අරුණ ජයවර්ධන
ජනතා විමුක්ති පෙරමුණේ නිර්මාතෘ රෝහණ විජේවීර මහතා අත්අඩංගුවට ගෙන අතුරුදහන් කිරීමට එරෙහිව, ඔහුගේ බිරිඳ වන වන්නකුවත්ත වඩුගේ ශ‍්‍රීමති චිත‍්‍රාංගනී විජේවීර මහත්මිය විසින් අභියාචනාධිකරණය ඉදිරියේ හබයාසු කෝපුස් පෙත්සමක් ගොනු කර තිබේ.
1989 නොවැම්බර් 12වැනිදා, උලපනේ ශාන්ත මරියා වතුයායේදී, අත්තනායක මුදියන්සේලාගේ ශාන්ත නිමලසිරි අත්තනායක නමින් පෙනීසිටි පටබැදගේ නන්දසිරි විජේවීර හෙවත් රෝහණ විජේවීර, යුද හමුදාව විසින් අත්අඩංගුවට ගෙන රැුගෙන ගිය බවත් ඉන්පසු ඔහු දකින්නට නොලැබුණු බවත්, ව්‍යාජයැයි සිතිය හැකි මරණ සහතිකයක් පමණක් තමාට දකින්නට ලැබුණු බවත්, තම ස්වාමියාට සිදුවුණු දේ දැනගන්නට තමාට අයිතියක් ඇති බැවින්, විජේවීර මහතා අධිකරණය ඉදිරියට පැමිණවීම හෝ ඔහු අත්අඩංගුවට ගත් අයගෙන් විමසා ඔහුට සිදුවූ දේ ගැන තොරතුරු ලබාදෙන ලෙස චිත‍්‍රාංගනී විජේවීර මහත්මිය සිය පෙත්සමෙන් කියා සිටියි. නීතිඥ සේනක පෙරේරාගේ මාර්ගයෙන් ගොනුකර ඇති මේ හබයාස් කෝපුස් පෙත්සමේ වගඋත්තරකරුවන් වශයෙන් විජේවීර මහතා අත්අඩංගුවට ගෙන රැුගෙන ගිය බි‍්‍රගේඩියර් ජානක පෙරේරා (මියගොස්), බි‍්‍රගේඩියර් ගාමිණී හෙට්ටිආරච්චි හා ලූතිනන් කරුණාරත්න, ඇමති රන්ජන් විජේරත්න, ජෙනරාල් සිරිල් රණතුංග සමග නීතිපතිවරයා නම් කොට තිබෙන බව වාර්තා වෙයි.
විජේවීර හොයාගන්න බිරිඳ උසාවි යයි
- Advertisement -
