අනුරංග ජයසිංහ
මේ අවුරුද්ද අල්ලස් හෝ දූෂණ විමර්ශන කොමිෂන් සභාවට වැදගත් අවුරුද්දක් ලෙස සැලකිය හැකියි. ඉතිහාසයේ වැටලීමකට හසු කරගත් ඉහළම රාජ්‍ය නිලධාරියා වැටලීමකට හසු කරගන්නට අල්ලස් හෝ දූෂණ විමර්ශන කොමිෂන් සභාව මේ වසරේදී සමත් වුණා. ඒ රටේ රාජ්‍ය නිලධාරියෙකුද වන ජනාධිපති කාර්ය මණ්ඩල ප්‍රධානියා. ගෙවුණු 2017 වර්ෂය අල්ලස් හෝ දූෂණ විමර්ශන කොමිෂන් සභා ඉතිහාසයේ වැඩිම වරදකරු කිරීම් ගණනක් වාර්තා වූ වර්ෂය වුණා. ඒ නඩු විභාග 89ක් තුළින් වරදකරු කිරීම් 57ක්. එපමණක් නොවෙයි 2018 ජුලි 16 දක්වා නඩු විභාග 72ක් තුළින් වරදකරු කිරීම් 49ක් මේ වනතුරු වාර්තා වෙනවා. මේ වෙද්දී අල්ලස් හෝ දූෂණ විමර්ශන කොමිෂන් සභාව විසින් අධිකරණයේදී ක්‍රියාත්මක කරන නඩු ප්‍රමාණය 350ක්. මෑත කාලයේදී ක්‍රියාත්මක නොකළ වැදගත් අවයවයක් පාවිච්චි කරන්නටත් මේ අවුරුද්දේ අල්ලස් කොමිසම කටයුතු කළා. ඒ වත්කම් බැරකම් නීතිය යටතේ නඩු පැවරීම. ජුලි 16 වෙද්දී අධිකරණය ඉදිරියේ වත්කම් බැරකම් හෙළි නොකිරීම යටතේ වරදකරුවන් වූ සංඛ්‍යාව 13ක්. මෑත වසර කිහිපය පුරාම ඒ වරද සම්බන්ධයෙන් කිසිදු අධිකරණ තීන්දුවක් ලබාදී තිබුණේ නැහැ.
අල්ලස් හෝ දූෂණ විමර්ශන කොමිෂන් සභාව විසින් පසුගිය සතියේදී තුනක් එළිදක්වා තිබුණා. මේ වසරේ ජූලි 16 වැනිදා දක්වා කාලසීමාවට අදාළව නිකුත් කළ ඒ වාර්තාවලින් පළමුවැන්න වුණේ කොමිසම මුහුණදෙන අභියෝග පිළිබඳ සඳහන් වාර්තාවයි. වාර්තාවෙහි කරුණු බොහොමයක් තියෙනවා.
හොංකොං දේශයේ ජනගහනය මිලියන හයක්. එහෙත් දූෂණ මර්දන කොමිසමේ නිලධාරීන් 1,000කට වඩා සිටිනවා. මැලේසියාවේත් තත්ත්වය මෙබඳුයි. ලංකාවේ ජනගහනය මිලියන 21ක්. අල්ලස් හෝ දූෂණ විමර්ශන කොමිසමේ ඉන්නේ විමර්ශකයන් 200ක් හා නිලධාරීන් 28ක් පමණක් බව ඒ වාර්තාවෙන් පෙන්වාදෙනවා. අල්ලස් කොමිසමට අත්‍යවශ්‍ය අංශ රැසක් පිහිටුවීම සඳහා සේවකයන් බඳවාගැනීමේ අවශ්‍යතාව තියෙන බව වාර්තාව කියනවා.
