත් කියන්නේ සරත් ෆොන්සේකා අමාත්‍යවරයා සමග සමීප සම්බන්ධතා පවත්වන මොහු පාතාල ක‍්‍රියාකාරකම් සහ මත්කුඩු ජාවාරම් කටයුතු සිදු කරගෙන යනු ලබන පුද්ගලයෙකු බවය. මෙම පුද්ගලයාට අනවසර ගිනිඅවි 03ක් සන්තකයේ තබාගෙන ඇති බවට චෝදනා එල්ල වන බව ප‍්‍රකාශ කරන ඔවුහු මොහුට විරුද්ධව නඩු රැුසක් ඇති බවද සඳහන් කරති. නිරෝෂන් නයනජිත් ඒකනායක පිළිබදව සඳහන් කරමින් සහ ඔහු සහ සරත් ෆොන්සේකා එකට සිටින ඡුායාරූප පළකරමින් වෙබ් අඩවිය කියන්නේ මේ පුද්ගලයා කැලණිය පෑලියගොඩ අවට ප‍්‍රදේශවල මත්කුඩු සහ මත්පෙති ජාවාරමේ නිරතව සිටින පුද්ගලයෙකු බවය. වෙබ් අඩවිය කියන ලෙස මෙම පුද්ගලයා පෑලියගොඩ නගරසභා මැතිවරණය සඳහා ද ලියාපදිංචි වී සිට ඇත. මෙම පුද්ගලයාට පෑලියගොඩ ප‍්‍රදේශයේ පාතාලයේ ප්රබල සාමාජිකයෙකු සමග සමීප නෑකමක් තිබෙන බවද දැනගන්නට ලැබේ.
මෙම චෝදනා පිළිබඳව අපද තොරතුරු සෙවීමේදී අනාවරණය වුණේ අමාත්‍ය සරත් ෆොන්සේකා ප‍්‍රකාශ කරන තරම් මේ පුද්ගලයන් අහිංසක නැති බවය. 1977න් පසු ලංකාවේ දේශපාලනය තුළ වැඩි ප‍්‍රතිශතයකින් පාතාල ලෝකය ක‍්‍රියාත්මක බව සත්‍යයක්ය. පාතාලය, මත්ද්‍රව්‍ය ජාවාරමුන් සහ අද දවසේ දේශපාලන කෙරුමන් අතර ඇත්තේ ගසට පොත්ත මෙන් සහ සම්බන්ධයක්ය. පොත්ත නැතුව ගසටද ගස නැතුව පොත්තටද පැවැත්මක් නැත. මෙම සිද්ධියේදී පාර්ලිමේන්තුවේ මෙන්ම ඉන් පිටතදීද කෑගසන බොහෝ මැති ඇමැතිවරුන්ටද පාතාලය සමග සමීප බැඳියාවක් තිබෙන බව කිව යුතුය. එහෙත් එය එසේ වූ පමණින් පොලීසිය භාරදීමට හැදු මේ අමාත්‍යවරයාගේ ක‍්‍රියාකලාපය නිවැරදි හෝ අහිංසක හෝ වෙන්නේ නැත.
මෙම චෝදනා පිළිබඳව අමාත්‍ය සරත් ෆොන්සේකා කියන්නේ කුමක්ද? අපි ඔහුගේ හඬටද ඉඩ දිය යුතුය. ඔහු පසුගිය ජූලි 18 වැනිදා මාධ්‍ය හමුවක් පවත්වමින් මේ චෝදනාවලට පිළිතුරු ලබා දුන්නේය. මෙම ඡායාරූපවල සිටින මිනිසුන් තමන්ගේ දේශපාලන ව්‍යාපාරය සමග සම්බන්ධවී වැඩකර පුද්ගලයන් බව ඔහු එහිදී පිළිගන්නේය.