අල්ලස් හෝ දූෂණ විමර්ශන කොමිසමට ඇති කාර්යාල පහසුකම් ප්‍රමාණවත් නොවන බව එම වාර්තාවෙහි සඳහන් කර තිබීම සැලකිල්ලට ගත යුතු කාරණයක්. ඔවුන් පෙන්වන්නේ කාර්යයන් ඉටු කරන්න ප්‍රමාණවත් කාර්යාල පහසුමක් සහ වෘත්තියට පහසු පසුබිමක් නොවන බවයි. ඒ සියල්ල මැද අල්ලස් කොමිෂන් සභාව දීර්ඝ කාලයක් තිස්සේ හිඟයක්ව පැවතුණු විමර්ශන අංශය සහ නිවාරණ අංශය ස්ථාපිත කිරීමේ කටයුත්තට සූදානමෙන් සිටින බව වාර්තාවෙන් කියනවා. ඩිජිටල් වෝහාරික ඒකකය, බුද්ධි ඒකකය, වින්දිතයන් සහ සාක්ෂිකරුවන් ආරක්ෂා කිරීමේ ඒකකය, අධ්‍යාපන ඒකකය වැනි අලූ‍ත් ඒකක ඇති කරන්නට ඉඩ නැතැයි ඔවුන් පෙන්වනවා.
මේ වෙද්දී ගොඩනැඟිල්ලේ ඉරිතැලීම් තියෙන බවත් කොමිසම කියනවා. නිලධාරීන් 75ක් පමණ මේ ප්‍රශ්නය නිසා පුද්ගලයන් ලියාපදිංචි කිරීමේ දෙපාර්තමේන්තුවේ පැර‚ ගොඩනැඟිල්ලට යවා තිඛෙනවා. මේ වෙද්දී බරපතළ ලෙස අල්ලස් හෝ දූෂණ විමර්ශන කොමිෂන් සභාවට අලූ‍ත් ඉඩමක් අවශ්‍යයි.
වත්මන් රජය බලයට පත්වූ මුල් කාලයේ අල්ලස් කොමිසම ජනප්‍රිය ආයතනයක්ව පැවතුණා. ඒ කාලයේදී අගමැතිවරයා ප්‍රකාශ කර තිබුණේ බන්ධනාග ාර කොමසාරිස්වරයාගේ නිල නිවාස භූමිය අල්ලස් කොමිසමට නව ගොඩනැඟිල්ලක් ඉදිකරන්නට ලබාදිය යුතු බවයි. ඒ අනුව ඉඩම අල්ලස් කොමිසමට පවරා තිඛෙනවා. කෙසේ වුවත් නාගරික සංවර්ධන අමාත්‍යාංශය අල්ලස් කොමිසමට ඉඩමක් නොදී මඟහරින බව කොමිසම පවසනවා. මේ ඉඩම ලබාදීමට නාගරික සංවර්ධන අධිකාරිය විරෝධය පළ කර තිඛෙනවා. නාගරික සංවර්ධන අධිකාරිය පවසන්නේ කොමිසම බත්තරමුල්ලට ගෙන යන ලෙසයි. එහෙත් කොමිසම පාර්ශ්වයෙන් කියන්නේ කොමිෂන් කාර්යාලය තිබිය යුත්තේ අධිකරණයට පහසුවෙන් යා හැකි දුරකින් බවයි.
කොමිසමේ නිලධාරීන්ට ලැඛෙන්නේ ඉතා අඩු වැටුප් නිසා නඩු මෙහෙයවන නිලධාරීන් කොමිෂන් සභා සේවයේ රැඳී නොසිටින බව වාර්තාවෙන් කියන තවත් කාරණයක්. නීතිපති දෙපාර්තමේන්තුවේ වැටුප් වැඩි වෙද්දී එයට රජයේ නීතිඥවරුන් ලෙස සම්බන්ධ වීම සඳහා අයදුම්පත් වැඩිපුර ලැඛෙන බව පෙන්වාදෙමින් අල්ලස් කොමිසම කියන්නේ තමන්ගේ නීති අංශයටද වැටුප් වැඩි කළ යුතු බවයි. එසේ නොවුණහොත් දක්ෂයන් මේ ක්ෂේත්‍රයට නොඑන්නට ඉඩ තියෙනවා.