‘ඔවුන්ට විරුද්ධව නඩු නෑ. මේ ළමයි චෝදනා තියෙන අය නෙමෙයි. ඉන්න එක්කෙනෙකුට ඉස්සර එක නඩුවක් තිබිලා තියෙනවා. අපිට දේශපාලනය කරන කොට අපිත් එක්ක දේශපාලනය කරන්න මිනිස්සු එනකොට එන හැම කෙනාටම නඩු තියෙනවාද කියලා අපි අහන්නේ නෑ. ඒක කරන්න බෑ. අනික කලින් වැරැුද්දක් කරලා දඩුවම් ලබලා නිදහස් වුණ පුද්ගලයෙකුට දේශපාලනය කරන්න අයිතියක් නැද්ද?.. මේවා ලියන මාධ්‍යවේදීන් ඉන්නේ කොහේද? පහුගිය කාලයේ හිටියේ කොහේද? කියලා අපි දන්නවා. කාගේ උවමනාවටද මේවා කරන්නේ කියලාත් අපි දන්නවා.’
මෙහිදී ඔහුට එල්ලවන චෝදනාවලට පිළිතුරු දෙන අතරතුරම ඔහු එම මාධ්‍ය හමුවේ දී වැඩි කාලයක් මිඩංගු කරන්නේ මෙම හෙළිදරව්ව කළ මාධ්‍යවේදීන් රාජපක්ෂ සුරතලූන් බව කියන්නටය. මෙවැනි හෙළිදරව්වක් කළ මාධ්‍යවේදියෙකු රාජපක්ෂවරුන් සමග හිතවත් වූ පමණින් හෝ ඔවුන් සමීපව අසුරුකිරීම නිසා හෝ එම හෙළිදරව්ව තුළ අන්තර්ගත තොරතුරු සත්‍ය නම් එය වැරදි ක‍්‍රියාවක් වන්නේ නැත. එපමණින් එය අවලංගු, ගණන් නොගතයුතු වන්නේ ද නැත. මේ පිළිබඳව පාර්ලිමේන්තුවේදී විමල් වීරවංශ මන්ත‍්‍රීවරයා සහ ඉන් පිටතදී මාධ්‍ය හමුවක් තබමින් පත්ම උදය ශාන්ත මන්ත‍්‍රීවරයාද උදය ගම්මන්පිල මන්ත‍්‍රීවරයාද කරුණු දැක්වූහ. ඔවුන් විපක්ෂය වූ පමණින් හෝ ඔවුන් රාජපක්ෂ හිතවාදී වීම මත හෝ මෙම තොරතුරු බොරු වන්නේ නැත. මෙම තොරතුරු බොරු නම් මාධ්‍යයට අවලාද තැබීම පසෙක ලා අමාත්‍යවරයා කළයුතු වන්නේ නිවැරදි තොරතුරු සමාජගත කිරීමය.
මෙම ලියුම්කරු මේ පිළිබඳව පොලිසියේ උසස් නිලධාරියෙකුගෙන් කරුණු විමසීමේදී ඔහු ප‍්‍රකාශ කළේ ආණ්ඩුවේ මෙන්ම විපක්ෂයේ ද ලොක්කන් ළඟ පාතාලයන් සිටිනා බව තම දෙපාර්තමේන්තුව දන්නා බවය. ඒ පිළිබඳ සවිස්තර වාර්තා ද තිබෙන බවය. එහෙත් ක‍්‍රමයේ පැවැත්ම වෙනුවෙන් ඒවා ඉවසන්නට පොලිස් දෙපාර්තමේන්තුවට සිදුවී තිබෙන බවය. සරත් ෆොන්සේකා අමාත්‍යවරයා පොලිසිය විවේචනය කිරීම පිළිබඳව අදහස් දක්වමින් ඔහු ප‍්‍රකාශ කළේ පොලිසිය භාර අමාත්‍යාංශය අදාළ අමාත්‍යවරයාට ලබාදෙන්නට යාමේදී පොලිසියේ යම්යම් උසස් නිළධාරීන් ඊට විරෝධය පළකිරීමද මේ විවේචනවලට හේතුවක් වන්නට පුළුවන් බවය.