කොමිසමට 2014 සිට 2018 වර්ෂයේ 07/16 දිනය දක්වා කාලසීමාවෙහි කළ කටයුතු පිළිබඳව දෙවැනි වාර්තාවෙහි සඳහන්. එම කාලසීමාවේදී අල්ලස් කොමිසමට ලැබුණු පැමි‚ලි පිළිවෙළින් ගත්තොත් 2345, 3964, 3450, 2768, 1658 විදියට හඳුන්වන්න පුළුවන්. මේ පැමි‚ලි විභාග කිරීම දක්වා ගිය අවස්ථා සංඛ්‍යාව පිළිවෙළින් 893, 1823, 2435, 1652, 1021ක් වෙනවා.
ඒ අවුරුදුවල නඩු පැවරීම දක්වා ගිය පැමි‚ලි සංඛ්‍යාව පිළිවෙළින් 64, 108, 87, 73, 32 ක් වෙනවා. විශාල දූෂණ විරෝධි රැල්ලක් තිබුණු 2015 අවුරුද්දේ පැමි‚ පැමි‚ලි 3,964 ක් සහ නඩු පැවරීම් 108ක් තිඛෙනවා. ලංකාවේ දූෂණය සිදුවන ප්‍රමාණයට සාකේෂව නඩු පැවරීම් ප්‍රමාණවත් නැහැ. එහෙත් ඒ සඳහා සම්පත් කොමිසමට නැහැ. නඩු පැවරීමකින් පසුව නඩුවක් රැගෙන යෑමත් අසීරු කටයුත්තක්.
ලැඛෙන පැමි‚ලි අතරින් විමර්ශනය කළ හැකි ලෙස සැලකෙන පැමි‚ලි පවා නඩු පැවරීම් දක්වා ගමන් කරන්නේ ඉතා සුළු ප්‍රමාණයක්. ඇත්තෙන්ම එවැනි පරීක්ෂණවල ලොකුම ගැටලූ‍ව නඩු නිමිත්තක් නොමැති වීම නොවෙයි. පරීක්ෂණ කිරීම දක්වා ගමන් කරන්නට තරම් ප්‍රමාණවත් පහසුකම් කොමිෂන් සභාවට නොමැති වීම.
කොහොම වුණත් තවමත් හාල්මැස්සන් ඉලක්ක කිරීමේ මූලික ලක්ෂණය කොමිසමට තවම ඇති බව 2018 වර්ෂයේ මෙතෙක් සිදුකර ඇති වැටලීම් පිළිබඳ කරුණු ඇතුළත් තෙවැනි වාර්තාවෙන් පෙනෙනවා. ජනාධිපති කාර්ය මණ්ඩල ප්‍රධානියෙක්, හිටපු අමාත්‍යාංශ ලේකම්වරයෙක්, හිටපු නගරාධිපතිවරුන් දෙදෙ නෙක් ඇතුළු ඉහළ නිලධාරීන් සම්බන්ධයෙන් නඩු පැවරීම් වාර්තා වී තිබුණත් වැඩිපුර ඇත්තේ සාමාන්‍ය පොලිස් කො ස්තාපල්වරුන්, සමෘද්ධි නියාමකයන් වැනි නිලධාරීන්ව ඉලක්ක කළ වැටලීම්. ඉහළ කොහොම වුණත් මේ ආයතනය නිරීක්ෂණය කිරීම, ශක්තිමත් කිරීම හා දිරිමත් කිරීමෙනුත් පැමි‚ලි කිරීමෙන් සහ ඔත්තු ලබාදීමෙනුත් ආයතනය ශක්තිමත් කළ හැකියි. දැන් කොමිෂන් සභාවට පැමි‚ලි කරන්නට ඊමේල් සහ වෙබ් අඩවියෙහි පෝරමයක් පිරවීමෙන් කරන්න පුළුවන්. අනන්‍යතාව හෙළිවෙන්නේද නැහැ.
